মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়

কে.ভি.আই.সি.না ওনলাইনদা খাদিগী মায়খুম য়োনবা হৌরে

Posted On: 08 JUL 2020 3:14PM by PIB Imphal

মীয়াম্না পাম্নরবা খাদিগী মায়খুম হৌজিক ওনলাইনদা য়োনবা হৌরে‍। মসিনা লৈবাকসিগী খ্বাইদগী মনুং হঞ্জিনবা মফমশিংদা লৈবা মীশিংদা মরুওইনা অথিংবা কয়ানা মরম ওইদুনা মখোয় মখোয়গী ময়ুমদগী থোরকপা ঙমদ্রবা নৎত্রগা খাদি আউতলেতশিংদা চৎপা ঙমদ্রবা মীওইশিংদা কান্নহল্লগনি‍। খাদি মায়খুমগী ওর্দর: http://www.kviconline.gov.in/khadimask দা তৌবা য়াগনি‍।

কে.ভি.আই.সি.না খাদি লশিংগী অমসুং মুগাগী মায়খুম অনিমক য়োল্লি‍। লশিংগী মায়খুম অসিনা মমিংতগী ওইবা মমলদা অমদা লুপা ৩০দা য়োল্লি, অদুগা মুগাগী মায়খুমনা অমদা লুপা ১০০দা য়োল্লি‍। ওনলাইনদা লৈবগী খ্বাইদগী পীকপা ওর্দর অসি লুপা ৫০০ ওইগনি, অদুগা লৈরিবশিংনা ফংলিবা মায়খুম মখল মরি হায়বদি অমুবা পাইপিং য়াওবা অঙৌবা মায়খুম, মচু অহুমগী পাইপিং য়াওবা অঙৌবা মায়খুম, মচু অমত্তংগী ওইবা মুগাগী মায়খুম অমসুং মচু কয়াগী ওইবা নমথোক্লবা মুগাগী মায়খুম, হায়রিবশিংসিদগী অপামবা খনবা য়াবগী খুদোংচাবা লৈগনি‍। কে.ভি.আই.সি.না মায়খুমশিং অসি লৈবা নুমিত্তগী নুমিৎ ৫নি ফাওবগী মনুংদা লেম্না থিনগনি‍। ওনলাইনদা য়োল্লিবা অসি হৌজিক্কী ওইনা লৈবাক মনুংখক্তদা য়ারি‍।

কে.ভি.আই.সি. চেয়রমেন শ্রী ভিনয় কুমার সক্সেনানা হায়খিবদা ওনলাইনদা খাদি মায়খুম য়োনবগী থবক অসি মীয়ামদা অশেংবা খাদিগী মায়খুম ফংহন্নবগীদমক্তা হৌদোকপনি‍। “খাদি মায়খুম ওনলাইনদা য়োল্লিবসিনা ওইদ-পাদবা তৌবশিংদগী লৈরিবা মীওইশিংবু ঙাকথোক্নবা পান্দমসু থম্লি‍। ওনলাইন পোর্তেল কয়ানা খাদি ফিনা শাবসু নত্তবা, খুৎনা শাবসু নত্তবা মায়খুম কয়া খাদিগী মিং শীজিন্নদুনা য়োল্লি‍। মীওই কয়া অমা অসিগুম্বা অরানবা ইনফোর্মেসন অসিগী লাংদা থুগল্লি,” হায়না সক্সেনানা হায়খি‍।

পনবা য়াবদি, খাদিগী লশিংগী মায়খুম অসি অনীরক লৈশিনবা চাদা ১০০ লশিং ওইবা ফিনা শাবনি‍। হায়রিবা মায়খুমশিং অসি মরোল অনি ওইবগা লোয়ননা অহুমলক থুপ্লগা শেমবনি অমদি চাউ-শাংবা মখল অহুম থোক্না – মচা, ময়ায় ওইরপ চাউবা, অমদি অচৌবা, হায়না ফংই‍। মায়খুমশিং অসি ময়েক অনি থোক্না ফংই – অমুবা পাইপিং য়াওবা অঙৌবা মায়খুম, অমসুং মচু অহুমগী পাইপিং য়াওবা অঙৌবা মায়খুম‍।

অমরোমদা মুগাগী মায়খুম অসিনা মরোল অহুম ওইবদা মনুংগী মরোল অনিদি চাদা ১০০ খাদি লশিংনা ওইগনি অমদি মপানগী মরোল অমনা খাদিগী মুগা ফিনা ওইগনি‍। মুগাগী মায়খুমশিং অসি নমথোকপা অমদি নমথোক্তবা ময়েক্তা মচু মখল মরাং কায়না ফংগনি‍। খাদি মুগাগী মায়খুম অসি চপ মান্নবা চাউ-শাংবদা চিংথোক চিংশিন য়াবা নারি অমসুং য়েংবদা ফজরবা মরুম মরুমশিং য়াওরগা ফংই‍।

 

*****



(Release ID: 1637197) Visitor Counter : 67