প্রধান মন্ত্রী অৱাস য়োজনা-অর্বান (পি.এম.এ.ৱাই-য়ু)গী সব-স্কিম অমা ওইনা অর্বান মাইগ্রেন্তশিং/লায়রবশিংগী এফোর্দেবল রেন্তেল হাউজিং কমপ্লেক্সশিং(এ ঐচ আর সি) শেমগৎপা মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে :

১. সরকারগী শেনফম্না শেমগৎখিবা হৌজিক হাংদুনা লৈরিবা হাউজিং কমপ্লেক্সশিং চহি ২৫গী ওইনা কন্সেসন এগ্রিমেন্তশিংগী খুৎথাংদা এ.ঐচ.আর.সিশিং ওইনা ওন্থোক্কনি। কন্সেসন ফংলিবশিংনা কমপ্লেক্সশিং লৈবা য়ানবা অমুক হন্না শেমজিনগনি, কাশিং শেমজিনগনি অমসুং ঈশিং, সিৱেজ, সেনিতেসন, লম্বীগী অৱাৎপশিং মেনখৎকনি। অরোন-অথুপ লৈতবা বিদিংগী খুৎথাংদা রাজ্যশিং/য়ু.তিশিংনা কন্সেসন ফংগদবশিং খনগনি। মথংগী সাইকল অমুক হৌনবা চহি ২৫গী মতুংদা কমপ্লেক্সশিং য়ু.এল.বিদা অমুক ওন্থোক্কনি নৎত্রগা মশাগী ওইগনি।

২. চহি ২৫গী ওইনা লনাই/সরকারগী লুপশিংনা মখোয়গী অহাংবা লমশিংদা এ.ঐচ.আর.সিশিং শেমগৎনবা খুদোংচাবশিং হায়বদি চাদা ৩০গী এফ.এ.আর/এফ.এস.আই, লোন, তেক্স কোমথোকপগী কান্নবশিং পীগনি।

খুঙ্গংশিং নৎত্রগা অপীকপা সহরশিংগী থবক থিবা লাকপা মশিং য়াম্লবা শিন্মীশিং, মহৈরোয়শিং, মেনুফেকচরিং ইন্দস্ত্রিশিংগী শিন্মীশিং, হোতেল অমসুং হকশেলগী লমদা থবক তৌবশিং, ইমুং-মনুংগী/দুকানশিংদা থবক শুরিবশিং, য়ুম-কৈ শাবা শিন্মীশিং এ.ঐচ.আর.সিশিংগী মখাদা কান্নবা ফংহন্নবা পান্দম থম্লি।

শেমগৎ-শাগৎনবা মশক খঙলবা অনৌবা তেক্নোলোজিশিং শীজিন্ননবা তেক্নোলোজি ইন্নোবেসন গ্রান্তগী মওংদা প্রোজেকশিং অসিগীদমক লুপা ক্রোর ৬০০ পীরগনি। অহানবা ওইনা এ.ঐচ.আর.সিশিংগী মখাদা মীওই লাখ ৩ রোম কান্নবা ফংলগনি।

থবক মফম য়াম্না নক্না মমল হোংবা ভারাগী লৈফম ফংহন্দুনা এ.ঐচ.আর.সিশিংনা সহরগী মফমশিংদা অনৌবা ফিবম অমা শেমগৎলগনি। এ.ঐচ.আর.সিশিংগী মখাদা শেন থাদরিবা অসিনা অনৌবা থবকশিং ফংহনগনি। এ.ঐচ.আর.সিশিংনা দরকার লৈতনা চৎথোক-চৎশীন তৌবা, মী চিনবা অমসুং পোল্লুসন হন্থহল্লগনি।

শেন-থুমগী কান্নবা ফংনবগীদমক সরকারগী শেন্না শেমগৎখিবা হৌজিক হাংদুনা লৈরিবা য়ুমশিং এ.ঐচ.আর.সিশিং ওন্থোক্লগনি। স্কিম অসিনা মীওই কয়ানা মখোয়গী অহাংবা লমশিংদা এ.ঐচ.আর.সিশিং শেমগৎনবা খুদোংচাবা পীদুনা রেন্তেল হাউজিং সেক্তরদা শেন থাদবা অমসুং ওন্ত্রেপ্রেনিয়রসিপকী থবক পুক্নিং থৌগৎলগনি।

নুংগীৱারোল :

প্রধান মন্ত্রী অৱাস য়োজনা-অর্বান(পি এম এ ৱাই-য়ু)গী সব-স্কিম অমা ওইনা অর্বান মাইগ্রেন্তশিং/লায়রবশিংগী এফোর্দেবল রেন্তেল হাউজিং কমপ্লেক্সশিং(এ ঐচ আর সি) শেমগৎপগী থৌরাং অসি হাউজিং অমসুং অর্বান এফেয়ার্স মিনিস্ত্রিনা হৌদোকপনি। স্কিম অসি ২০২০গী মে ১৪দা ফাইনান্স মিনিস্তরনা লাউথোকখি। মসিগী স্কিম অসিনা ‘অত্মানির্ভর ভারত’কী পান্দম অদু ফংহন্নবা হোৎনগনি।

কোবিদ-১৯ লাইচৎনা মরম ওইদুনা সহরশিংদা থবক থিবা লাকপা খুঙ্গংশিং নৎত্রগা অপীকপা সহরশিংদগী লাকপা লৈবাক অসিগী লায়রবা শিন্মিশিং/সহরগী লায়রবশিং মখোয়গী হান্নগী মফমশিংদা অমুক হনখ্রে । মহৌশানা হায়রিবা মপান লমগী শিন্মীশিং অসি ভারা তিংদনবা স্লমশিং, আইন্না য়াদবা মফমশিং নৎত্রগা পেরি-অর্বান এরিয়াশিং লৈখি। খরচ হন্থনবা মখোয়গী পুন্সি খুদোংথিনিংঙাই ওইবা মওংদা মখোয় থবক মফম য়ৌনবা লম্বীদা খোঙনা চৎপা নৎত্রগা সাইকল থৌবদা মতম য়াম্না মাঙহল্লি।

******