লৈবাকসিদা অমদি মালেমসিদা ওইরক্লিবা তোপ তোপ্পা ফীভম অসিদা মীৎয়েং থমদুনা সি.বি.এস.ই.দা ক্লাস ৯দগী ১২ ফাওবগী করিকুলম শেমদোক্নবা অমদি মহৈরোয়শিংদা কোর্স লোদ হন্থহন্নবা ৱাফম থমখি‍। মদুগী মতুং ইন্না সি.বি.এস.ই.না একাদমিক সেসন ২০২০-২১গী ওইনা ক্লাস IX-XIIকী সিলেবি শেমদোক্লে হায়না ঐচ.আর.দি.গী কেন্দ্র মন্ত্রী শ্রী রামেশ পোখ্রিয়াল ‘নিসঙ্ক’না হায়খ্রে‍।

চয়োল খরগী মমাঙদা, মহাক্না ইদুকেসনিস্ত পুম্নমক্তা সিলেবস হন্থহনবগী মতাংদা মখোয়গী সজেসনশিং সোসিএল মেদিয়াদা #SyllabusForStudents2020 শীজিন্নদুনা থাগৎলক্নবা ৱাফম থমখি হায়নসু মহাক্না পাউদমখি‍। ঐখোয়না সজেসন লিশিং ১.৫ হেন্না ফংখি অমদি অসিগুম্লবা য়াম্লবা পাউখুম অসিগীদমক্তা খুদিংমকপু তৌবিমল খঙবা উৎলি হায়না শ্রী নিসঙ্কনা পাউদমখি‍।

কেন্দ্র মন্ত্রীনা হায়খিবদা সিলেবিদা অহোংবা পুরক্লিবশিং অসি মখোয় মখোয়গী কোর্স কম্মিতীনা করিকুলম কম্মিতী অমসুং বোর্দ অসিগী গভর্নিং বোদীগী অয়াবগা লোয়ননা ফাইনেলাইজ তৌখবনি‍।

সিলেবি শেমদোক্লিবা অসি লৈবাকসিদা অমদি মালেমগী তোঙান তোঙানবা মফমশিংদা থেংনরিবা তোপ তোপ্পা ফীভম অসিনা মরম ওইরগা লৌখিবা ফিরেপনি‍। তমবগী ফংফম থোকপা লৌশিং ফংনবগী মরুওইববু লুম্না লৌদুনা সিলেবস অসি মরুওইবা ৱাখল্লোনশিং খাক্তুনা চাদা ৩০গী চাংদা হন্থহনবনি‍।

স্কুলশিংগী মকোকশিং অমদি ওজাশিংদসু ককথৎখ্রবা তোপিকশিং অসিগী মতাংদা মহৈরোয়শিংদা শন্দোক্না তাকপিদুনা অতোপ্পা তোপিকশিংগা শমজিন্নবা য়াননবা হোৎনবিয়ু হায়না বোর্দনা পাউতাক পীখ্রে‍। অদুম ওইনমক ককথৎখ্রবা সিলেবস অসি ইন্তরনেল এসেসমেন্ত অমসুং চহী লোইরকপগী বোর্দকী চাংয়েংগী তোপিকশিংগী শরুক অমদি ওইররোই‍। তোঙান তোঙানবা থৌওংশিং শীজিন্নদুনা করিকুলমশিং য়ৌশিন্নবগীদমক এন.সি.ই.আর.তি.না শেমবা অল্তরনেতিব একাদমিক কেলেন্দর অমসুং ইনপুতশিং এফিলিএত তৌরবা স্কুলশিংদা তীচিং পেদাগোজীগী শরুক অমা ওইনা শীজিন্নগদবনি‍।

ইলিমেন্তরী ক্লাসশিং (১-৮)গীদমক্তদি স্কুলশিংনা এন.সি.ই.আর.তি.না পীবা অল্তরনেতিব একাদমিক কেলেন্দর অমসুং লর্নিং আউতকম ইনগদবনি‍। শেমদোক্লবা সিলেবস অসি সি.বি.এস.ই. একাদমিক ৱেবসাইত www.cbseacademic.nic.in দা ফংগনি‍।

*****