প্রধান মন্ত্রীনা তাকখিবগী মতুং ইন্না মাগী মথৌ তাবা ইনর্জীগীদমক্তা মরোমদোম লেপচবা ঙম্নবা হোৎনরকপা অসিদা ইন্দিয়ন রেলৱেজদা অনৌবা মঙাল অমা ফংহনখ্রে অমসুং রিন্যুএবল ইনর্জী(আর.ই.)গী প্রোজেকশিংগীদমক্তা মাগী অহাংবা লমশিং অদু শিজিন্নদুনা সোলরাইজ তৌরগনি। রেলৱেনা মাগী মথৌ তাবা ত্রেস্কন পাৱর অদু ফংনবগীদমক অমসুং মপুং ওইবা ‘চত্থোক-চৎশিনগী গ্রীন মোদ’ অমা ওইহন্নবগীদমক্তা সোলর ইনর্জী শিজিন্ননবা ৱাশকখ্রে। রেলৱেজ মন্ত্রালয়না মাগী অহাংবা লমশিং অদুদা মেগা স্কেলদা সোলর পাৱরশিং ইন্সতোল তৌনবা ৱারেপ লৌখ্রে।

সোলর পাৱর শিজিন্নবা অসিনা রেলৱেজ মন্ত্রালয়গী শ্রী পিয়ুশ গোয়লগী মিশন অদু য়ৌদুনা ইন্দিয়ন রেলৱেজ অসি ‘নেৎ জিরো’ কার্বোন ইমিসন রেলৱে ওইনা ওন্থোক্লগনি।

ইন্দিয়ন রেলৱেজগী হৌজিক মথৌ তারিবা সোলর প্রোজেকশিং অসি মথৌ তৌহন্দুনা অহানবা ওইনা ইন্রজী মপুং ফানা লৈবা চত্থোক-চৎশিনগী অহানবা ওর্গনাইজেসন অমা ওইহনবদা মপুং ফাহল্লগনি। মসিনা ইন্দিয়ন রেলৱেজ অসি গ্রীন ওইহনবগা লোয়ন-লোয়ননা ‘আত্ম নির্ভর’সু ওইহনবদা মতেং ওইরগনি। .

ইন্দিয়ন রেলৱেজ গ্রীন ইনর্জী লৈবদা লময়ানবা অমা ওইনা থবক পাংথোকখি। মসিনা এম.সি.এফ. রাইবরেলি(য়ু.পি.)দা শেমগৎখিবা পাৱর মেগাৱাত ৩গী পাৱর প্লান্তকুম্বা তোঙান-তোঙানবা সোলর প্রোজেকশিংদগী ইনর্জী লৈবা হৌখ্রে। চাওরাক্না পাৱর মেগাৱাত১০০মুক্কী রুফতোপ সোলর সিস্তেমশিং অসি মাংজৌননা ইন্দিয়ন রেলৱেজগী তোঙান-তোঙানবা স্তেসনশিং অসুং বিল্দিংশিংদা থমখ্রে।

মসিদা নত্তনা বিনা)মধ্য প্রদেশ)তা ওভরহেদ ত্রেক্সন সিস্তেমদা হকথেংননা শমজিন্নগদবা পাৱর মেগাৱাত ১.৭গী প্রোজেক অমা হান্ননা ইন্সতোল তৌখ্রবা অমসুং হৌজিক-হৌজিক পাক-চাওনা চাংয়েং চত্থরি। মসি নুমীৎ ১৫গী মনুংদা থবক তৌবা হৌরবা য়ানা লৈরি। মসি ইন্দিয়ন রেলৱেজগা ভারত হেভি ইলেক্ত্রিকেল্স লিমিতেদ(ভোল)গা খুৎশম্নদুনা পায়খৎমিন্নবা অহানবা প্রোজেক মখল অমনি। মসিদা রেলৱে অসিগী ওভরহেদ ত্রেক্সন সিস্তেম অসি হকথেংননা ফীদিং তৌনবগীদমক্তা দাইরেক করেন্ত(দি.সি.)না ফেজ অমখ্ক্তং ওইবা অল্তর্নেতিং করেন্ত(এ.সি.)দা ওন্থোকপগী ইনৌ-নৌবা তেক্নোলোজীশিং শিজিন্নবগী থবক য়াওই। সোলর পাৱর প্লান্ত অসি বিনা ত্রেক্সন সব স্তেসন(তি.এস.এস.)তা শেমগৎখি। মসিনা চাওরাক্না চহিদা ইনর্জী য়ুনিৎ লাক্ষ ২৫ পুথোকই অমসুং রেলৱেগী ওইনা চহি খুদিংগী লুপা কোতী ১.৩৭মুক কনবা ঙম্মি।

ইন্দিয়ন রেলৱেজ (আই.আর.) অমসুং ভেলগী ওফিসিএলশিংনা ইনৌ-নৌবা প্রোজেক অসিবু মায় পাক্না থবক পাংথোকহন্নবগীদমক চোকথবা লৈতনা থবক তৌরি। প্রোজেক অসি ভেলনা মাগী কোর্পোরেৎ সোসিএল রেসপোন্সিবিলিতী(সি.এস.আর.) স্কীমগী মখাদা পায়খৎপনি। কোবিদ-১৯গী লোকদাউন অমসুং পোৎচাক অমসুং থবক শুনবা মী ফংদবগী অৱাবশিং মথং-মথং মায়োক্নবা তারগসু আই.আর. অমসুং ভেলনা পুন্না তীম অমা ওইনা মিশন অসি ওক্তোবর ৯, ২০১৯দা য়ান্নচে অদু খুৎয়েক পীনখিবা নুমীৎ অদুদগী থা ৮ ফাওবগী মনুংদা লৌইশিনবা ঙনম্নবা কন্না থবক শুরি। প্রোজেক অসিদা মরু ওইনা থেংনরিবা শিংনবা অসি সোলর পাৱর পেনেলশিংদগী থোরকপা দি.সি.পাৱর অসি রেলৱেজ ত্রেক সিস্তেম্না শিজিন্নবা ফেজ অমখক্তং ওইবা এ.সি. পাৱর কিলোভোল্ত ২৫দা ওন্থোকপনি। মসিদা কৈথেলদা রেদিমেদ ওইনা ফংদবা ফেজ অমখক্তংগী ওইবা কেপাসিতী ৱাংবা ইনভর্তরশিং শেমগৎপা মথৌ তাই। সোলর পেনেলশিং অসিনা তোপ-তোপ্পা ইনভর্তরশিং অসিদগী এ.সি.গী ইনর্জীদা ওন্থোক্কদবা দি.সি. দি.সি. ইনর্জী পুথোক্কনি অমসুং ইলেক্তিক ত্রেনশিং চেলহন্নবা বিনাগী তি. এস.এস.তা পাৱর অদু হকথেংননা ফীদ তৌদুনা এ.সি. কিলোভোল্ত ২৫ ফাওবা হেনগৎহনগনি।

মসিদা নত্তনা ইন্দিয়ন রেলৱেজনা মথৌ তাবা ইলেক্ত্রিক ত্রেস্কন ইনর্জী অদু ফংবা ঙম্ননবা লমদা য়ুম্ফম ওইবা সোলর প্লান্তশিংগী স্কীমগীদমক্তা পাইলোত প্রোজেক অনিদা থবক। পাংথোক্লি। মখোয়শিং অদুগী মরক্তা অমদি সেন্ত্রেল ত্রান্সমিসন য়ুতিলিতী(সি.তি.য়ু.)গা শমজিন্নগদবা ভিলাই(ছতিসগর)গী শিজিন্নদবা লমশিংদা শেমগৎখিবা পাৱর মেগাৱাত ৫০গী সোলর পাৱর প্লান্ত অসিনি অমসুং মসি মার্চ ৩১, ২০২২ ফাওবদা থবক পাংথোকপা হৌনবগী পান্দম থম্লি। স্তেত ত্রান্সমিসন য়ুতিলিতী(এস.তি.য়ু.)গা শমজিন্নগদবা দিৱানা(হরিয়ানা)দা লৈবা পাৱর মেগাৱাত ২গী সোলর পাৱর অসি অগস্ত ৩১, ২০২০ ফাওবদা থবক হৌবা য়ানা লৈরি।

রেলৱে ইনর্জী মেনেজমেন্ত কম্পনি লিমিতেদ(আর.ই.এম.সি.এল.) অসি অচৌবা মেগা স্কেলদা মখা তানা মশা পোকথোকহন্নবা পোত্থাবা তৌদনা থবক শুরি। মসি মাংজৌননা ইন্দিয়ন রেলৱেজগীদমক্তা গীগাৱাৎ ২গী সোলর প্রোজেকশিং শিজিন্নদ্রিবা রেলৱেগী লমশিংদা ইন্সতোল তৌনবগীদমক তেন্দরশিং থোকখ্রে।

ইন্দিয়ন রেলৱেজনা থবক পাংথোক্নরিবা রেলৱে লাইনশিংগা কোন্ননা সোলর প্রোজেকশিংগী ইনৌ-নৌবা ৱাখল্লোনশিং য়োকখৎলি। মসিনা লম লান্সিল্লকপশিং ঙাকথোক্তুনা ত্রেনশিং খোংজেল অমদি শোই-ঙামদনা হেনগৎহনবদা অমসুং ত্রেক্সনগী থবকশিংদা সোলর পাৱর অদু হকথেংননা চংহন্নবগী ইনফ্রাস্ত্রকচরগী মমল অদু হন্থহনবদা মতেং পাংগনি। রেলৱে ত্রেকশিংগা কোন্ননা গীগাৱাত ১গী সোলর পাৱর অমা ইন্সতোল তৌনবগী অতোপ্পা তেন্দর অমসু আর.ই.এম.সি.এল.না পুথোক্নবগীদমক্তা থৌরাং তৌরি।

মসিগী খোংথাংশিং অসিগা লোয়ননা, ইন্দিয়ন রেলৱেজ অসি ভারতকী নোংজু-নুংশা হোংলকপদা লান্থেংনবদা অমসুং নেৎ জিরো ওইবা কার্বোন ইমিসনশিংগী ওর্গানাইজেসন অমা ওইনবগীদমক অমসুং ইন্তেন্দেদ নেস্নেল্লি দিতর্মিন কন্ত্রিব্যুসন্স(আই.এন.দি.সি.)গী পান্দম অদু মায় পাক্নবগী লম্বিদা তোপ-তোপ্পা খোংথাংশিং পায়খৎপদা পান্দমশিং ফংনবদা মকোক থারি।

****