তুরিজম মন্ত্রালয়, ভারত সরকারনা দেখো অপনা দেশকী ৱেবিনার পরিংগী মখাদা "ভারতকী নুপীশিং-শিফতিং গীয়র্স" মিংথোনবা ৪০শুবা ৱেবিনার পাঙথোক্তুনা তুরিজমগী নুংঙাইবা য়াওরবা নুপীশিংনা বাইক থৌদুনা কোইবগী নুংঙাইবা উৎখ্রে। ৱেবিনার সেসন অদু ইন্দিয়া জয় ভারতীগী বাইকতা ঙাওজবা মোতোরসাইক্লিস্ত, লম কোইবা পামজবা অমসুং মোৱো (মুভিং ৱিমিন)গী কো-ফাউন্দর ওইরিবী, মোতোরসাইকলদা থৌদুনা নুপী খুনাইবু পুক্নিং থৌগৎলিবী অনী; অমসুং বাইকর, ব্লোগর, স্তোরী তেল্লর অমসুং মোতোরসাইকল তুর গাইদ ওইরিবী কেন্দিদা লুইনা পাঙথোকখি।

তুরিজম মন্ত্রালয়গী এ.দি.জি. শ্রীমতি রুপিন্দর ব্রারনা ৱাতেম্লদুনা পুং অমা শাংবা সেসন অদুনা ভারতকী নুপী বাইকরশিংনা চেকশিন্নিংঙাই ওইবা মফমশিং, ভারতকী তোঙান-তোঙানবা লেন্দস্কেপশিং মোতোরসাইকলনা কোইবা, মথৌদাং মশক খঙবা লমকোইবা অমা ওইবা, অমসুং লৈবাক শীনবা থুংনা নুপীশিংনা মোতোরবাইক্তা কোইনিংবগী ইথিল হেন্না পোকহন্নবা হোৎনখি। দেখো অপনা দেশ ৱেবিনার পরিং অসি ভারতকী লৈজরিবা ইনাক খুল্লবা পুক্কৈশিং অসিবু এক ভারত শ্রেশথা ভারতকী মখাদা উৎনবা হোৎনবনি অমসুং লেপ্পা লৈতনা ভর্চুএল প্লেৎফোর্মগী খুথাংদা থৌনা শন্দোক্লি।

সেসন অদুগী ৱাঙাংলোইন অনীমক ভারতকী নুপী বাইকরশিংগী মরক্তা মমিং লৈরবীশিংনি অমসুং মখোয়না মখোয়গী বাইকিংগী ৱারীনা অনৌবা বাইকর কয়াগী লম্বী য়াৎপীখ্রে। জয় ভারথীনা তেলঙ্গানাদগী হৌরকপী, শিনফম্না আর্কিতেক ওই অমসুং হৌজিক হৌজিক মোৱো (মুভিং ৱিমিন) কৌবা নোন প্রোফিৎ ওর্গনাইজেসন অমা চলাইরি, মসিনা নুপী কয়াবু চকা অনী পানবা গারী করম্না থৌগনি হায়বগী মতাংদা তাকপীরি অমসুং বাইকরনি কৌবা হাইদেরবাদকী চেপ্তরগী নুপী ঙাক্তগী ওইবা ক্লব অমগীসু লুচিংবী ওইরি, কেন্দিদা লুই নহা ওইরিবী মোতোরসাইকল ত্রাবেল্লর অমনি, মহাক্কী য়ুত্যুব অমসুং ইন্সতাগ্রামদা মিল্লিয়ন কয়াগী ফোলোৱরশিংবু পুক্নিং থৌগৎলি। করনাতাকাগী হুব্লি কৌবা শহর মচা অমদগী হৌরক্তুনা মহাক মশানা মশাবু ৱারী লীবা মীওই অমা অমসুং লৈবাক অসিদা শীনবা থুংনা অমসুং মপানগী লৈবাকশিংদা তুর গাইদ ওইনা নুংঙাইবা খোংচৎ কয়া পুখ্রবীনি হায়না চাউথোকচৈ।

তেলঙ্গানা সরকারনা "বিসিস্থা মহিলা পুরস্কারম"গী মিংথোল পীখ্রবী অমসুং রাজ্য অসিগী অমত্তা ঙাইরবী নুপী বাইক তোংদুনা কোইবা চৎপী জয় ভারথীনা মহাক্না লৈবাক অসিগী ঙমখৈ পরিংশিংদা কোইরুবা, য়ু.এস.এ., থাইলেন্দ, লাওস, কেম্বোদিয়ানচিংবা মপান লৈবাকশিংদা হৌখিবা চহী খরসিদা মহাক্কী বাইক্তা কোইরুবগী নুংঙাইবা ৱারীশিং চাউথোক্না তমখি। মহাক্না য়ুনেস্কোগী মফমশিংদা চৎনিংবগী ইথিলনা লৈবাক অসিদা লৈরিবা য়ুনেস্কোগী মফম ৩৮দা মাই পাক্না কোইবা ঙমখি। মসিগী পামজবসিনা মহাক মীনা পাক্না চৎনরুদবা মফমশিংদা কোইবা চৎপা ঙমহনখি অমসুং ভারতকী তোপ-তোপ্পা নাৎশিং খঙবা ঙমখি।

কেন্দিদানা অতোপ্পা অমরোমদা লৈবাক শীনবা থুংনা ২০১৫দা কিলোমিতর ৩২০০০ শাংনা অমসুং রাজ্য ২২দা থা তরেৎকী মনুংদা কোইবা ঙমখ্রে। মহাক্কী খ্বাইদগী নৌবা খোংচত্তি ভারত্তগী ওস্ত্রেলিয়াফাওবা লৈবাক ১০ ফাওদুনা লম্বীদা থা ৮ থৌখিবসিনি। মহাক্কী মোতোরসাইকল থৌদুনা কোইনিংবগী ইথিল অসিনা লৈবাক ১৫দা ত্রিপ ১৪শিন্দুনা কোইবা ঙমখ্রে। মহাক্কী ৱাহৌদোক পীবা মতমদা, কেন্দিদানা লমদম অসিগী নাৎপু নুংশিজবা অমসুং তোঙানবা ইনশাংশিংবু পামজবা ফোংদোকখি, মসিগী মথক্তা কম্ম্যুনিতী সর্বিসশিংদা ভোলুন্তীয়র ওইদুনা শরুক য়াবগী পামজবসু ফোংদোকখি।

জয় ভারতীনা মোতোর মেচিনশিং অসিদা হিস্তোরিকেল অমসুং কলচরেল হেরিতেজশিং, অশাংবা কোস্তেল লাইনশিং, পাক্লবা চীংশাং পরেং কয়া, খুঙ্গংগী মফমশিং, লৌবুক্কী ফজবা অমসুং মালেমদা খ্বাইদগী শাংবদা অনীশুবনি হায়নরিবা লম্বী সইবু নুংঙাইবগা লোইননা কোইবদা নত্তনা নুপীশিংসু মখোয়গী য়ুমগী মপান্দা অশেংবা নিংতম্বা হায়বদু ফংনবা হোৎনবা য়াই হায়বদু খংহনলে হায়না পাউদমখি।

কেন্দিদানা মহাক্কী প্রজেন্তেসন অদু ভারতকী মহৌশাগী ফজবশিং মফম মফমগী মতুং ইন্না মখা তারকখি। অৱাং মাইকৈদা, মহাক্না হায়, বাইকরশিংবু হিমালয়গী নূং ওইবা চীংগী লম্বীশিংদা থৌনিংবগী মংলান মংফাওনহল্লি। লে, লদাখ অমসুং স্পিতিগী লমদা কোইবা, খ্বাইদগী ৱাংবা গারী থৌবা য়াবা লম্বী ওইরিবা উম্লিং লা অমসুং কার্গিল ৱার মেমোরিএল সাইৎশিংসু মোতোরবাইকরশিংগী ৱাখল অমুক্তং চৎচরদি হায়দনা লৈজরিবা মফমশিংনি। অৱাং ভারত অসিদা লৈরিবা মোনুমেন্তশিং অমসুং হিস্তোরিকেল সাইৎশিং অসিনা লমদম অসিগী বাইকরশিং অমসুং মপান লৈবাক্তগী লাকপা বাইকরশিংগী খ্বাইদগী চানরবা পন্থুংফম ওইহল্লি।

নোংপোক থংবা ভারত অসি কেন্দিদাগী মতুং ইন্না, মফম অসিগী ইশং শংবা মীৎয়েংফমশিংনা মখোয়গী খোংচৎশিংদা পুক্নিং হুনা ফজৈ হায়না থমখি। অৱাং নোংপোক ভারত য়ৌরকপদা খ্বাইদগী তোপ্না চোংথোক্লক্কদবা ফজবদি মহৌশাগী ওইবা মচীল মনাও তরেৎকী ঈশিং চাইবী, অমসুং অশুকপা উমং, খ্বাইদগী লুবা খুঙ্গং, অৱাংবা চীংজাওনচিংবশিংনি অমসুং অসিগুম্বা অথাপ্পা মফমশিং অসি কোইবগী খ্বাইদগী ফরবা পাম্বৈদি মোতোরসাইক্লিংনি।

খা থংবা ভারত্তা লাক্লদুনা, কেন্দিদানা অয়েংবশিংদা হায়রিবা মফম অসিগা মফম অসিদা হৌরকপা ওইবনা মহাক্কা তোঙানবা মরী অমা লৈ হায়খি, মফম অসিদা চাউরকপনা মহাক্কী কোইবা চৎপা পাম্বগী অইথিল অসি মফম অসিদগী শেমগৎচরকখি। খা ভারত্তা অশাংবা কোস্তেল ওইবা লম্বীশিং লোইবনা অমসুং ফজরবা শমুদ্র খোংবালশিং লৈবনা বাইক থৌবা মীশিং অমসুং মোতোরবাইক্কী খোংচৎকী খ্বাইদগী মফম চাবা ওই। মহাক্না মফম অসিগী মীয়ামদা চেল্লিবা মরুপ ওইবগী গুন অসিনা মহাকপু মফম অসিদা পঙ্খৈ অমা লৈতনা কোইবা চৎনিংবগী ইথিল অমা ফাওহল্লি হায়না ফোংদোকখি।

নোংচুপ লমদমদা লাকপা মতমদাজ, কেন্দিদানা নোংচুপ ভারত্তা মহাক মথন্তা পুশকার, উদয়পুর, জৈশল্মর অমসুং অতোপ্পা মীনা কয়া চৎনদ্রিবা লমশিংদা অনৌবা মচু কয়াগী ফজবগা লোইননা উচীগী লাইশঙ, বুলেৎ বাবা, নত্ত্রগা বাইকর তেম্পল অমসুং তাবা খক্তা নত্তনা খোংচৎ অদুগী মনুংদা চঙশিল্লুবা ফংখিবা খোংচৎ অদুনা মহাক্কী খ্বাইদগী নুংঙাইবা খোংচৎশিংগী মনুংদা অমনি হায়নাই ফোংদোকখি। নোংচুপ ভারত অসি মহাক্কী মতুং ইন্না খ্বাইদগী ফজবা অমসুং বাইকরশিংগীদমক বাইকিংগী খোংচৎ মনুংদা পোথাবা য়াবা মফম্নি হায়না ফোংদোকখি।

মহাক্না ফোংদোকখিবা অরোইবা মফমদি, ময়াই থংবা ভারতনি, মসিবু মহাক্না অথোৎপা অমসুং অঙকপা লম্নি হায়না শৈথাখি, মফম অসিদা অরিবা লাইশঙশিং, অচৌবা লানবনশিং, উমং, লম্লক্কী শা-উচেক, অমসুং ভারতকী তোঙান-তোঙানবা শহরশিং লৈ হায়না হায়খি। ময়াম্না থাজনরিবদুগী ওওন্ন-তৈনবদা, কেন্দিদানা হায়খি মদুদি, মহাক্কী খোঙচৎকী মনুংদা লম্বী ওইবা খুদোংথীবা অমতা থেংনখিদে, অমসুং মহাক্কী খোংচৎ অদু পেন্নিংঙাই ওইনা নুংঙাইখি হায়খি। অসিগুম্বা, মহাক্না অয়েংবশিংদা লৈবাক অসিগী মফম অমহেক্তদা কোইবা চৎপদা কিদনবা অমসুং চেকশিনগদবশিং পুম্নমক লৌখত্তুনা কোইনবা মহাক্না ফোংদোকখি।

মহাক্না মহাক্কী অরোইবা ৱাহৈ ওইনা ভারত অসি মহাক্কী চাউরবা লম অমসুং অঙকপা নাৎ অমসুং চৎনবী কয়া লৈজরদুনা কন্তিনেন্ত অমগা চাংদম্নবা য়াবা লম অমনি হায়না ফোংদোকখি, মসিগী মথক্তা নুপীজাশিংবুসু লম কোইথোক্তুনা ফজবশিং য়েংনবা ফোংদোকখি।

জয় ভারতীনা ভারত্তা কোইবা লাকখিবা মী অয়াম্বনা লৈবাক অসিগী লৈজরিবা তোঙান-তোঙানবা নাৎ অমসুং চৎনবীশিংনা ঙাওহনখিবগী ৱারীশিং তমখি। মসিনা তেলঙ্গানাদা নবরাত্রীগী মনুংদা পাংথোকপা কুমহৈ বাথুকম্মাবু হরাউবা ফোংদোকপা অমসুং পুক্নিং থৌগৎপা ওইনা চৎখিবা মহাক্কী মোতোরগী খোঙচৎপু নিংশিংহনখি। হায়রিবসি নুপীশিংগীদমক নুপীশিংনা তোঙান-তোঙানবা মহৌশাদা ফংবা লৈ থিদুনা মখোয়গী য়ুমগী নাকন্দা তৌজবা কোম অমদা লৈতেংদুনা থম্বগী নুমিৎ ৯নি পাঙথোকপা কুমহৈ অমনি। ২০১৮দা বাথুকাম্মা কুমহৈবু থৌগৎনবগীদমক জয় অমসুং নুপী মাপন্না তেলঙ্গানাগী জিল্লা ৯দা কিলোমিতর ১২০০ শাংনা থৌদুনা মখোয়গী লমগী ফিজেৎ লৈতেংনা বুল্লেৎকী ফিজেৎ ওইনা শেৎ চাদুনা মখোয়গী হেন্দলুম অমসুং কলচরবু এক্সপ্লোর তৌখি। ভারতীনা হায়খি, হায়রিবা নাৎ অসিবু য়োকখৎনবগীদমক ঐখোয়দা লৈবা উপাই অমহেক্তা শীজিন্নদুনা অমসুং অঙম্বা মওংদা হোৎনগদবনি।

জয়না কনাগুম্বা অমনা বাইককী খোংচৎশিংগী মমাংদা য়াৎকদবা প্লানশিংগী মতাংদা শুগাইনা ফোংদোকখি। খোংচৎ অদুদা চঙগদবা পোৎলমশিং অমসুং গারীদু মাংজৌননা শেম শাদুনা থমগদবনি। লম্বীদা শোইদ-ঙামদনবা হোৎনবা হায়বসি তঙাইফদবনি, মসিবু ঐখোয়না চেকশিন্না লৌগদবনি। গারী থৌওবদা উপকদবা পোৎলমশিং উপ্পা, ত্রাফিক রুলশিং ঙাকপা, মরক মরক্তা পোথাবা, অমসুং অরুবা মফমশিংদা গারী য়ারক্তবা থোক্তনবগীদমক চাং নাইনা য়েংশিনবা।

মহাক্কী ৱারোল অদুবু নুপীশিংবু কোইবা চৎপদা অকিবা পোক্তনবা অমসুং কোইবা চৎপগী ইথিল ফাওহন্নবা পুক্নিং থৌগৎনবগীদমক ৱারী শান্নবা তঙাইফদে হায়রদুনা মখোয়বু য়ুমদগী মপান থোক্লক্তুনা মপানগী ফজবা অমসুং নিংথীবশিং য়েংহৌনবা ফোংদক্লদুনা লোইশিনখি।

ৱেবিনার অসিগী সেসনশিং অসি মখাগী লিঙ্কশিং অসিদা ফংবীগনি।

https://www.youtube.com/channel/UCbzIbBmMvtvH7d6Zo_ZEHDA/featured

http://tourism.gov.in/dekho-apna-desh-webinar-ministry-tourism

https://www.incredibleindia.org/content/incredible-india-v2/en/events/dekho-apna-desh.html

ৱেবিনার অসিগী সেসনশিং অসি তুরিজম মন্ত্রালয়, ভারত সরকারগী সোসিএল মীদিয়া হেন্দলশিংদসু ফংবীগনি।

মথংগী ৱেবিনার সেসন্না জুলাই ১১, ২০২০গী থানজ নুমিত্তা উত্তারখন্দবু য়োগাগী মফম অমা ওইনা মীৎয়েং থম্লদুনা পাঙথোক্কনি।

******