হকশেল অমসুং য়াইফ-য়ুম্বাল মন্ত্রালয়
রাজস্থানগী আশাশিং: কোবিদ-১৯গী মায়োক্তা শাংলবা লান্থেং অসিদা মীয়ামগীদমক ওইজবা থাদোক্লগা লেপ্লি
আশা অমসুং এ.এন.এম.শিংনা সর্ভিলেন্স অমসুং পাউজেল শন্দোকপগী খোঙথাঙদা মীওই করোর ৩৯গী ময়া কোনশিল্লে
Posted On:
05 JUL 2020 2:38PM by PIB Imphal
রাজস্থানদদি, কোবিদ-১৯ লাইচৎকা লৌরোক পান্থাগা ননশিন্নরি। আশা অয়ামবা মখোয়গী ইমুং মনুংশিংনা লৌ লোকপগী থবকশিংদা মতেং পাংনবগী ৱাখল্লোন লৈরি। অদুবু চহীসিদদি, লাইচৎ অসিদা আশাশিং পাক শন্না শীজিন্নবা মরমনা অসিগুমবা থবকশিংদা য়াওবা ঙমহন্দবনা মরম ওইরগা মখোয়গী ইমুং মনুংশিংদগী পেন্দবা অমদি য়ানিংদবা কয়া থোক্লি। হায়রিবা ফীভমসি গোগি দেবীগী মফমদসু খেন্নবা লৈতে, অদুবু মহাক্না আশা অমা ওইনা মাগী মথৌদা লুপ্লি অমদি হকশেলগী লমদা খুন্নাইবু থৌবা, কম্ম্যুনিতীগী থাক্তা সেবা তৌবা অমদি লিঙ্ক ৱর্কর ওইনা মহাক্কী থৌদাং য়ারি।
কোবিদগা মরী লৈনবা ঙাকথোক্নবগী অমদি লাকশিন্নবগী থৌওংশিংদা মহাক্কী থৌদাং অসিবু গ্রাম পঞ্চায়ত অদুগী প্রধাননা মীয়াম খঙনা থাগৎপা ফোঙদোকখিবদগী মহাক্কী হোৎনজমল মহৈ য়ানখি। মসিনা মহাক্কী থবক থৌরমদা মাগী ইমুং মনুংনা য়েংলমবা মীৎয়েং হোংদোকখি অমদি মহাক্কী মথৌদা পুক্নীং চঙববু থাগৎপা হৌরকখি। গোগি দেবীগীদমক্তদি মহাক্কী কম্ম্যুনিতীনা শকখঙবিবা অমদি থাগৎপীবা অসিনা মহাক্কী থৌদাংবু চোকথবা নাইদনা পাঙথোক্ননবা চাউনা পুক্নীং থৌগৎখি।
কোবিদ-১৯গী থবক থৌরমশিংদা আশাশিংগী থবক্না এলঙদ্রবা য়ুম্বী অমগুম্না লৈবা হৌরকখিবসি জয়পুরদা অহানবা কেস চহীসিগী মার্চ থাদা থেংনখিবদগীনি। চার্চ ৮দা রাজস্থানগী গ্রাম পঞ্চায়ত ৯৮৭৬না অখন্নবা গ্রাম সভা অমা পাঙথোকখি, মদুদা আশাশিংনা অসিগুম্বা মীয়ামগী ওইবা থবক থৌরমশিং অসিগীদমক্তা হান্ননা ত্রেন তৌখ্রবা মরমনা কোবিদ-১৯ শন্দোরকপগী থৌওংশিং, চেকশিন থৌরাং অমদি লাকশিন্নবা থৌরাংশিং মীয়ামদা তাকপদা মখোয়না মাঙজিল থাখি। মসিগী অহৌবগী অচুমবা থৌওং অসিনা মখোয় মখোয়গী জুরিসতিক্সনদা লাইচৎ অসি ঙাকথোক্নবা অমদি লাকশিন্নবা থৌরাংশিং পায়খৎপদা অমদি আশাশিংদা শৌগৎপিবগা লোয়ননা অতৈ ফ্রন্তলাইন ৱর্করশিংনা মখোয়গী মথৌ পাঙথোকপদা অয়েৎ-অপন পীদনবা গ্রাম পঞ্চায়তকী মীহুৎশিংগী ঙাক্লৌ ফংখিবগী মরুওইবা মরম ওইখি।
স্তেত অদুগী ওকজিলিয়রী নর্স মিদৱাইব্স (এ.এন.এম.)শিংগা খুৎশম্নরগা আশাশিংনা লৌখিবা থৌদাংনা য়ুমথোঙ করোর নিমানলোমদা লৈবা মীওই করোর ৩৯গী ময়া কোনশিন্দুনা এক্তিব সর্ভিলেন্স তৌবা অমদি ঈ-পাউ য়ৌহনবা ঙমহনখি। পুম্নমক অসিগী মরকসিদা লায়ওং উত্থোরকপশিং য়েংশিন-য়েংশিন্না আশাশিংনা মীরোনবী নুপী, পোকপদা ঙায়রিবা অঙাঙশিং অমদি অঙাঙ কয়াগীসু কেয়র পীখি। করিগুম্বদা এম্বুলেন্স ফংদবা মতমদা মখোয়না হেল্থ ফেসিলিতীশিংদা চত্থোক চৎশিন তৌনবা গারীগী থৌরাংসু তৌরম্মী।
গোগি দেবীগুম্বা আশা কয়ানা কোবিদ-১৯গী লায়ওংশিং অমদি ঙাকথোক্নবা পাম্বৈশিংগী মতাংদা মীয়ামদা খঙহনবদা মরুওইবা থৌদাং য়াখি। মসিনা লানা অসিবু লাকশিনবদা চাউনা মতেং ওইখি। মখোয়না কম্ম্যুনিতীনা থাজবা অমদি মখোয় মখোয়গী মরমদমগী খুন্নাইগী মওং মতৌশিং শীজিন্নদুনা কোবিদ-১৯ লাকশিন্নবা অমদি মসিগীদমক শেম শানবা লৌখৎলকপা লৈঙাক্কী থৌরাংশিংদা শৌগৎনবা মীয়ামদা থাজবা পীখি।
রাজস্থানগী শক্তমশিং: কোবিদ-১৯গী মায়োক্তা আশাশিংনা থবক তৌবা
******
(Release ID: 1636651)
Visitor Counter : 203