হয়েং গুরু পুর্নিমা নুমিৎ থৌরমদা, মহাক্কী পুন্সিগী তোঙান-তোঙানবা তাঙ্ককশিংদা মহাকপু লমজিংখিবা এল.কে এদভানি য়াওনা গুরুশিংগী মফমদা ভারতকী উপ-রাস্ত্রপতি এম.ভেনকিয়া নাইদুনা ইকায়খুম্নবা উৎখ্রে ।

ফেসবুক্তা ইবদা শ্রী নাইদুনা লৈখিদ্রবা নিংতম লান্মী তেন্নেতি বিশ্বনাথম অমসুং মহাক্কী রাজনিতিগী অঙানবা পুন্সিদা মশক্নাইবা রাজনিতিৱালা ওইখিবা এদভানি য়াওনা গুরু ৫৭ নিংশিংখি। মহাক্না থা ১৫ শুরকপদা মহাক্কী মমা লৈখিদ্রবা শ্রী নাইদুনা মহাক্কী মপু-মবোক মহাক্কী অহানবা গুরুশিংনি হায়না ফোংদোকখি অমসুং স্কুল, কোলেজ অমসুং য়ুনিভর্সিতিগী মতমদা মঙোন্দা ইথিল পীখিবা অতোপ্পা ওজা ৫৫গী মমিং নিংশিংখি।

ভারতকী মমাংঙৈগী ‘গুরু-সিস্যা পরম্পারা’দা মহৈরোয়শিং শেমগৎপদা গুরুগী থৌদাং ইকায়খুম্নবা উৎলদুনা , হৌজিক্কী তেক্নোলোজিগী মতম অসিদা থম্মোয়গী ওইবা মরী অমা থমদুনা লাইরিক তাক্নবা শ্রী নাদুনা ওজাশিংদা তকশিনখি। মহাক্না হায়খি অচুম্বা গুনশিং অমসুং মিৎয়েংশিং তাকপীদুনা অফবা মীওই অমমম শেমগৎতুনা লৈবাক শেমগৎপদা ওজাশিংনা মরুওইবা থৌদাং অমা লৌরি।

উপ-রাস্ত্রপতিনা হায়খি ইন্তরনেতনা কৈদৌঙৈদা ‘গুরু’গী মহুৎশীনবা ঙম্লোই। ইন্তরনেতনা পাউ ময়াম অমা ফংহনবা য়াই , অদুবু পুন্সিগী খুদোংথিবা তারবা মতমদা মতেং পাংনবা ৱাখল খনবা অমসুং নৈনবগী থৌনাদি ওজা খক্তনা পীবা ঙমগনি। গুরু খক্তনা অফবা গুনশিং চেনহলগনি, মীওইবা ৱাখল খন্নবগী থৌনা , খাংবা কনবা অমসুং থকশি-খাশিং মহৈরোয়শিংদা চেনহলগনি অমসুং অচুম্বা লম্বী তাক্কনি।

রামকৃষ্ণ পরমাহমসা অমসুং শ্বামি বিবেকানন্দা অনিগী মরক্তা লৈনরিবা গুরু-সিস্যাগী মরী অদু শ্রী নাইদুনা নিংশিখি অমসুং অহানবদা মিৎয়েংশিং মান্নরমদ্রবসু কমদৌনা বিবেকানন্দনা মহাক্কী গুরুদা চংজখিবগে হায়বা পাউদমখি।

‘গুরু’ হায়বা অসি সংস্কৃত ৱাহৈ হায়বদি অমম্বা(গু) মাঙহনবা ঙম্বা মীওই(রু)হায়বনি, “গুরু য়াওদবা পুন্সি অদু অমম্বা লম্বী অমদা চৎপনি” হায়না শ্রী নাদুনা ইখি।

‘অসারা’ থাগী অহানবা পুর্নিমা নুমিৎতা পাংথোকপা গুরু পুর্নিমা অসি গুরুশিংগী মফমদা ইকায়খুম্নবা উৎনবা মরুওইবা থৌরম অমনি। নুমিৎ অসিদা বেদ ব্যাস, ভাগবান বুধা অমসুং ২৪সুবা জেন তির্থানকারা পোকখি। নুমিৎ অসিদা সর্নাথতা বুধনা মহাক্কী অহানবা পাউজেল শন্দোকখি।

মখোয়গী পুন্সিগী তাঙ্কক কয়াদা মতেং পাংলকখিবা গুরুশিং নিংশিংনবা অমসুং হয়েংগী গুরু পুর্নিমা নুমিৎতা ইকায়খুম্নবা উৎনবা ভেনকিয়া নাইদুনা নিংশিংখি।

***