মেঘালয়দা পোজিতিব কেসকী রিপোর্ত অসি অহানবা ওইনা হেক রিপোর্ত তৌরকখিবগা কন্তেন্মেন্ত জোনশিংদা থিবগী থবক চত্থনবগীদমক পোজিতিব কেসশিং থিবগী তীমগী মপুং ওইবা শরুক অমা ওইনা আশাগী থৌমীশিংবু ত্রেনিং তৌখি। রাজ্য অসিগী কোনুং শিলোংদগী কি.মি.১২ লাপ্না লৈবা মফমদা য়ুম ৭০দগী হেন্না তাবা মফমশিংদা মাওথারিয়া পোমলাকরাই খুঙ্গংদগী রাজ্য অসিদা কোবিদ-১৯গী অহানবা কেস অসি ফংখি। য়াম্না থুনা খুঙ্গং অদুদা কাংলুপকী ওইবা কোবিদ মেনেজমেন্ত কমিতি শেমখি অমসুং মসিদা আশাগী থৌমী এস.কুর্কলাং দেবীনা মরুওইবা মীহুৎ ওইনা হাপখি।

মহাক্কী থৌদাং অসি খুঙ্গং অদুদা প্রাইমরি কন্তেক ৩৫ রোম মশক খংদোকপদা মরু ওইবা থৌদাং লৌখি। কাংলুপ অদুগী অতোপ্পা মীওইশিংদা কোবিদ-১৯ কমিতিনা হোম ক্বারেন্তিন তৌনবা পাওতাক পীবা মতমদা মহাক্না হোম ক্বারেন্তিন তৌবদা ইনগদবা প্রোতোকোলশিং অদু নিংথিজনা হায়বিখি অমসুং মখোয়গী হকশেলগী ওইবদা অমসুং অতৈ মথৌ তাবশিংগীদমক চাং নাইনা য়ুমশিংদা য়েংশিনবা চৎখি। খুঙ্গংগী ভোলুন্তিয়রশিংগা লোয়ননা মহাক্না খুঙ্গংগী মীশিংদা রাসন অমসুং থক্নবা ঈশিংনচিংবা পোৎচংশিং য়ুমশিংদা ফংহনবদা মহাক্না খুঙ্গংগী মীশিং অদুবু মতেং পাংখি। মহাক্না পোকপদা ঙাইরিবা অঙাংশিং, মীরোনবী নুপীশিং, অহল ওইরবা অমদি ত্যুবর্কুলোসিস, হাইপরতেন্সন অমসুং দাইএবেতিসনা নারে হায়বা মশক খংলবশিংগী য়ুমশিংদা চাং নাইনা হকশেলগী ওইবা চেকশিন-থৌরাংশিং ফংহনখি। মহাক্না ইন্সতিত্যুস্নেল দেলিভরিগী খুদোংচাবা ফংহনবগা লোয়ননা মীরোনবী নুপীশিং অমসুং অঙাংশিংদা মতম চানা তীকা কাপ্নবগীদমক্তা খুঙ্গংদা লৈরিব মীশিংদা ভাব তাহনখি। মহাক্না মহাক্কী খোংলোয়শিংগা লোয়ননা কোবিদ-১৯গা মরি লৈননা অতৈ থবকশিংদা নত্তনা মহাক্না চাং নাইনা তৌরিবা থবকশিং অদু মখা তানা তৌখি। মসিনা কোবিদ-১৯গা মরি লৈনদবা অতোপ্পা মরুওইবা হকশেলগী সর্ভিসশিং পলহন্দ্রে। কাংলুপ অসিনা অমসুং আশাশিংনা পুন্না হোৎনমিন্নবনা ঙসি পোম্লাকরাই খুঙ্গং অসিদা কোবিদ-১৯ লৈত্রে।

মেঘালয়দা কোবিদ-১৯গী লায়চৎ অসি শন্দোরকপা থিংবদা আশাগুম্বা হকশেলগী লমদা মমাং থানা থবক তৌরিবশিংনা য়াম্না চাওনা থৌদাং লৌরি। চাওরাক্না আশাগী থৌমী ৬৭০০দা কোবিদ বিলেজ হেল্থ এৱেয়রনেস অমসুং এক্তিব কেস সর্চ তীমগী শরু ওইহনখ্রে। তীমশিং অসিনা কোবিদ-১৯গী ঙাকথোক্নবগীদমক খুৎ হামদোকপা, মাস্ক উপ্পা/মায় খুমজিনবা, লাপথোক্না লৈনবনচিংবা পাম্বৈশিং অসিগী মতাংদা কাংলুপকী তাক্তা ভাব তাহনখি অমসুং পোজিতিব কেসশিং থিদোক্তুনা মীশিংদা ত্রেনিং অমসুং লায়েং চত্থনবগীদমক মতম চানা খুদোংচাবশিং ফংহল্লি। 

*****