হাউজিং অমসুং অর্বন এফিয়র্স মন্ত্রালয় (এম.ও.ঐচ.য়ু.এ.)গী রাজ্য মন্ত্রি (ইন্দিপেন্দেন্ত চার্জ) শ্রী হরদীপ সিংহ পুরিনা এম.ও.ঐচ.য়ু.এ.না পাংথোকপা ভারতকী সহরশিংগী চহীগী ওইবা লু-নানবগী সর্ভেগী তরুকশুবা ইদিসন। অমদি ইং ২০২১গী স্বচ্ছ সর্বেক্ষন তুলকিৎ লোঞ্চ তৌরদুনা হায় মদুদি “চহী খুদিংগী স্বচ্ছ সর্বেক্ষন অসি অনৌবা মওংদা নৌনা দিজাইন তৌই, মসিনা মাগী থৌওংদা হেন্না কনবা অমদি অহোংবা নাইবাদা মরু ওইনা মীৎয়েং চংই। মমাং চহীদা তৌখিবগুম্না মন্ত্রালৈ অসিনা অমোৎ-অকায় শেংদোকপগী মগুন হেনগৎনবা অমদি তুং কোইনা চৎনবা মওংদা হেন্না মিৎয়েং চংগনি। স্বচ্ছ সর্বেক্ষন ২০২১ মরুওইবা হিরমদি ফত্ত-হৌদিগী মচুমশিং অমদি অমাং-অশোয়গী ফত্ত-হৌদিশিংবু শুংদোক্তুনা অমুক নৌনা শিজিন্নবা য়ানবা পাম্বৈশিং শেম্বনি হায়না মখা তানা হায়। স্বচ্ছ সর্বেক্ষন ২০২১গী মেথোদোলোজি অমদি পেরামিতরশিংগী মতাংদা অকুপ্পা মরোল উৎলদুনা এম.ও.ঐচ.য়ু.এ.গী সেক্রেতরি, শ্রী দুর্গা শংকর মিস্রাসু থৌরম অদুদা শরুক য়াখি।

শ্রী হরদীপ সিংহ পুরিনা স্বচ্ছ সর্বেক্ষন ২০২১গী শরুক অমা ওইনা ‘প্রেরক দৌর সম্মান’হায়না মিংথোনবা অনৌবা কাংলুপকী মনা অমসু লাউথোকখি। প্রেরক দৌর সম্মান অসিদা মখা তানা কাংলুপ মঙা থোক্না খায়দোক্লি মখোয়শিং অদুদি – দিভ্য (প্লেতিনম), অনুপম (সনা), উজ্বল (লুপা), উদিত (শেঞ্জেং), আরোহি (ইথিল পীবা)নি। হায়রিবা কাংলুপ খুদিংগী সহর অহুম-অহুম খনগৎকনি। ‘পোপুলেসন কেতিগোরি’ (মীশিং কাংলুপ)তা য়ুমফম ওইরগা সহরশিং হোৎপগী হৌজিক চৎনরিবা থৌওং অসি হোংদোক্তুনা অনৌবা মওং অমদা সহরশিং কাংলুপ খায়গনি। হায়রিবা অসি মখাদা পিরিবা হিরম তরুক্কী থৌওং অসিগী মতুং ইন্না ওইগনি।

• ফত্ত-হৌদিদগী অচোৎপা, অকংবা অমদি অমাং-অতা থোকহনবা য়াবশিং খায়দোকপা।
• ফত্ত-হৌদি অচোৎপাশিংদগী পুথোরকপা প্রোসেসিং কোপাসিতি।
• অচোৎপা অমদি অকংবা ফত্ত-হৌদি শুংদোকপা অমদি অনৌবা পোৎ পুথোক্পা।
• কন্সত্রক্সন অমদি দিমোলিসন (সি-দি)ফত্ত-হৌদি শুংদোকপা।
• ফত্ত-হৌদি ফুমজিনফমদা চাদা চংখিবা ফত্ত-হৌদিগী চাং।
• সহরশিংগী সেনিতেসন স্তেতস।

ৱেবিনার থৌরম অদুদা শরুক য়ারিবশিংদা মন্ত্রিনা স্বচ্ছ সর্বেক্ষননা মতৌ করম্না মীয়ামগী খুৎলাই ওইদুনা ‘জন অন্দোলন’গী শেংলবা থৌনা হাপ্পী হায়নসু ফোংদোকখি। মহাক্না হায় “হন্দক্কী চহী অসিদা মীয়ামনা হেন্না শরুক য়াদুনা অনৌবা খোংথাংগা লোয়ন্না স্তার্ত-অপ, এন্ত্রপ্রনর অমদি স্বচ্ছতা চেম্পিয়নচিংবশিং হেন্না খুমাং চাউশিলহল্লে।” থৌরম অদুদা ইন্তিগ্রেতেদ এসবিএম-অরবান এমআইএস পোর্তেল অমসু লোঞ্চ তৌখি। হৌখিবা চহী খরা অসিদা দিজিতলগী অনৌবা থৌওংশিংনা মাংজিল থাদুনা লাক্লি, মসিনা হেনগৎলক্লিবা মীয়ামগী থৌদাংগা লোয়্ননা ওইরকপা থৌরাং কয়াদা হেন্না ফগৎনবসু হোৎনরি। মন্ত্রালয়না ইন্তিগ্রেতেদ এমআইএস পোর্তেল লোঞ্চ তৌখিবা অসিমকসু প্লেতফোর অমাগী খুৎথাংদা দিজিতলগী অনৌবা থৌওং কয়া পায়খৎপা য়ানবগী পান্দমনি। মসিনা রাজ্যশিং অমদি সহরশিংবু স্বচ্ছ ওইহনবতা নত্তনা দিজিতল পুরা ওইনবগী মায়কৈদা খুরৌ থাংদবা ওইবনি। থৌরম অদুদা এম.ও.ঐচ.য়ু.এ, অমদি য়ু.এস.এ.আই.দি. অনিগী মরক্তা এঙ্গেজমেন্ত অমসুং কোওরদিনেসন এরেঞ্জমেন্ত (ই.সি.এ.) অমশু সাইন তৌখি। হায়রিবা অসি ইং ২০১৫ জি.ও.আই. অমদি য়ু.এস.এ.আই.দি. অনিগী মরক্তা ৱাশকী লমদা পুন্না থবক তৌমিন্ননবা খুৎয়েক পীনখিবা মেমোরেন্দম ওফ এন্দরস্তেন্দিং (এম.ও.য়ু.) অদুগী মখা তাবনি।

থৌরম অসিগী মখা তাবা ওইনা ‘সেগ্রিগেসন এত সোর্সঃ কি তু সোলিদ ৱোস্ত মেনেজমেন্ত’ হায়বা হিরম অসিদা ৱেবিনার অমসু পাংথোকখি। মসিদা রাজ্য অমদি অর্বন লোকেল বোদি (য়ু.এল.বি.)গী ওফিসিএল অমদি স্তেকহোল্দর ১০০০ হেনবনা শরুক য়াখি। ৱার্কসোপ অদুদা নভি মুম্বাই, সুরত, খরগোন অমদি করাদনচিংবা লাইতহাউস সহরশিংদগী প্রেজেন্তেসনসু উৎখি। হায়রিবা অসি সাইন্স অমসুং এনভাইরন্মেন্তকী সেন্তর (সি.এস.ই.) গী মায়কৈদগী ‘সেগ্রিগেত, সেগ্রিগেত, সেগ্রিগেত’ রিপোর্তকা লোয়ননা মখোয়গী সেগ্রিগেসন মোদেলগী হৌরকফম উৎখি। ‘সোর্স সেগ্রিগেসনঃ দ কি তু সোলিদ ৱোস্ত মেনেজমেন্ত’ হায়বা হিরমদা ৱার্কসোপ অমসু পাংথোকখি অমদি মসিদা রাজ্য অমদি অর্বন লোকেল বোদি (য়ু.এল.বি.)গী ওফিসিএল অমদি স্তেকহোল্দর ১০০০ হেনবনা শরুক য়াখি। অসুম্না সর্বেক্ষনগী ইদিসন অসিদা মমাংদা ওইখিবা মরুওইবা ৱেস্ত মেনেজ্মেন্তকী ফিভমশিং অমদি ফত্ত-হৌদি হুন্দোকফম য়েংশিনবনচিংবগী মরুওইবা কয়াসু পুখৎতুনা উৎলি।

সহরশিং লু নান্না থম্বা হেনগৎহন্নবগীদমক সহরশিংবু পুক্নিং থৌগৎনবগীদমক থাঙ্গৎপা ৱাফম অমা ওইনা এম.জে.ও.ঐচ.য়ু.এ.না জনৱারী ২০১৬দা সহর ৭৩ রেতিং তৌনবগীদমক স্বচ্ছ সর্বেক্ষন ২০১৬ হৌদোকখি, মসিগী মতুংদা জনৱারী-ফেব্রুৱারী ২০১৭দা সহর ৪৩৪দা স্বচ্ছ সর্বেক্ষন ২০১৭ হৌদোকখি। স্বচ্ছ সর্বেক্ষন ২০১৮ অসি মালেম অসিগী খ্বাইদগী চাওবা স্বচ্ছ সর্বেক্ষন ওইখ্রে, মসিদা সহর ৪২০৩গী রেঙ্কিং তৌখ্রে, মসিগী মতুংদা স্বচ্ছতা ভারত সর্বেক্ষন ২০১৯দা শুপ্নতগী সহর ৪৩৩৭ থুংনা পাংথোকপা ঙমখিবা অসিদা নুমীৎ ২৮নিদা রেকোর্দ তৌবগী মতমদা মপুং ফানা পাংথোকপসু ঙমখিবা অদু ঐখোয়গী সহরগুম্না দিজিতেল সর্বেক্ষনসু ওইখি। সর্বেক্ষন ২০২০দসু মসি য়াম্না য়াংনা মখা চত্থবা ঙমখি অমসুং নাগরিক কোতী ১.৮৭ না অমুক্তা মমাংদা তৌখিদ্রিবা মওংদা শরুক য়াখি। খোংফম অমা চংশিন্দুনা সহরশিংদগী গ্রাওন্দ লেভেলদা পর্ফোর্মেন্স অসি লেপ্তবা মওংদা থম্ননবগীদমক মন্ত্রালয়না হৌখিবা চহিদা স্বচ্চ সর্বেক্ষন লীগ হৌদোকখিবা অদুদা সহরশিং অসুং সহর মচাশিংনা থা অহুম-অহুমদা লু নানবা অসি ওন্দুনা য়েংবা অসি থা অহুমদা পাংথোকখি অমসুং অরোইবা স্বচ্চ সর্বেক্ষনগী ফলশিংদা য়ুম্ফম ওইরগা চাদা ২৫গী ৱেতেজ পীখি।

​ স্বচ্ছ ভারত মিশন-অর্বান (এস.বি.এম.-য়ু) অসিনা ২০১৪দা হৌদোরকখিবদগী সেনিতেসন অমসুং সোলিদ ৱাস্ত মেনেজমেন্তকী হিরম অনিমক্তা শিংথানিংঙাই ওইনা খুমাং চাওশিল্লক্লে। অর্বান ইয়ু.এল.বি. ৪৩২৪দা ও.দি.এফ. (মশক খংলবা ও.দি.এফ. ৪২০২), মশক খংলবা ও.দি.এফ. সহর ১৩০৬+ অমসুং মশক খংলবা ও.দি.এফ. সহর ৪৮৯ লাওথোকখ্রে। মসিগী মথক্তা তোঙানবা ইমুংশিংদা অমাংশঙ লাক্ষ ৬৬ অমসুং কাংলুপকী/মীয়ামগী অমাংশঙ লাক্ষ ৬ শাখ্রে/নত্রগা শাবগী থবক চত্থরি। মসিদা ন্ত্তনা সহর ২৯০০+ দা অমাংশঙ ৫৯,৯০০শিং গুগলদা লাইব ওইনা ফংহনবা মওংদা শাখ্রে। সোলিদ ৱাস্ত মেনেজমেন্তকী লমদা ৱার্দ চাদা ৯৬তা থোং-থোংদা চাদা ১০০ খোমজিনবগী থবক চত্থবদা ফত্ত-হৌদিগী চাদা ৬৬ অসি প্রোসেস তৌখ্রে। পুন্না সহর ৬ অসি গার্বেজ লৈতবা সহর ওইহন্নবগী স্তার রেতিং প্রোতোকোল স্তার ৫, ৮৬না স্তার ৩ অমসুং ৬৪ন স্তার ১ ওইনা মশক খংখ্রে।

​স্বচ্ছ সর্বেক্ষনন্না নাগরিকশিং অমসুং স্তেকহোলদরগী ৱাখল্লোন্দা মান্নবা মওংদা মফম শেমদুনা লৈখ্রি অমসুং হৌখিবা চহিশিংদা মহাক্কী শরুক য়াবা হেনগৎলক্লিবা অসিনা নাগরিকশিংনা মশা-মশাগী সহরশিংদা লু-নানবা অসি মপুং ওইনা মশাগী ওইনা লৌদুনা মখুত্তা পায়শিনখ্রে। মতৌ অসুম্না সসর্ভেক্ষন অসিনা হেন্না লু নানবা সহরশিং শেমগৎপা ঙম্নবগী মায়কৈদা নাগরিকশিংনা থৌগল অদু হেন্না ফগৎহনবা ঙম্নবগীদমক সহরশিং অমসুং সহর মচাশিংগী মরক্তা লু-নানবদা হিদান্নবগী অদু ইনোৎ হাপকৎপা অদুদা মায় পাকই। স্বচ্ছতা পুক্নিং থৌগৎপা ঙম্বা পোৎশক অমা ওইহন্নবগীদমক সর্ভেক্ষন অসিনা ঙসি ‘লু-নানবা’গী ইনোৎ হাপ্পা ঙম্বা অমসুং চাওথোকচনবগী পোৎশক অমা ওইহল্লে। সর্বেক্ষন অসিদা মৈশুরনা ভারতকী খাবাইদগী লু-নানবা সহর অমা ওইরমখিবা অদু চহি অহুম(২০১৭, ২০১৮, ২০১৯)থংন-থংননা ইন্দোরনা মফম অদু কায়হন্দনা থম্বা ঙমখ্রে। স্বচ্ছ সর্বেক্ষন ২০২০গী ফলশিং অদু মন্ত্রালয়না অথুবা মতমদা লাওথোরক্লগনি।

ৱাখল-লৌশিং য়েংশিনবা অমসুং থবক মঙম শেম্বনা মন্ত্রালয় অসিগী ৱাখল চিংশিন্নফম ওইরি। পান্দম অসিদা মীৎয়েং থমদুনা সেন্ত্রেল পব্লিক হেল্থ অমসুং এনভাইরোন্মোন্তেল ওর্গনাইজেসন(সি.পি.ঐচ.ই.ই.ও.)না শেমগৎখিবা দোকুমেন্ত অনি লোঞ্চ তৌখি- 'ওন-সাইত অমসুং ওফ-সাইত সিৱেজ য়েংশিন-খোৎচিনবগী থবকশিংগী এদভাইজরি' অমসুং 'ম্যুনিসিপাল সোলিদ ৱাস্তশিংদগী কায়দোক্তুনা থম্বশিং অদু খোম্বা অমদি হোন্দোক-হোঞ্জিন তৌবা' দা লমজিং-লমতাকপা লাইরিক। অহানবা দোকুমেন্ত অদুনা রাজ্যশিং অমসুং সহরশিংদা পুনশিন্নরবা মওংগী ওন-সাইত অমসুং ওফ-সাইত সিৱেজ ত্রিতমেন্ত তেক্নোলোজীশিং অসি শিজিন্নবদা য়াম্না কান্নগনি অদুগা অনিশুবা অদুনা দোকুমেন্ত অদুনা তোঙান-তোঙানবা য়ু.এল.বি.দগী নৈনবা অমসুং খ্বাইদগী অথোইবা থবক-থৌওংশিং অদুগা লোয়ন-লোয়ননা তোখাইনা থম্লবা ফত্তবশিং অদু খোমজিনবা অমসুং হোন্দোক-হোঞ্জিন তৌবগী সিস্তেমশিংগী তোঙান-তোঙানবা হীরমশিংগী মতাংদা মরিক চুম্না হায়রি।

*****