কোবিদ-১৯না মরম ওইদুনা য়ুমদা লৈবা মতমদা মহৈরোয়শিংনা মখোয়গী মমা-মপাশিং অমদি ওজাশিংগী মতেংগা লোয়ননা য়ুমদা মহৈ-মশিংগী থবক-থৌরমশিংগী খুত্থাংদা মহৈরোয়শিংদা মপুং ফানা কান্নবা পীনবা এম.ঐচ.আর.দি.গী মীৎয়েং মখাদা, এন.সি.ই.আর.তি.না মহৈরোয়শিং, মমা-মপাশিং অমদি ওজাশিংগী প্রাইমরি অমসুং অপ্পর প্রাইমরিগী মহুৎ শিন্নবা একাদমিক কেলেন্দরশিং পুথোকখ্রে। কেন্দ্রগী হুমেন রিসোর্স দিবেলপমেন্তগী কেন্দ্রগী মন্ত্রী শ্রী রামেশ পোখ্রিয়াল ‘ নিশঙ্ক’না ঙসি ন্যু দিল্লীদা প্রাইমরি থাক্কী মহুৎ শিন্নবা চয়োল ৮গী একাদমিক কেলেন্দর অমা ফোঙখ্রে। মমাংদা এপ্রিল ২০২০দা শ্রী পোখ্রিয়ালদা চয়োল মরিগী একাদমিক কেলেন্দর অমা ফোঙখি।

থৌরম অসিদা ৱা ঙাংলদুনা কেন্দ্রগী মন্ত্রীনা হায়খি, য়ুমদা লৈবা মতমদা লর্নরশিং, মমা-মপাশিং অমসুং ওজাশিংনা নুংঙাইবা অমদি অরাইবা মওংশিংদা শীজিন্নবা য়ারবা মহৈ-মশিং হেনগৎনবা লৈরিবা তোঙান তোঙানবা তেক্নোলোজিকেল তুলশিং অমসুং সোসিএল মীদিয়া অসি ওজাশিংনা করম্না শীজিন্নগদে হায়বা গাইদলাইনশিং কেলেন্দর অসিনা পীগনি। অদুম ওইনমক মসিনা মখল কয়াগী তুলশিং-মোবাইল, রেদিও, তেলিভিজন, এস.এম.এস অমসুং মখল কয়াগী সোসিএল মীদিয়াসু য়াওখি। ঐখোয় কয়াগী মোবাইলদা ইন্তর্নেৎকী খুদোংচাবা লৈতবা নত্রগা তোঙান তোঙানবা সোসিএল মীদিয়া তুলশিং-ৱাতসএপ, ফেসবুক, ত্বিতর, গুগল অসিনচিংবা শীজিন্নবা লৈতবা অসি কেলেন্দর অসিনা ওজাশিংদা তাক্তুনা মখোয়না মখা তানা মমা-মপাশিং অমসুং মহৈরোয়শিংবু এস.এম.এস নত্রগা মোবাইল ফোনশিং নত্রগা ভোইস কোলগী খুত্থাংদা তাকপিগনি। মমা-মপা ওইবশিংনা ইলিমেন্তরি স্তেজতা লৈবা মহৈরোয়শিংবু কেলেন্দর অসি শীজিন্নবদা মতেং পাংগদবনি।

কেলেন্দর অসিনা দিবয়ঙ্গ অঙাংশিং (অহেবনবা মীৎয়েং মথৌ তাবা অঙাংশিং) য়াওনা অঙাং পুম্নমক্কী মথৌ তাবা পুম্নমক ফংহনগনি হায়না শ্রী নিশঙ্কনা মখা তাখি। মসিদা ওদিও বুকশিং, রেদিও প্রোগ্রামশিং অমসুং ভিদিও প্রোগ্রামশিংগী লিঙ্কশিং য়াওরি।

মহাক্না হায় কেলেন্দর অসিদা সেলেবস নত্রগা লাইরিক্তদগী লৌথোকপা হীরম/পরাদা য়ুম্ফম ওইবা পুক্নিং চিংশিন্নিঙাই অমসুং কান্নগবা এক্তিবিতিশিংগী চয়োল-চয়োলগী ওইবা প্লান য়াওরি। খ্বাইদগী মরু ওইনা, হীরম অদু তমদুনা হৈবগী ফলশিং অদুগা চান্নহল্লি। হীরম অদু তমদুনা হৈবগী ফলশিং অদুগা চান্নহনবগী মরমদি মসিনা ওজা/মমা-মপাশিংনা অঙাংশিংনা তমগদৌরিবা অদুগী মওং খংনবা অমসুং লাইরিক্তা য়াোদবসু তম্নবনি। কেলেন্দর অসিদা পীরিবা এক্তিবিতিশিং অসি তম্দুনা হৈবগী ফমশিংদা মীৎয়েং থম্মী অমসুং মসি স্তেৎ নত্রগা য়ু.তি.দা শীজিন্নিবা অঙাংশিংগী লাইরিক য়াওনা রিসোর্স অমা হেক্তগী খু্থাংদা ফংবা ঙমগনি

মসিদা কালা, হকচাং শাজেল, য়োগ, প্রি-ভোকেস্নেল স্কিল অসিনচিংবা হৈহৌবা য়াবা এক্তিবিতিসু য়াওরি। কেলেন্দর অসিদা তেবলগী মওংদা ক্লাস-ক্লাসকী অমসুং সবজেক্ত-সবজেক্তকী এক্তিবিতিশিং য়াওরি। মসিগী কেলেন্দর অসিদা লোল মরি মদুদি হিন্দী, ইংলিশ, উর্দু অমসুং সংস্কৃতকা মরী লৈনবা সবজেক্তকী শরুক য়াওরি। কেলেন্দর অসিদা ওজাশিং, মমা-মপাশিং অমসুং মহৈরোয়শিংগী ৱাখল ৱাবা অমদি নুংঙাইতবা হন্থহন্নবা ললোং কয়াসু য়াওরি। কেলেন্দর অসিদা ভারত সরকারগী ই-পাথসালা, এমার.ও.ই.আর. অমসুং দিকশা পোর্তেলদা য়াওবা পরা-পরাগী ই-কন্তেন্তগী লিঙ্গ য়াওরি।

পীরিবা এক্তিবিতি পুম্নমক মহৌশানা কান্নবা পী মসি প্রেস্ক্রিপতিব নত্রগা মথং-মনাও নাইবগী মথৌ ওইদে। ওজাশিং অমসুং মমা-মপাশিংনা কন্তেক্সকী মতুং ইন্না এক্তিবিতিশিং তৌগনি অমসুং মথং-মনাও নাইদ্রবসু মহৈরোয় অদুনা তৌনিংবা অদু তৌবা য়াগনি।

তি.ভি. চেন্নেল স্বায়ম প্রভা (কিশোর মঞ্চ) (দি.তি.ঐচ. চেন্নেল ১২৮দা লেম্না, দিশ তি.ভি. চেন্নেল #৯৫০, সনদাইরেক্ত #৭৩০, জিও তি.ভি., তাতাস্কাই #৭৫৬, এয়রতেল চেন্নেল #৪৪০, ভিদিওকোন চেন্নেল #৪৪৭গী খুত্থাংদা ফংগনি), কিশোর মঞ্চ এপ (প্লে স্তোরদগী দাউনলোদ তৌবা য়াগনি) অমসুং য়ুত্যুব লাইফ (এন.সি.ই.আর.তি.গী ওফিসিএল চেন্নেল) অসিগী খুত্থাংদা এন.সি.ই.আর.তি.না মহৈরোয়শিং, মমা-মপাশিং অমসুং ওজাশিংগা লোয়ননা লাইফ ওইনা ৱারী ৱাতাই শাবা হৌখ্রে। নুমিৎ খুদিংগী নিংথৌকাবদগী থাংজ ফাওবা হায়রিবা সেসনশিং অসি সেকেন্দরিগীনা অয়ুক পুং ৯:০০দগী ১০:৩০ ফাওবা, প্রাইমরি ক্লাসশিংগীনা অয়ুক পুং ১০:৩০দগী ১২:৩০ ফাওবা, অপ্পর-প্রাইমরি ক্লাসশিংগীনা নুংথিল পং ১২:০০দগী ১:৩০ ফাওবা অমসুং হাইয়র সেকেন্দরি ক্লাসশিংগীনা নুংথিল পুং ২:৩০দগী ৪:০০ ফাওবা শন্দোক্লি। ভাবোকশিংগা ৱারী শাবগী মথক্তা, লাইফ সেসনশিং অসিদা তোপিকশিং অদু তাকপগা লোয়ননা এক্তিবিতিশিং অদুসু তাক্লি।

কেলেন্দর অসি এস.সি.ই.আর.তি.শিং/এস.আই.ই.শিং, রিরেক্তরেৎ ওফ এদুকেসন, কেন্দ্রিয়া ভিদিয়লয় সঙ্গথন, নভোদয়া ভইদিয়লয়া সমিতি, সি.বি.এস.ই., স্তেৎ স্কুল এদুকেসন বোর্দশিংগা লোয়ননা সিয়র তৌখি। একাদমিক কেলেন্দর ইমপ্লিমেন্ত তৌনবা এস.সি.ই.আর.তি. পুম্নমক্কা লোয়ননা ভিদিও কনফরেন্স অমসু পাঙথোকখি।

মসিনা ওনলাইন তীচিং-লর্নিং রিসোর্সশিং শীজিন্নদুনা কোবিদ-১৯ মায়োক্নবদা অফবা পাম্বৈশিং থিদুনা ঐখোয়গী মহৈরোয়শিং, ওজাশিং, স্কুল প্রিন্সিপলশিং অমসুং মমা-মপাশিং অমসুং লাইরিক তম্বগী ফলশিং ফংনবা থৌনা হাপ্লগনি।

প্রাইমরি থাক্কী মহুৎ শিন্নবা চয়োল ৮গী একাদমিক কেলেন্দরগীদমক মসিদা নম্বীয়ু- ইংলিশ

প্রাইমরি থাক্কী মহুৎ শিন্নবা চয়োল ৮গী একাদমিক কেলেন্দরগীদমক মসিদা নম্বীয়ু- হিন্দী

***