কোবিদ-১৯ লাইচৎনা লাকপসিদা লৈবাকসিদা কোবিদ-১৯গী ক্লিনিকেল মেনেজমেন্তকী মরুওইবা মেদিকেল খুৎলায়শিং মরাং কায়না ফংহন্নবা থৌরাংশিং লৈঙাক্না লৌখৎলি‍। হকশেল অমদি য়াইফ য়ুম্বাল মন্ত্রালয়না মসিগীদমক মরুওইবা মেদিকেল খুৎলায়গী লিস্ত অমা শকখঙলে অমদি নেসনেল ফার্মাসিউতিকেল প্রাইসিং ওথোরিতী (এন.পি.পি.এ.)দা লৈবাকসিদা হায়রিবশিং অসি মরাং কায়না ফংহন্নবা ৱাফম থমখ্রে‍।

লৈঙাক অসিনা কঞ্জুমরশিংদা পুন্সি কন্নবা হিদাক লাংথকশিং/খুৎলায়শিং পুবা ঙমবা মমলদা ফংহন্নবগীদমক লেপ্লি‍। মেদিকেল খুৎলায় পুম্নমক দ্রগ ওইনা লাউথোক্লে অমদি এপ্রিল ১, ২০২০দগী হৌরগা দ্রগ এন্দ কোস্মেতিক্স এক্ত, ১৯৪০ অমদি দ্রগ্স (প্রাইসেস (কন্ত্রোল ওর্দর), ২০১৩গী রিগুলেতরী রেজিমগী মখাদা লৈরে‍। মরুওইমে মেদিকেল খুৎলায়শিংগী মমল হেনগৎলকপা থিংননবগীদমক, এন.পি.পি.এ.না দি.পি .সি.ও., ২০১৩গী মখাদা পীরিবা মঙম শীজিন্নদুনা এপ্রিল ১, ২০২০দা লৈখিবা মমলদগী চহী অমদা চাদা ১০দগী হেন্না হেনগত্তনবা (১) পল্স ওক্সিমিতর অমদি (২) ওক্সিজেন কন্সেন্ত্রেতর শাবা/পুশিল্লকপশিংদগী মমলগা মরী লৈনবা দেতা পীখৎলক্নবা খঙহনখ্রে‍।

মেদিকেল দিভাইসেস ইন্দস্ত্রী এসোসিএসন্স অমদি সিভিল সোসাইতী গ্রুপশিংগগী স্তেকহোল্দর কন্সল্তেসন অমা এন.পি.পি.এ.দা জুলাই ১, ২০২০দা পাঙথোক্তুনা মরুওইবা মেদিকেল খুৎলায় শাবা/পুশিল্লকপাশিংদা লৈবাকসিদা হায়রিবা পোৎলমশিং অসি মরাং কায়না ফংহন্নবা ৱাফম থমখ্রে‍। মেদিকেল খুৎলায় পুম্নমক এপ্রিল ১, ২০২০দগী হৌরগা দি.পি.সি.ও.ও ২০১৩গী মখাদা মমল রিগুলেত তৌবা হৌরে অমদি পেরা ২০গী মখাদা মেদিকেল খুৎলায়শিংগী মমল হেনগৎপা য়েংশিল্লগনি হায়না অমুক্কা হন্না হায়খি‍। এন.পি.পি.এ. চেয়রমেননা ইন্দস্ত্রীদা লৈরিবা ফীভমসি “হান্নগা মান্নবা লল্লোন ইতিক” নত্তে অমদি মীয়ামগী হকশেলগী ইমর্জেন্সী লৈরিঙৈসিদা শেন্দোং তানগদবা মতম নত্তে হায়বা ৱাফম থমখি‍। এন-৯৫ মাস্ক শাবা/পুশিল্লকপশিংনা তৌবগুম্না মেদিকেল দিভাইস ইন্দস্ত্রী এসোসিএসনদা মীয়ামগী য়াইফনবগীদমক য়েংলগা মরুওইবা মেদিকেল খুৎলায়শিংগী মমল হন্থহন্নবা ৱাফম থমখি‍।

নেসনেল ফার্মাসিউতিকেল প্রাইসিং ওথোরিতী, ফার্মাসিউতিকেল্স দিপার্তমেন্ত

কেমিকেল অমদি ফর্তিলাইজর মন্ত্রালয়, ভারত লৈঙাক

নই দিল্লী: জুলাই ২, ২০২০

******