“অত্মানির্ভর ভারত পেকেজ”গী মখাদা ফাইনান্স মিনিস্তর শ্রীমতি নিরমলা সিতারমন্না লাউথোকখিবা শেন-থুমগী তেংবাঙশিংগী শরুক অমা ওইনা, কোবিদ-১৯গী ফিবম অসিনা মরম ওইদুনা নফসানা নৎত্রগা রাজ্যগী পি দি এস স্কিমনা কোনশিন্দ্রবা নৎত্রগা মখোয়গী নফসাগী চেং ফংবা ঙমদ্রবা লৈবাক অসিগী মফম কয়াদা লৈরিবা কোইচৎ-চৎপা/পন্দুনা লৈবা শিন্মীশিং অমসুং লায়রবশিং চীঞ্জাক ফংবদা মতেং পাংনবা “অত্মানির্ভর ভারত স্কিম”গী মখাদা কঞ্জুমর এফেয়ার্স, ফুদ অমসুং পব্লিক দিস্ত্রিবুসন মিনিস্ত্রিগী মখাদা লৈবা ফুদ অমসুং পব্লিক দিস্ত্রিবুসন দিপার্তমেন্তনা চীঞ্জাক মেত্রিক তন লাখ ৮ (চেং মেত্রিক তন লাখ ৭ অমসুং গেহু মেত্রিক তন লাখ ১) খাক্তুনা থম্লে।

লৈবাক শীনবা থুংনা লৈরিবা কোইচৎ-চৎপা/পন্দুনা লৈবা শিন্মীশিং অমসুং লায়রবশিংগী অকক্নবা মশিং দিপার্তমেন্ত অসিদা লৈতবনা মাইগ্রেন্ত মীওই ক্রোর ৮(নফসা বেনিফসির ক্রোর ৮০গী চাদা ৮) কান্নবা পীনবা পান্দম থম্লি অমসুং রাজ্যশিং/য়ুতিশিংদা থা অমদা চীঞ্জাক মেত্রিক তন লাখ ৪ (নফসাগী মখাদা থাগী পীরিবা চাকথুংগী চাদা ১০) পীদুনা থা অনি হায়বদি ২০২০গী মে অমসুং জুনগী ওইনা কোইচৎ-চৎপা/পন্দুনা লৈবা শিন্মী অমদা কেজি ৫ লেম্না অত্মানির্ভর ভারত স্কিমগী মখাদা য়েন্থোক্কনি।

হৌজিক থেংনরিবা অৱাবা ফিবম অসি য়েংলগা কনাগুম্বা মীওই অমতা চিৎথহৌদনবা সরকারনা থবক পায়খৎলে। য়েন্থোকপগী থবকশিংদা রাজ্য সরকারশিং মনিং তৌহল্লে অমসুং মসিগী অহেনবা চীঞ্জাক অসি রাসন কার্দ পায়দবা মীওই অমদা হেক্তা য়েন্থোক্নবা অয়াবা রাজ্যশিংদা পীরে। অহেনবা চীঞ্জাক য়েন্থোকপগী মতাংদা হৌজিক ওইরিবা ফিবম অসি থেংননবা মিনিস্ত্রিনা রাজ্য সরকারশিংদা মপুংফাবা মনিংতম্বা পীরে।

চীঞ্জাক দরকার ওইবশিংদা চানবা ফংহল্লে অমসুং মমাংদা মীওই ক্রোর ৮ ওইগনি হায়না পানরম্বা অদুদগী মীওই মশিং ক্রোর ২.১৩ হন্থবদগী অৱাবা খর কোক্লে। শিন্মী ক্রোর ৮ অসি পান্দম থম্লিবা চপ চাবা মশিংনি হায়না লৌরোইদবনি অমসুং করিগুম্বা মশিং অসি শুনবা লৈরম্লবদি চানবা ফংহন্নবা পান্দম থম্লি । অদুবু মতম অয়াম্বদা শিন্মীশিং অসি রাজ্য অমদগী রাজ্য অমদা চৎথোক-চৎশিন তৌবা, মখোয়গী রাজ্যশিংদা হল্লকপা অমসুং লম্বীদা লৈবা য়াওরি। মরম অদুনা নফসা/স্তেৎ রাসন কার্দশিং পায়বা মীওইশিংদা চেং পীবা মশিং য়াম্না হন্থখি অমসুং মরম অদুনা অত্মানির্ভর ভারত স্কিমগী মখাদা কান্নবা ফংগদবা মীওই পানরিবা মশিংদগী হন্থরে।

নফসাগী মখাদা চাংনাইনা পীরিবা চীঞ্জাক্কী মথক্তা লোকদাউন মনুংদা ও.এম.এস.এস, ও.দব্লিউ.এস, পি.এম.জি.কে.ৱাইগী মখাদা রাজ্যশিং, এন.জি.ওশিংনা অহেনবা চীঞ্জাক মেত্রিক তন লাখ ১৫৭.৩৩ চিংথোকখ্রে। মসিগী অহেনবা চীঞ্জাক অসি লোকদাউন মনুংদা মীয়ামদা য়েন্থোকখি অমসুং তি.পি.দি.এসনা চাংনাইনা য়েন্থোক্লিবা অদুদগী শরুক অনি হেল্লবনি।

অমরোমদা, রাজ্যশিংনা কান্নবা পীগদৌরিবা মপানগী শিন্মীশিং/পন্দুনা লৈরিবা শিন্মীশিং মশক খঙদোকপগী থবক মরী লৈনবা এজেন্সিশিংগা লোয়ননা কন্না পায়খৎতুনা মখোয়দা অত্মানির্ভর ভারত স্কিমগী মখাদা লেম্না চীঞ্জাক য়েন্থোকখি ; অদুবু রাজ্য/য়ুতি অয়াম্বনা কান্নবা ফংগদবা শিন্মী অয়াম্বা মাংজৌননা মখোয়গী ময়ুম রাজ্যশিংদা হনখ্রে হায়না খঙহল্লকখি। মরম অদুনা অত্মানির্ভর ভারত স্কিমগী মখাদা চীঞ্জাক মেত্রিক তন লাখ ৮ কাইথোকখিবা অদু লোইনা য়েন্থোকত্রে।

২০২০গী জুন ৩০ ফাওবদা ফংবা পাউ মতুংইন্না, স্কিম অসিনা মীওই ক্রোর ২.৮ কান্নবা পীনবা পান্দম থম্বগী মনুংদা হৌজিক ফাওবদা মীওই ক্রোর ২.১৩ কান্নবা ফংহনখ্রে। মসি মীওই ক্রোর ২.৮গী চাদা ৭৬ নি। অহানবা ওইনা চীঞ্জাক মেত্রিক তন লাখ ৮ কাইথোকপগী মনুংদা রাজ্যশিংনা মেত্রিক তন লাখ ৬.৪(চাদা ৮০) চিংথোকখ্রে। ২০২০গী জুলাই ১৫ ফাওবগী মনুংদা মখোয়না চীঞ্জাক য়েন্থোকখিবা মী মশিং অরোইবা ওইনা পীখৎলক্নবা রাজ্যশিংদা খঙহনখ্রে। ২০২০গী জুলাই ২ ফাওবদা বিহারদা মীওই ক্রোর ১.৭৩দা চেং য়েন্থোকখ্রে। রাজ্যশিংদগী মখা তানা রিপোর্তশিং লাক্কদবা মরম্না ২০২০গী জুন ৩০ ফাওবদা লৈখিবা ক্রোর ২.১৩ অসিদগী মশিং হেনগৎলকখিগনি।

****