কেন্দ্র সরকারনা সাইন্স অমসুং তেক্নোলোজীগী মন্ত্রী দা. হর্শ বর্ধন অমসুং হ্যুমেন রিসোর্স দিভেলপমেন্তকী কেন্দ্র মন্ত্রী শ্রী রমেশ পোখ্রিয়াল‘নিশঙ্ক’না য়াওদুনা দ্রগ থিদুনা পুথোক্নবা হেক্কাথোন হৌদোকখ্রে। মসিগী দ্রগ থিদুনা পুথোক্নবা হেক্কাথোন অসি ঐচ.আর.দি. মন্ত্রালয়গী ইন্নোভেসন সেল(এম.আই.সি.) , ওল ইন্দিয়া কাউন্সিল ফোর তেক্নিকেল এদজুকেসন(এ.আই.সি.তি.ই.) অমদি কাউন্সিল ফোর সাইন্তিফিক অমসুং ইন্দস্ত্রিএল রিসর্স(সি.এস.আই.আর.)গা খুৎশম্ননা পাইখৎপা থৌরাং অমনি অমসুং সেন্তর ফোর দিভেলপমেন্ত ওফ এদভান্স কম্প্যুতিং (সিদেক), মাইগোভকা লোয়ন-লোয়ননা লন্নাই শান্নরোইশিংনা শৌগৎলি।

ঐচ.আর.দি.গী রাজ্য মন্ত্রী শ্রী সঞ্জয় ধোত্রে, প্রিন্সিপাল সাইন্তিফিক এদভাইজর প্রোফেসর বিজয় রাঘবন, দি.জি.-সি.এস.আই.আর., দা. শেখর মান্দে, চেয়র্মেন এ.আই.সি.তি.ই., প্রোফেসর অনিল সাহশ্রাবুদ্ধে, অধ্যক্ষ, ফার্মাসি কাউন্সিল ওফ ইন্দিয়া (পি.সি.আই.) প্রোফেসর বি সুরেশ অমসুং চীফ ইন্নোভেসন ওফিসর, ঐচ.আর.দি. মন্ত্রালয়, দা. অভয়জেরেনা ওনলাইন্দা থৌরম হৌদোকপা অদুদা য়াওখি। 

মসিগী হেক্কাথোন অসি দ্রগ থিদুনা পুথোক্নবগী থবক-থৌরম চত্থবদা মতেং পাংবা লৈবাক অসিগী ওইবা অহানবা মখলগী খোংথাং অমনি অমসুং কম্প্যুতর সাইন্স, কেমিস্ত্রি, ফার্মাসি, মেদিকেল সাইন্সেস, বেসিক সাইন্সেস অমসুং বাইওতেক্নোলোজীগুম্বা তোঙান-তোঙানবা লমদগী প্রোফেস্নেলশিং, ফেকল্তি, রিসর্চরশিং অমসুং মহৈরোইশিংনা শরুক য়াবা থেংগনি।

সেদ্যুল ত্রাইবগী মন্ত্রী দা. হর্শ বর্ধন্না হায়খি, “লৈবাক অসিদা ঐখোয়না কম্প্যুতেস্নেল ওইবা মওংদা We দ্রগ থিদুনা পুথোক্নবগী মওং অমা শেমগৎপা মথৌ তাই। মসিগী খোংথাং অসিদা ঐচ.আর.দি. মন্ত্রালয়গী ইন্নোভেসন সেল অমসুং এ.আই.সি.তি.ই.না হেক্কাথোন্না দ্রগকী মোলিক্যুলশিংদগী থবক পাংবা ঙম্বদা মীৎয়েং থম্বা মতমদা সি.এস.আই.আর.না মসিগী মশক খংদোক্লবা মোলিক্যুলশিং অসি সিন্থেসিস তৌনবা অমসুং ইফিকেসি, তোক্সিসিতি, সেন্সিতিবিতি অমসুং স্পেসিফিসিতিগীদমক লেবোরেতরি তেস্তিং ফোর্ৱার্দ তৌখিনি।” দ্রগ থিদুনা পুথোক্নবা অসি থিন্দুনা তাকপা হায়বসি অরুবা, অতাংবা, হকচিন্না থবক পাংথোক্নিংঙাই ওইবা অমদি মতম চংবা থবক-থৌওং চত্থগদবা অমনি, দা. হর্শ বর্ধন্না হায়খি, “কোবিদ-১৯গী অমুক হন্না ৱাফম পুখৎলকখিবা দ্রগশিং খরগী লায়েং চত্থদুনা য়েংবা মতমদা মখোয়শিং অসি হেন্না য়াংনা থবক পাংথোকপা ঙম্বনা মসি থুনা হৌদোকপা য়াগনি, কোবিদ-১৯ কী মায়োক্তা অখন্নবা দ্রগশিং শেম্বদা অনৌবা দ্রগশিং থিদুনা পুথোকপগী থবক চত্থরিবা মতম অসিগা মান্নবা মতম অসিদা অতোপ্পা চানবা অমুক হন্না শিজিন্ননবগী ওইবা দ্রগশিং পুথোকপা হায়বা অসিসু মরুওইবা অমনি”। মহাক্না মখা তানা “মেছিন লর্নিং, এ.আই.(আর্তিফিসিএল ইনতলিজেন্স) অমসুং অচৌবা দেতাসিংনচিংবা কম্প্যুতেস্নেল মেথদশিং শিজিন্নদুনা ইন-সিলিকো দ্রগ থিদুনা পুথোকপা অসিনা মসিগী থবক-থৌওং অসি চত্থবদা মতেং পাংলগনি”

ঐচ.আর.দি.গী মন্ত্রী শ্রী রমেশ পোখ্রিয়াল‘নিশঙ্ক’না ফোংদোকখি, “ঐচ.আর.দি. মন্ত্রালয় অমসুং এ.আই.সি.তি.ই.না হেক্কাথোন শেমগৎপদা খংঙক-উরকপা কয়া অমা লৈ অদুবু অহানবা ওইনা সাইন্তিফিক ওইবা শিংনবশিং অসি তেক্কল তৌবদা হেক্কাথোন মোদেল অসি সিজিন্নরি। হেন্না মরু ওইবা মওংদা, ঐখোয়না অন্তর্রাস্ত্রীয়গী খং-হৈবশিং অদুগা ঐকোয়গী হোৎনজবশিং অসিগা খুৎশম্নবা নিংথিনা ঙমগদবা ওইবনা মসিগী খোংথাং অসিনা মালেম অসিগী রিসর্চরশিং/ফেকল্তিশিংগীদমক্তা থোং হাংলি।”

ঐচ.আর.দি.গী রাজ্য মন্ত্রী সঞ্জয় ধোত্রেনসু ৱাখল্লোন অসি থাগৎলদুনা ফোদোকখি, “ঐখোয়গী সরকার অসিনা লৈবাক অসিনা মায়োক্নরিবা পুক্নিং হলহনবা প্রোব্লেম খরা অসি লোইশিনবা ঙম্নবা ঐখোয়গীনহারোলশিংদা শিংনবা অসি মায়োক্নবদা য়াম্না লুবা অমা ওইরিবা লৈবাক অসিদা হেক্কাথোনগী মওং অসি পাংথোকপা হৌখ্রে।”

ভারত সরকারগী পি.এস.এ. প্রোফেসর কে. বিজয় রাঘবন্না ফোংদোকখি, “ঐহাক্না ঐচ.আর.দি. মন্ত্রালয়, এ.আই.সি.তি.ই. অমসুং সি.এস.আই.আর. অমসুং দ্রগ থিদুনা পুথোক্নবগী অনৌবা মোদেল অসি হেক্কাথোন অসিবু শেমগৎপদা ভারতপু মতেং ঐখোয়গা পুন্না থবক্কী থৌবু ওইমিন্নরিবশিংবু থাগৎচরি। হেক্কাথোন অসিদা প্রোব্লে স্তেৎমেন্তকী মওংদা খমখ্রবা শিংনবশিং য়াওরি অমসুং শরুক য়ারিবশিংদা প্রোব্লেমশিং অদু লোইশিন্নবা হাংদোক্তুনা থম্বা অখন্নবা দ্রগ থিদুনা পুথোক্নবগী তোপিকশিংগী মতাংদা য়ুম্ফম ওই। মসিগী থা অহুম-অহুমগী ওইবা তাঙ্কক অহুম লৈগনি অমসুং থবকশিং অসি এপ্রীল-মে ২০২১ ফাওবদা লোইশিনগদবনি। তাঙ্ককশিং অসিগী অরোইবদা মায় পাক্লবা তীমশিংদা মনা পীগনি। ৩শুবা তাঙ্কক্কী অরোইবদা মশক খংদোকখিবা ‘লীদ’ কম্পাউন্দশিং অসি সি.এস.আই.আর.দা অমসুং পাংথোক্নিংবা পাম্বা ওর্গনাইজেসনশিংদা চাংয়েং পাংথোক্নবা ফোর্ৱারদ তৌগনি। থৌরম অসি হৌদোকপা মতমদা চীফ ইন্নোভেসন ওফিসর দা. অভয়জেরেনা দ্রগ থিদুনা পুথোক্নবা হেক্কাথোনগী মতাংদা ফোংদোকখি অদুগা প্রোফেসর অনিল সহাশ্রাবুদ্ধেনা এ.আই.সি.তি.ই.না পীরকখিবা তেংবাং পীরকখিবা অদু ফোংদোকখি অদুগা তেক্নিকেল ইন্সতিত্যুসনশিংনা মশিং য়াম্না শরুক য়ানবা হায়খি। দা. শেখর মান্দেনা খোংথাং অসিগীদমক সি.এস.আই.আর.গী মায়কৈদগী মথৌ তাবা ৱাফমশিং থম্বিরকখিবগী ৱাফম ফোংদোকখি। মহাক্না ঙসি ফোংখিবা প্রোব্লেম স্তেৎমেন্তকী মগুন অমসুং মখলশিং অদুদা অপেনবা ফোংদোকখি।

হেক্কাথোনগী বেকগ্রাউন্দ ইনফোর্মেসন অমসুং মেথোদোলোজী

• হেক্কাথোন অসিদা প্রোব্লেম স্তেৎমেন্তশিংগী মওংদা খমখ্রবা শিংনবশিং য়াওরি অমসুং শরুক য়ারিবশিংদা প্রোব্লেমশিং অদু লোইশিন্নবা হাংদোক্তুনা থম্বা অখন্নবা দ্রগ থিদুনা পুথোক্নবগী তোপিকশিংগী মতাংদা য়ুম্ফম ওই। মসিদা পুন্না প্রোব্লেম স্তেৎমেন্ত ২৯ মশক খংদোকখ্রে।
• মাইগোভ পোর্তেল অসি শিজিন্ননবগীনি অমসুং ভারতকী মহৈরোই অমনা হেক্তা শরুক য়াবা য়াগনি।
• মালেমগী মফম অমদগী প্রোফেসরশিং অমসুং রিসর্চরশিংনা শরুক য়াবা য়াগনি।
• হেক্কাথোন্দা ত্রেক অহুম লৈগনি। ১বা ত্রেক অদ এন্তি-কোবিদ-১৯গী হিৎ/লীদ জেনরেসনশিংগী দ্রগ দিজাইন তৌনবগী থবক্তা শিজিন্নগনি: মসি মোলিকুলর মোদেলিং, ফার্মাকোফোর ওপ্তিমাইজেসন, মোলিকুলর দোক্কিং, হিৎ/লীদ ওপ্তিমাইজম্নচিংবশিং শিজিন্নদুনা পাংথোক্কনি।
• ত্রেক ২ অসিনা অনৌবা তুলশিং অসি দিজাইন তৌবদা/ওপ্তিমাইজিং তৌবগী অমসুং সিলিকো দ্রগ থিদুনা পুথোকপগী থবক তৌওং চত্থবদা পাক চাওনা শাফু পীরিবা অলগোরিদমগীদমক থবক তৌগনি।
• “বুন শোৎ” কৌবা ‘বোক্সকী মপান্দা লৈবা’ মওংগী প্রোব্লেমশিং থবক পাংথোকপা য়াহনবা ৩শুবা ত্রেক অমসু লৈ।

*****