ঙসি চীফ ওফ এয়র স্তাফ এয়র চীফ মার্সেল আর কে এস বাদৌরিয়া পি.ভি.এস.এম এ.ভি.এস.এম ভি.এম এ.দি.সিনা ইন্দিয়ান এয়র ফোর্স সেনিয়র স্তাফ ওফিসারস(সাসোস) কনফরেন্স হৌদোকখ্রে । কোবিদ-১৯ লাইচৎকী হৌজিক ওইরবা ফিবম অসিনা মরম ওইদুনা অহানবা ওইনা কনফরেন্স অসি ভিদিও কনফরেন্সকী খুৎথাংদা পাংথোকখি ।

ইন্দিয়ান এয়র ফোর্সনা ওপরেসনগীদমক থৌরাং তৌরিবশিং চীফ ওফ এয়র স্তাফনা থাগৎখি । হৌজিক অমসুং তুংদা লাক্কদবা ওপরেসনশিংগী দরকার ওইবশিং ফংবা ঙম্নবা নোংথক লান্মীশিং অপুনবা ওইনা ত্রেনিং পীনবা মহাক্না খঙহনখি । ইন্দিয়ান এয়র ফোর্স অসি মাইথিবা পীবা ঙমদবা ফোর্স অমা ওইহন্নবা হৌজিক লৈরবা ফ্লিতশিং অসিগী মথক্তা অনৌবশিং হাপচিনবগী দরকার ওইবশিং চীফ ওফ এয়র স্তাফনা পনখি ।

চহি অনি খুদিংগী পাংথোকপা সাসোস কনফরেন্স অসি ২০২০গী জুলাই ২ অমসুং ৩ দা পাংথোক্কনি । কনফরেন্স অদুদা হৌজিক লৈরিবা খুৎলায়শিং অসিনা হৌজিক্কী মতম অসিদা শিংনরকপশিং থেংননবা ত্রেনিং পীবা অমসুং ইন্দিয়ান এয়র ফোর্সতা ওতোমেসনগী থবকশিং পায়খৎনবা ৱাফমশিং খন্নগনি ।