হৌজিক ওইরিবা ফিবম অমসুং ঐখোয়গী ঙমখৈশিং ঙাক্নবা লান্মীগী মপাঙ্গল কনখৎহনবা দরকার ওইবা অমসুং প্রধান মন্ত্রী নরেন্দ্র মোদীগী ‘অত্মানির্ভর ভারত’ মপুংফানবা দিফেন্স মিনিস্তর রাজনাথ সিংহনা লুচিংদুনা ঙসি ফমখিবা দিফেন্স এক্কুইজিসন কাউন্সিল(দি এ সি)গী মীফম্না ভারতকী আর্মদ ফোর্সশিংগী দরকার ওইবা খুৎলায়শিং লৈবগী অয়াবা পীরে । চাউরাক্না লুপা ক্রোর ৩৮,৯০০গী খুৎলায় লৈবগী অয়াবা পীরে ।

লৈবাক অসিদা মশানা দিজাইন তৌবা অমসুং পুথোকপদা মিৎয়েং থমদুনা ভারতকী ইন্দস্ত্রিদগী লুপা ক্রোর ৩১,১৩০গী খুৎলায় লৈনবগী অয়াবা পীখিবা অদুগী মনুংদা য়াওরি । ভারত্তা শাগদৌরিবা খুৎলায়শিং অদুদা ভারতকী দিফেন্স ইন্দস্ত্রিগা লোয়ননা এম.এস.এম.ই কয়া শরুক য়াগনি । দিফেন্স রিছর্স এন্দ দিবলপমেন্ত ওর্গনাইজেসন(দি আর দি ও)না ত্রান্সফর ওফ তেক্নোলোজি(তি ও তি) পাংথোকপা মরম্না হায়রিবা প্রোজেকশিং অসি থবক ওইনা পায়খৎপা য়ারবা ঙাক্তনি । প্রোজেকশিং অসিগী মনুংদা পিনাকা এমুনিসনশিং বি.এম.পি খুৎলায় ফগৎহনবা, ভারত লান্মীগী সোফৱায়র দিফাইন রেদিওশিং, অশাংবা কংফালগী ক্রুইজ মিসাইল সিস্তেমশিং অমসুং ভারত নেভি অমসুং ইন্দিয়ান এয়র ফোর্সকী অস্ত্রা মিসাইলশিং য়াওরি । খুৎলায়শিং অসি দিজাইন তৌবা অমসুং পুথোকপদা লুপা ক্রোর ২০,৪০০ রোম চঙগনি ।

অনৌবা মিসাইল সিস্তেমশিং হাপচিনবা অসিনা সর্বিস অহুমগী শক্তি হেনগৎহনগনি । পিনাকা মিসাইল সিস্তেম নৌনা লৈবা অসিনা মমাংদা হান্না লৈখ্রবা অসিগী মথক্তা অহনবা রেজিমেন্তশিং লিংখৎপা ঙমগনি অমসুং কংফালদা কিলোমিতর ১০০০ ফাওবা য়াম্না শাংনা কাপ্পা ঙম্বা মিসাইল সিস্তেম অসিনা নেভি অমসুং এয়র ফোর্সকী খুৎথাবা ঙম্বগী শক্তি হেনগৎহনগনি । অস্ত্রা মিসাইলশিং হাপচিনবা অসিনা নেভি অমসুং এয়র ফোর্সকী খুৎথাবা ঙম্বগী থৌনা হেনগৎহল্লে ।

ইন্দিয়ান এয়র ফোর্সনা মতম কয়াগী মমাংদগী মসিগী ফাইত্তর ইসক্বাদ্রোনশিং হেনগৎহন্নবগী দরকার ওইবা অদু য়েংলগা, হৌজিক মিগ-১৯ এয়রক্রাফ ৫৯ লৈরিবা অসিগী মথক্তা মিগ-২৯ ফাইত্তর ২১ অমসুং সু-৩০ এম.কি.আই এয়রক্রাফ ১২ লৈনবগী অয়াবা কাউন্সিলনা অয়াবা পীরে । রুসিয়াদগী মিগ-২৯ লৈবদা লুপা ক্রোর ৭,৪১৮ চঙগনি হায়না পানরি অমসুং সু-৩০ এম.কি.আই এয়রক্রাফনা লুপা ক্রোর ১০,৭৩০গী শেনফমদা হিন্দুস্থান এরোনোতিক্স লিমিতেৎ (হাল)দগী লৈগনি ।