ওরিশাগী খুর্দা জিলাগী কন্দালৈ খুঙ্গংগী আশা ওইরিবা মঞ্জু জীনা কোবিদ-১৯গা মরী লৈনবা থবক-থৌরমশিংদা অমসুং মহাক্কী মীয়াম্না তঙাই ফদবা অমদি অতোপ্পা হকশেলগী খুদোংচাবশিং ফংনবা চোকথবা লৈতনা মতেং পাংলি। মহাক্না চহি কয়া মীয়ামগীদমক শেবা তৌবদা মঞ্জুনা অঙকপা ফংনা মহাক্কী অমদি মীয়ামগগী মরী ফগৎহনবা ঙমখি মসিনা মহাক্না কোবিদ-১৯গা মরী লৈনবা অমকপা ৱাখল্লোন অমসুং মসিনা মরম ওইরগা মীবু তাথি-তাওইনা তৌবা অদুগী মতাংদা খঙহন্দুনা মদু তৌদনবা হোৎনবা মপুং ফানা ঙমখি। নহা ওইরিবা মাইগ্রেন্ত রিতর্নী অমা খুঙ্গং অদুদা চংবা য়াহনখিদবা মতমদা মঞ্জুনা মশা মথন্তনা মীয়ামগী তাথি-তাওইনা তৌবা শাজৎ অদুবু শেমদোক্নবা থেংনখি। লেপতনা হোৎনবগা লোয়ননা মহাক্না মীয়ামদা এৱের্নেস পীদুনা রিতর্নীবু ময়ুমদা হোম ক্বারন্তিন তৌহনবা ঙমখি। মীওই অদুগী হেল্থ স্তেতস চাং নাইনা ফোলো-অপ তৌখি অমসুং ক্বারন্তিন মনুংদা মথৌ তাবা হেল্থক্যের অদুসু ফংহন্নবা কন্না হোৎনখি।

লোকদাউন মনুংদা মহাক্না তঙাই ফদবা হকশেলগী খুদোংচাবশিংনা লেপ্পা লৈতনা ফংহনখি। মহাক্না মীরোল্লিবী নুপী কয়াবু থৌগৎপিবা অমসুং ইন্সতিত্যুসনেল দেলিবরিগীদমক মতেং পাঙখি। মহাক্কী মথৌদগী হেন্দোক্তুনা, মঞ্জুনা ময়ুমদা ফেস মাস্কশিং তুদুনা মহাক্কী খুঙ্গংগী লাইরবশিংদা মদু য়েন্থোকখি।

ওরিশাগী আশা ৪৬,৬২৭ রোমনা খুঙ্গং অমসুং সহরগী মফমশিংদা হকশেলগী মথৌ তাবশিং ফংহন্দুনা কোবিদ-১৯গী লান্থেংদা মাই পাক্লবশিং ওইখ্রে। আশানাশিং লৈবা মফমশিংদা মখোয়না খুঙ্গংগী মফমশিংদা গাও কল্যান সমিতিশিংগা লোয়ননা অমসুং সহরগী মফমশিংদা মহিলা অরোগ্যা সমিতিশিংগা লোয়ননা পুন্না থবক তৌরি। হায়রিবা ফোরমশিং অসি শীজিন্নদুনা মখোয়না , মাস্কশিং/ফেস কভরশিং মীয়াম তীনবা মফমশিংদা থোকপদা শীজিন্নবা, তোয়না খুৎশা হামদোকপা, ফিজিকেল দিস্তেন্সিং ঙাকপা, কোবিদকী লাইওংশিংগী এৱের্নেস হনগৎপা অসিনচিংবা অসি থৌগৎতুনা কোবিদ-১৯ ঙাকথোক্নবা খোংথাংশিং লৌখৎপা হেনগৎহল্লি।

লীফলেৎশিং অমসুং পোস্তরশিং স্বাস্থা কন্থাদা (খুঙ্গংগী থাক্কী ওইবা) য়েন্থোকপা অসিগুম্বা আই.ই.সি.গী থবক থৌরমশিংগী খুত্থাংদা মসিগী এৱের্নেস আশাশিংনা পীরি।

*****