গনতন্ত্র দিবস,২০২১দা লাউথোক্কদবা পদ্ম এৱার্দশিংগী ওনলাইন নোমিনেসন ২০২০গী মে ১দগী হৌখ্রে। পদ্ম এৱার্দশিংগী নোমিনেসনগী অরোইবা মতম ২০২০গী সেপ্তেম্বর ১৫নি। পদ্ম এৱার্দকী পোর্তেল https://padmaawards.gov.in খক্তদা ওনলাইন্দা মনা অসিগী নোমিনেসন লৌশিনগনি।
লৈবাক অসিগী খ্বাইদগী চাউবা পদ্ম মনাশিংগী মনুংদা পদ্ম ভিবুশন, পদ্ম ভুশন অমসুং পদ্ম শ্রী য়াওরি। ১৯৫৪দা লিংখৎখিবা হায়রিবা মনাশিং অসি চহি খুদিংগী গনতন্ত্র দিৱাস নুমিৎতা লাউথোকই। মনা অসি কলা, সাহিত্য, ইজুকেসন, শানবা, মেদিসিন, সোসিএল ৱার্ক, সাইন্স, ইঞ্জিনিয়ারিং, সরকারগী থবকশিং, সিবিল সর্বিস, ললোন—ইতিক অমসুং ইন্দস্ত্রিগী লমদা শিংথানিংঙাই ওইবা থবক তৌবা মীওইশিংদা শকখঙবা উৎপা ওইনা পীবনি। কাংলুপ, শীনফম, থাক নৎত্রগা নুপা/নুপীগী খেন্নবা লৈতনা মী খুদিংমক মনা অসি ফংবা য়াই। দোক্তরশিং অমসুং সাইনতিস্তশিং খক নত্তনা সরকারগী থবক তৌবা মীওইশিং পদ্ম মনাশিং ফংবা য়াদে।
পদ্ম মনা অসি “মীয়ামগী মনা” ওন্থোক্নবা সরকারনা থবক পায়খৎলে। মরম অদুনা মীওই খুদিংমক্না মশামক নোমিনেসন তৌবা য়াবগা লোয়ননা অতোপ্পশিং নোমিনেসন তৌনবা হায়জরি।
পদ্ম পোর্তেলদা য়াওরিবা ফোরমেত অদুদা পল্লিবা মরী লৈনবা অকুপ্পা ৱারোলশিং নোমিনেসন তৌবদা য়াওহনগদবনি অমসুং মদুদা খ্বাইদগী য়াম্বা ৱাহৈ ৮০০ ফাওবগী সাইতেসন অমা য়াওহনগদবনি অমসুং মীওই অদুনা পাংথোকখিবা মশক নাইবা থবকশিং ফজনা পনগদবনি।
নুপীশিং, খুন্নাইগী শোৎথরবা কাংলুপশিং, এস সিশিং অমসুং এস তিশিং, দিবয়াং মীওইসিং অমসুং খুন্নাইদা কৎথোকপগা লোয়ননা থবক তৌরিবা মীওইশিংগী মরক্তগী হৈশিংবা মীওইশিং অমসুং শিংথানিংঙাই ওইবা থবক তৌবশিং মশক খঙদোক্নবা হোম এফিয়ার্স মিনিস্ত্রিনা কেন্দ্রগী মিনিস্ত্রিশিং/দিপার্তমেন্তশিং, রাজ্য সরকারশিং, ভারত রতনা অমসুং পদ্ম মনা ফংলবশিংদা হায়জখ্রে।
মনা অসিগী অকুপ্পা মরোলশিং হোম এফিয়ার্স মিনিস্ত্রীগী ৱেবসাইত(www.mha.gov.in)দা ফংগনি। হায়রিবা মনাশিং অসিগী নিয়মশিং ৱেবসাইত https://padmaawards.gov.in/AboutAwards.aspx দা ফংগনি।

*****