য়ুমলৈ-কৈরৈ মন্ত্রালয়
লৈবাক্কী ঙাকশেনগী থবক কনখৎহন্নবা অমসুং মোদী সরকারগী তেরোরিজম খাংদুনা লৈথোক্তবা থৌশিল অমুক হন্না ফগৎহন্নবা ঙসি হোম মিনিস্তর অমিৎ সাহনা লনাই মীওই ৯ য়ু.এ.পি.এ. এক্তকী প্রোবিজনশিংগী মখাদা তেরোরিস্তশিং ওইনা লাউথোকখ্রে
Posted On:
01 JUL 2020 6:28PM by PIB Imphal
প্রধান মন্ত্রী নরেন্দ্র মোদীগী অকনবা লুচিং মখাদা কেন্দ্র সরকারনা ২০১৯গী অগস্ত থাদা অনলোফুল এক্তিবিতিস(প্রিবেন্সন)এক্ত, ১৯৬৭ শেমদোকখি, মসিদা লনাই মীওই অমা তেরোরিস্ত ওইনা লাউথোক্নবা প্রোবিজন য়াওরি। মসিগী শেমদোকপা অসিগী মমাংদা, লুপশিং খক তেরোরিস্ত লুপশিং ওইনা লাউথোকপা য়ারম্মি।
মমাং চহিদা সংসদতা য়ুনিয়ম হোম মিনিস্তরনা অনলোফুল এক্তিবিতিস(প্রিবেন্সন)এক্ত, ১৯৬৭ মরৈ য়েৎনবা মতমদা, তেরোরিজমগী অৱাবশিং থেংননবা মোদী সরকারনা পায়খৎলিবা থবকশিং অকনবা মওংদা ফোংদোকখি। ২০১৯গী সেপ্তেম্বরদা প্রোবিজন শেমদোকখিবা অদুদা মীওই মরি হায়বদি মৌলানা মসুর অজার, হাফিজ সায়িদ, জাকির-উর-রেহমন লাখবি অমসুং দৱুদ ইব্রাহিম তেরোরিস্তশিংনি হায়না লাউথোকখি।
লৈবাক্কী ঙাকশেনগী থবক কনখৎহন্নবা অমসুং মোদী সরকারগী তেরোরিজম খাংদুনা লৈথোক্তবা থৌশিল অমুক হন্না ফগৎহন্নবা ঙসি হোম মিনিস্তর অমিৎ সাহনা লনাই মীওই ৯ য়ু.এ.পি.এ এক্ত ১৯৬৭ প্রোবিজনশিংগী মখাদা তেরোরিস্তশিং ওইনা লাউথোকখ্রে অমসুং হায়রিবা এক্ত অসিগী সেদুল মরিশুবদা মখোয়গী মমিংশিং য়াওরে। মখোয়গী অকুপ্পা মরোলশিং মখাদা পীরি :
- ৱাধাৱা সিংহ বাবর : পাকিস্থানদা লৈবা তেরোরিস্ত লুপ “বাবরখালসা ইন্তরনেস্নেল”গী লুচিংবা।
- লাখবির সিংহ : পাকিস্থানদা লৈবা তেরোরিস্ত লুপ “ইন্তরনেস্নেল সিখ য়ুথ ফেদেরেসন”গী লুচিংবা।
- রঞ্জিৎ সিংহ : পাকিস্থানদা লৈবা তেরোরিস্ত লুপ “খালিস্থান জিন্দবাদ ফোর্স”কী লুচিংবা।
- পারমজিৎ সিংহ : পাকিস্থানদা লৈবা তেরোরিস্ত লুপ “খালিস্থান কমান্দো ফোর্স”কী লুচিংবা।
- বুপিন্দর সিংহ বিন্দা : জর্মনিদা লৈবা তেরোরিস্ত লুপ “খালিস্থান জিন্দবাদ ফোর্স”কী মরুওইবা মেম্বর।
- গুরমিৎ সিংহ বাগা : জর্মনিদা লৈবা তেরোরিস্ত লুপ “খালিস্থান জিন্দবাদ ফোর্স”কী মরুওইবা মেম্বর।
- গুরপাতৱাত সিংহ পান্নুন : য়ু এস এদা লৈবা আইন্না য়াদবা এসোসিএসন “সিখ ফোর জজতিস”গী মরুওইবা মেম্বর।
- হরদিব সিংহ নিজার : কনাদাদা লৈবা “খালিস্থান তাইগর ফোর্স”কী লুচিংবা।
- পারমজিৎ সিংহ : য়ুনাইতেৎ কিংদমদা লৈবা তেরোরিস্ত লুপ “বাবরখালসা ইন্তরনেসনেল”গী লুচিংবা।
হায়রিবা মীওইশিং অসি ঙমখৈ ৱাংমদগী অমসুং মপান লৈবাকশিংদগী তেরোরিজমগী থবকশিং পাংথোকপদা চেন্নবা ঙাক্তনি। মখোয়না লৈবাক্কী মায়োক্তা লৈবা থবকশিং পাংথোক্তুনা পঞ্জাবতা অমুক হন্না লালহৌবগী ইরাং হিঙ্গৎহন্নবা হোৎনদুনা লৈবাক অসি কাং-খোঙ চাইনবা হোৎনখি অমসুং মখোয়না খালিস্থানগী ইহৌ শৌখৎখি অমসুং শরুক য়াখি।
*****
(Release ID: 1635816)
Visitor Counter : 222