২০২০গী জুলাই ১দা ভারত শীনবা থুংনা জি.এস.তি নুমিৎ ২০২০ নৎত্রগা জি.এস.তি চৎনবা হৌখিবগী অহুমসুবা কুমওন থৌরম সি.বি.আই.সি অমসুং মসিগী ফিল্দ ওফিসশিংদা পাংথোকখ্রে। জি.এস.তি অসি অত্মানির্ভর ভারত অমা শেমগৎনবা হোৎনবদা অপনবা পীরকপশিং থুগাইনবা খুৎলায় অমা ওইরে অমসুং লৈবাক অমা তেক্স অমা কৈথেল অমা হায়বা পান্দম অদু ফংনবা চঙশিল্লি। কোবিদ লাইচৎকী ফিবম অসি য়েংদুনা নুমিৎ অসিগী থৌরমশিং ভর্চুএল ওইনা দিজিতেল প্লেতফোর্মশিংদা পাংথোকখি।

জি.এস.তি নুমিৎ ২০২০ লাকপদা মহাক্কী পাউজেলদা ফাইনান্স অমসুং কোরপোরেত এফেয়ার্সকী য়ুনিয়ন মিনিস্তর শ্রীমতি নিরমলা সিতারমন্না হায়খি মরী লৈনবশিংদগী ৱাফম কয়া তারবা মতুংদা জি.এস.তি তেক্স লৌবগী থবকশিং লাইথোকহন্নবা থবক কয়া পায়খৎলে। অদুবু তেক্স থিবগী থবক লাইহন্নবা থবক কয়া পায়খৎপা দরকার ওইরি। ফাইনান্স মিনিস্তরগী পাউজেলগী মরুওইবা ৱাফম খর লৈরে :

• প্রধান মন্ত্রীগী অত্মানির্ভর ভারত্তা মিৎয়েং থম্বা
• ললোন-ইতিক্কী থবক নুংঙাইহন্দুনা তেক্স থিরিবশিংনা জি.এস.তি তেক্স থিবগী থবক লাইহন্নবা থবক পায়খৎপা
• ললোন-ইতিক তৌরিবশিংনা থেংনরিবা অৱাবশিং য়েংশিনবা অমসুং কোহন্নবা থবক পায়খৎপা

কোবিদ-১৯গী অৱাবা তারবা মতম অসিদা শিংথানিংঙাই ওইবা থবক কয়া পাংথোকপগীদমক ফাইনান্স মিনিস্তরনা সি.বি.আই.সি ওফিসারশিং থাগৎখি অমসুং তেক্স থিরিবশিং মতেং পাংনবা অমসুং পুন্না থবক তৌমিন্ননবা খঙহনখি। হায়রিবা মতম অসিদা তেক্স থিরবশিংদা য়াম্লবা শেনফম রিফন্দ তৌবগীদমক মহাক্না থাগৎখি।

মহাক্কী পাউজেলদা ফাইনান্স অমসুং কোরপোরেত এফেয়ার্সকী রাজ্য মন্ত্রী অনুরাগ থাকুরনা হায়খি রিতর্ন ফাইল তৌবগী থবক লাইহনগদবনি অমসুং রিতর্ন প্রোসেস তৌবা অমসুং তেক্স ক্রেদিৎ হাপচিনবগী থবক য়াংনা পাংথোক্কদবনি। লোকদাউন মনুংদা থবক কন্না শুখিবা অমসুং জি.এস.তি রিফন্দগী থবকশিং আই.তি প্লেতফোর্মশিংদা ফজনা পাংথোকপীগদমক সি.বি.আই.সি ওফিসারশিং অনুরাগ থাকুরনা থাগৎখি। কোবিদ-১৯গী অৱাবা তারবা মতমদা সি.বি.আই.সি ফিল্দ ওফিসারশিংনা খুন্নাইগী পাংথোকখিবা থবকশু থাগৎখি।

ভর্চুএল ওইনা পাংথোকখিবা জি.এস.তি নুমিৎ থৌরমদা সি.বি.আই.সি চেয়রমেন এম অজিৎ কুমারনা হায়খি তেক্স থিরিবশিং মতেং পাংগদবনি অমসুং মখোয়গী অৱাবশিং কোকহন্নবা মখোয়গা পাউ ফাওনগদবনি অমসুং ললোন-ইতিক্কী থবক লাইহন্নবা ফাইনান্স মিনিস্তরগী পাউজেল অদু ইকায়খুম্নবা উৎখি।

*****