লৌউ-শিংউ অমসুং লৌমীগী য়াইফনবগী কেন্দ্র মন্ত্রী শ্রী নরেন্দ্র সিংহ তোমারনা এরিএল স্প্রে তৌদুনা কৌজেংশিংবু লাকশিন্নবা গৌতম বুদ্ধ নগর, গ্রেতর নোইদা, উত্তর প্রদেশতা হেলিপেদকী ফেসিলিতী অমদগী চাইনবগী খুৎলাইনা বেল হেলিকোপ্তরদা থবক পাংথোক্নবগী শেম-শাদুনা লৈরে হায়বা ঙসি খংহনখ্রে। হেলিকোপ্তর অসি অহৌবদা উত্তরলাই, বার্মরদা লৈবা এয়র ফোর্স স্তেসনশিংদা খামগনি অদুগা বার্মর, বিকানের, জোধপুর অমসুং নাগৌরগী লৈকংলাশিংদা কৌজেং লাকশিন্নবগী থবক্তা শিজিন্নগনি।
বেল-২০৬-বি.৩. হেলিকোপ্তর অসি ত্রিপ অমদা লিতর ২৫০গী তীলহাৎ হিদাকশিং পুদুনা পাইলোত অমখক্তংনা থবক তৌগনি অমসুং ফ্লাইৎ অমনা হেক্তর ২৫দগী ৫০ ফাওবা থুংবা ঙমগনি। হক ফংলবা কমিতি অসিনা দি.জি.সি.এ. অমসুং এভিএসন মন্ত্রালয়দগী ক্লিয়রেন্স পুম্নমক ফংলবা মতুংদা লৈকংলাগী মফমশিংদা এরিএল স্প্রে তৌনবগীদমক হেলিকোপ্তর অমা থবক্তা শিজিন্ননবা কম্পনি খনখি।

মথংদা, মেদিয়াশিংগা ৱারী শান্নরদুনা শ্রী তোমার সিংহনা শাংলবা চহি ২৬কী মতুংদা মমাংগী চহিদা কৌজেংনা লান্দরকখি হায়না ফোংদোকখি। ভারত সরকারনা রাজ্য সরকারশিংনা খুৎশম্নরগা নিংথিজনা লাকশিন্নবা হোৎনরি। হন্দক্কী চহী অসিদা হেন্না চাওবা মওংদা কৌজেংনা লান্দারকপা য়াই হায়না পানরি অদুবু সরকারনা থৌরাং পুম্বা তৌদুনা লৈরে অমসুং রাজ্য সরকারশিংদা মীৎকুপ নাহুম শিংনা লৈনবা অমদি কেন্দ্র সরকারনা নকশিন্ননা থবক পাংথোক্নবা খংহনখ্রে। মেছিনশিং, গারীশিং অমসুং থবক পাংথোক্নবা মীশিং থবক্তা শিজিন্ননবগী মশিং অসি হেনগৎখ্রে অমসুং মরি লৈনবা রাজ্যশিংনা খুদোংথিব অসি মায়োক্ননবা এস.দি.আর.এফ. ফন্দ শিজিন্নরি। অহানবা ওইনা কৌজেং লাকশিন্ননবা দ্রোন শিজিন্নখ্রে অমসুং ঙসি হেলিকোপ্তর শিজিন্নদুনা তীলহাৎ হিদাকশিং এরিএল ওইনা চাইহন্না হৌদোকখ্রে। দ্রোন অমসুং হেলিকোপ্তরদা থবক পাংথোকহনবগীদমক সিভিল এভিএসন মন্ত্রালয়বু থাগৎপা ফোংদোকখি। য়ু.কে.গী কম্পনিদগী এরিএল ওইনা চাইননবা মেছিন মশিং ৫ ওর্দর তৌখি অমসুং অমা হেক ফংবগা আই.এ.এফ. হেলিকোপ্তরদা হাপ্লগনি অদুগা কৌজেং লাকশিন্নবগীদমক থবক্তা শিজিন্নরগনি হায়না মহাক্না ফোংদোকখি। কেন্দ্রগী লৌউ-শিংউ অমসুং লৌমীশিংগী য়াইফনবগী রাজ্য মন্ত্রী শ্রী কৈলাশ চৌধরি, পার্লিয়ামেন্তকী মীহুৎ অমদি হান্নগী কেন্দ্র মন্ত্রী শ্রী মহেশ শর্মা অমসুং লৌউ-শিংউগী সেক্রতরি শ্রী অজয় অগর্ৱালসু থৌরম অদুদা য়াওখি।

কৌজেং লাকশিন্নবগী হেলিকোপ্তরনা থবক পাংথোকহনবা অসিদা দ্রোনশিং, হেলিকোপ্তরশিং অমসুং এয়রক্রাফশিংনা নুংশিৎনা থবক লাকশিনবদা হেন্না মপাঙ্গল লৈনা পাংথোকপগী মথৌ তাবদা য়েংলগা হেলিকোপ্তরদগী কোজেং লাকশিন্নবা থবক পাংথোকহনখিবনি। কেবিনেৎ সেক্রতরিনা মে ২৭, ২০২০দা কৌজেংগী ফীভম অদু য়েংশিনখি অমসুং সিভিল এভিএসন ম্ন্ত্রালয়দা লৌউ-শিংউ অমসুং লৌমীশিংগী য়াইফনবগী বিভাগতা দ্রোনশিং, এয়রক্রাফ/হেলিকোপ্তরদগী তীলহাৎ হিদাকশিং এরিএল ওইনা চাইনবগীদমক গুদ্স অমসুং সর্ভিসকী লৈফমগী খুদোংচাবা অদু ফংহনবদা মতেং পাংনবা হায়খি। মসিগী মতুংদা লৌউ-শিংউগী এদিস্নেল সেক্রতরিগী চেয়র্মেনশিপ মখাদা মন্ত্রালয় মশেলগী অয়াবা কমিতি অমা শেমখি। এম.সি.ও., পৱন হন্স. দি.জি.সি.এ., এয়র ইন্দিয়া অমসুং দি.এ.সি. অমসুং এফ.দব্লিয়ুগী ওফিসরশিংনা কমিতি অসিগী মীহুৎশিং ওই।

অয়াবা ফংলবা কমিতি অসিনা হায়বদগী অৱাংবা উশিং অমসুং য়ৌশিনবা ঙমদবা মফমশিংদা দ্রোন শিজিন্নদুনা নিংথিজনা কৌজেং অসি লাকশিন্নবা দি.এ.সি অমসুং অফ.দব্লিয়ু.না কৌজেং লাকশিন্নবগীদমক্তা কম্পনি অমদা দ্রোন ৫ ফংহনগদবা কম্পনি ৫ হাপচিনখ্রে। হৌজিকফাওবদালজৈসলমর, বার্মের, জৌধপুর, বিকানের অমসুং নাগৌরদা দ্রোন ১২ না কৌজেং লাকশিন্নবগীদমক্তা দ্রোন্দগী থবক পাংথোকহনবা থবক পাংথোকহনখ্রে। প্রোতোকোলশিং অরোইবা মওংদা শেম্লবা মতুংদা ভারত অসি মালেমদা কৌজেং লাকশিন্নবদা দ্রোন্দগী থবক পাংথোকহনবা অহানবা লৈবাক ওইরে। দ্রোনশিং শিজিন্নবা অসিনা অৱাংবা উশিং অমসুং য়ৌশিন্বা ঙমদবা মফমশিংদা কৌজেং অসি নিংথিনা লাকশিনবা ঙম্বা ওইহল্লে। দ্রোন অমনা পুং অমদা হেক্তর ১৬-১৭গী লম য়ৌবা ঙম্মি অমসুং পুং ৪দা হেক্তর ৭০ য়ৌবা ঙম্মি। এম.সি.এ.না কৌজেংগী মায়োক্তা চত্থবা থবকশিংগীদমক্তা ৱাফমশিং কোমথোকপগা মরি লৈনবা চৎন-কাংলোনশিংদা কোমথোক-কোমশিন য়াহনখ্রে অমসুং কিলোগ্রাম ৫০ ফাওবগী ওইবা ইঞ্জিন পাৱরশিং অমসুং নুমিদাংগী মতমদা কৌজেংগী মায়োক্তা চত্থবা থবক চত্থনবগী দ্রোন শিজিন্নবগী অয়াবা পীখ্রে।

হৌজিক-হৌজিক কৌজেং লাকশিন্নবগী লাল্লোং চত্থরিবা অসি চাইনবগী খুৎলাই য়াওরবা মচিন থিন্দোকপা গারী য়াওবা তীম ৬০না থবক তৌরি অমসুং কেন্দ্র সরকারগী পর্সোনেল ২০০দগী হেনবা রাজস্থান, মধ্য প্রদেশ, পঞ্জাব, গুজরাত, মহারাস্ত্র, ছতিসগর, হরিয়ানা, উত্তর প্রদেশ অমসুং বিহারদা থবক পাংথোক্নবা থমখ্রে। রাজস্থান অমসুং গুজরাতকী স্ক্বার কিলোমিতর লাক্ষ ২গী সেদ্যুলনা তাবা লৈকংলাগী মফমশিংদা মরু ওইবা মওংদা য়েংশিল্লিবা, সর্ভে তৌবা অমসুং লাকশিনবগী থবক তৌনবা ভারত সরকারনা লোক্সত ৱার্নিং ওর্গনাইজেসন(এল.দব্লিয়ু.ও.) অমসুং লোকস্ত সর্কল ওফিসেস(এল.সি.ও.)শিং অসি রাজ্স্থান,(জৈসলমের, বিকানের, ফালোদি, বার্মের, জোলোর, চুরু, নাগৌর, সুরাতগ্রহ) অমসুং গুজরাত(পালনপুর অমসুং ভুজ)দা থমখ্রে। সেদ্যুল তাবা লৈকংলাগী মফমশিংদা নত্তনা কৌজেং লাকশিন্নবগীদমক্তা রাজস্থানগী জয়পুর, অজমেরদা, মধ্য প্রদেশকী শিবপুর, পঞ্জাবকী ফজিল্কা অমসুং উত্তর প্রদেশকী ঝান্সিদা এল.সি.ও.গী তেম্পোরেরি কেম্পশিং শেমগৎখ্রে।

রাজ্য সরকারনা মচিন থিহ্গৎপা স্প্রেয়রশিং য়াওবা ত্রেক্তর অমসুং তেন্দর ওইবা গারীশিংনা লাকশিন্নবগী থবক পাংথোকহনখ্রে। এপ্রীল ১১, ২০২০দগীনা জুন ২৮, ২০২০ ফাওবা লাকশিন্নবগী থবকশিং অসি রাজস্থান, মধ্য প্রদেশ, পঞ্জাব, গুজরাত, উত্তর প্রদেশ, মহারাস্ত্র, ছতিসগর, হরিয়ানা অমসুং বিহারদা লম হেক্তর ২,৩৩,৪৮৭দা পাংথোকখ্রে। গুজরাত, উত্তর প্রদেশ, মধ্য প্রদেশ, মহারাস্ত্র, ছতিসগর, বিহারদা অমসুং হরিয়ানাদা করিগুম্বা অখন্নবা মহৈ-মরোংশিং মাংবগী পাও অমত্তা ফংখিদ্রি। অদুম ওইনমক রাজস্থানগী জীলা খরদা অপীকপা মহৈ-মরোং খরা মাংবগী পাও ফংখি।

ফুদ অমসুং এগ্রিকলচর ওর্গনাইজেসনগী ২৭.০৬.২০২০গী লোকস্ত স্তেতস অপদেৎকী মতুং ইন্না অৱাংথংবা সোমালিয়াদা তুংদুনা লৈরিবা তুমীৎ-কাংশিংগী ভারত-পাকিস্তানগী ঙমখৈদা লৈরিবা কালেনগী মতমদা মচা কোকপা মফমশিংগীদমক্তা হিন্দ মহাসাগরগী তারকপা য়াবগী ওইথোকপা লৈ। পাকিস্তানগী সিন্ধদা তুমীৎ-কাংশিং অদু হান্ননা মরুম কোকপা হৌখ্রে অমসুং হৌজিক-হৌজিক অসি তুমীৎ-কাংশিংনা সিন্দুগী তম্পাক্তা লৈরি। খা-নোংচুপথংবা এসিয়াগী লৈবাকশিং(অফগানিস্তান, ভারত, ইরান অমসুং পাকিস্তান)গী তেক্নিকেল ওপিসরশিংগী ভর্চুএল ওইবা মীফমশিং চয়োল-চয়োলগী ওইনা তৌখ্রে। চহি অসিগী ওইনা হৌজিক ফাওবদা এস.দব্লিয়ু.এ.সি.-তি.ও.সি.গী ১৫রক মীফম পাংথোকখ্রে। মফম অদুদা কৌজেং লাকশিন্নবগা মরি লৈনবা তেক্নিকেল ওইবা ই-পাও অসি পীথোক-পীশিন তৌনরি।

থবক পাংথোকহনখিবা রিসোর্সশিং -

• ভারত্তা কৌজেং লাকশিনবদা হেন্না মপাঙ্গল কনখৎহন্নবা জনুৱারী ২০২০দা মাইক্রোন, য়ু.কে.দগী গ্রাওন্দ স্প্রে ইক্বীপমেন্ত ১০ অমসুং জুন, ২০২০দা ইক্বীপমেন্ত ১৫ পুশিল্লকখ্রে। অতোপ্পা গ্রাওন্দ স্প্রে ইক্বীপমেন্ত ৪৫ জুলাই, ২০২০দা য়ৌরক্লগনি অমসুং লোকস্ত সর্কল ওফিসশিংদা জুলাইদা গ্রাওন্দ কন্ত্রোল ইক্বীপমেন্ত ১০০ হেন্না লৈরগনি।
• হৌজিক-দৌজিক স্প্রেগী খুৎলাই য়াওবা মচিন তুম্বা গারীগা লোয়ননা তীম ৬০ অমসুং থবক পাংথোক্নবা কেন্দ্র সরকারগী পর্সোনেল ২০০দগী হেন্না কৌজেং লাকপগী থবক পাংথোক্নবা থমখ্রে।
• লাকশিনবগী মপাঙ্গল হেনগৎহন্নবা অতোপ্পা গারী ৫৫ লৈখ্রে।
• চাদা ৯৬ গী য়ু.এল.ভি. ওইবা মলাথিওন লিতর ৩,০০,০০০ লৈনবগী অয়াবা পীখ্রে। তীলহাৎ-হিদাক্কী কোন্ননবা স্তোক থম্লি।
• ভারত সরকারনা মার্চ ২০২০দা এম./এস. মাইক্রোন, য়ু.কে.দগী এরিএল স্প্রে কীত ৫ পীরক্নবা হায়খ্রে। অহানবা কীত ২ অসিদি সেপ্তেম্বর ২০২০দা য়ৌরক্লগনি অদুগা অতোপ্পশিংদুনা অহানবা কীৎ অসিনা মায় পাক্না হাপ্লবা মতুংদা থা অমা লৈরগা লাক্কনি। মসিগী কীৎশিং অসি ইন্দিয়ন এয়র ফোর্সনা অয়াবা পীরবা ইন্দিয়ন এয়র ফোর্স হেলিকোপ্তরশিংদা পানশিনগনি।
• লৌউ-শিংউবগী মেকানাইজেসন তৌবগী সব-মিসনগী মখাদা রাজস্থানগী রাজ্য সরকারগীদমক্তা ত্রেক্তরদা মচিন থিন্দোকপা স্প্রেগী খুৎলাই ৮০০ লৈবগী অয়াবা পীখ্রে। (কোতী ২.৮৬)
• গারীশিং, ত্রেক্তরশিং অমসুং তীলহাৎ হিদাকশিং লৈনবগীদমক্তা আর.কে.ভি.ৱাই.গী মখাদা রাজস্থান রাজ্যগী ওইনা শেলগী তেংবাং কোতী ১৪ কায়খ্রে।
• গারীশিং, স্প্রেগী খুৎলাইশিং, ঙাকথোক্নবা য়ুনিফোর্ম, এন্দ্রোইদ এপ্লিকেসনশিং, কৌজেংগা মরি লৈননা ত্রেনিং তৌনবগীদমক গুজরাত রাজ্যগী ওইনা শেলগী তেংবাং লুপা কোতী ১.৮০ কায়খ্রে।

জুন ২৮, ২০২০দা রাজ্য অসিদা লাকশিনখিবা অপুনবা লম