কেন্দ্ৰীয় কৃষি আৰু কৃষক কল্যান মন্ত্ৰী নৰেন্দ্ৰ সিং টোমাৰে আজি উত্তৰপ্ৰদেশৰ গ্ৰেটাৰ নয়দাৰ গৌতম বুদ্ধ নগৰত এক হেলিপেডৰ পৰা স্প্ৰে সঁজুলিৰেসমৃদ্ধ বেল হেলিকপ্টাৰ সেৱাৰ শুভাৰম্ভ কৰে৷ প্ৰাৰম্ভিক অৱস্থাত উত্তৰলাই, বাৰ্মেৰ বিমান বন্দৰৰ পৰা এই হেলিকপ্টাৰ বাৰ্মেৰ, জয়ছালমেৰ, বিকানেৰ, যোধপুৰ আৰু নগৌৰৰ দৰে মৰুভূমি এলেকাত কাকতি ফৰিং নিয়ন্ত্ৰণত লগোৱা হ’ব৷ এজন পাইলটে চলাব পৰা বেল ২০৬-বি৩ হেলিকপ্টাৰে এবাৰত ২৫০ লিটাৰ কীটানুনাশক কঢ়িয়াই নিয়াৰ লগতে ২৫-৫০ হেক্টৰ এলেকা সামৰি ল’ব পাৰে৷ ডিজিচিএ আৰু অসামৰিক বিমান পৰিবহণ মন্ত্ৰালয়ৰ অনুমোদন লাভ কৰাৰ পাছত এক কৰ্তৃত্বপ্ৰাপ্ত কমিটীয়ে মৰুভূমি এলেকাত আকাশমাৰ্গৰ পৰা স্প্ৰে কৰাৰ বাবে হেলিকপ্টাৰ ব্যৱহাৰ কৰাৰ বিষয়টো চূড়ান্ত কৰে৷

সংবাদমাধ্যমৰ সৈতে হোৱা সাক্ষাৎকাৰত মন্ত্ৰী নৰেন্দ্ৰ সিং টোমাৰে কয় ২৬ বছৰৰ পাছত যোৱা বছৰ কাকতি ফৰিঙৰ উপদ্ৰৱ হৈছিল৷ কিন্তু চলিত বৰ্ষত এই পোকৰ আক্ৰমণ সাংঘাটিক ধৰণে হৈছে৷ কেন্দ্ৰীয় চৰকাৰ আৰু ৰাজ্য চৰকাৰসমূহে সমন্বয় ৰক্ষা কৰি ফলপ্ৰসূভাৱে ইয়াৰ নিয়ন্ত্ৰণৰ বাবে কাম কৰি আছে৷ প্ৰথম অৱস্থাত দ্ৰোণ ব্যৱহাৰ কৰা হৈছিল আৰু এতিয়া আকাশমাৰ্গেৰে কীটনাশক স্প্ৰে কৰাৰ বাবে হেলিকপ্টাৰ লগোৱা হৈছে৷ ইতিমধ্যে ইংলেণ্ডৰ পৰা আকাশমাৰ্গেৰে স্প্ৰে কৰিবপৰা ৫টা যন্ত্ৰ অনা হৈছে৷ অনুষ্ঠানত কেন্দ্ৰীয় কৃষি আৰু কৃষক কল্যান বিভাগৰ ৰাজ্যিক মন্ত্ৰী কৈলাস চৌধাৰী, সাংসদ তথা প্ৰাক্তন কেন্দ্ৰীয় মন্ত্ৰী মহেশ শৰ্মা আৰু কৃষি বিভাগৰ সচিব সঞ্জয় আগৰৱালো উপস্থিত থাকে৷

প্ৰভাৱিত ৰাজ্যসমূহত ২৮ জুন, ২০২০লৈকে নিয়ন্ত্ৰণলৈ অহা এলেকা তলত উল্লেখ কৰা ধৰণৰঃ

***

APS/SG/SB/DB