মার্চ ১৩, ২০২০দা, ঝার্খন্দগি বোকারো জিলাগী তেলো খুঙ্গংগী কামারুনিশা অমসুং মহাক্কী মপুরোয়বা নূর মোহম্মদ জামাত য়াওরুরগা ময়ুমদা হল্লখি। মখোয় এয়রপোর্ত্তা কোবিদ-১৯গী তেস্ত তৌখি অমসুং মখোয়গী খুঙ্গংদা হোম ক্বারন্তিন তৌনবা খঙহল্লখি। খুঙ্গং অদুগী এক্রিদিতেদ সোসিএল এল্থ এক্তিবিস্ত (আশা), সহিয়া হায়না খঙনবা, রীনা দেবিনা য়ুমথোংশিংদা সর্ভে চৎপদা পাউ অসি লৌরকখি।

মহাক্না খুদক্তা ব্লোক অদুগী মেদিকেল ওফিসর-ইন-চার্জতা পাউ পীখি, মতৈ মনাও অদুবু চৎনা কাংলোনশিংগী মতুং ইন্না হোম ক্বারন্তিন অমসুং চাং নাইনা মখোয়গী হেল্থ স্তেতস য়েংনবা অমসুং মথৌ তাবা হেল্থক্যেরগী মতাংদা পাউতাক পীখি। কামারনিশা পোজিতিব ওইরকখি অমসুং খুদক্তা বোকোরা জেনরেল হোস্পিতালদা ক্বারন্তিন তৌখি। সহিয়া রীনা দেবিনা তাক্তুনা মেদিকেল তীম অমা মতৈ মনাও অদুগী য়ুমদা মথংগী নুমিত্তা থাখি অমসুং লৈরিবা ইমুংগী মীওইশিং হোম ক্বারন্তিন তৌবদা মতেং পাংখি। মহাক্না মতৈ মনাও অদুগী ফোলো-অপ থৱায় য়াওনা তৌদুনা মখোয়গী ইমুং মনুং লোয়ননা লৈকাইদা কোবিদ-১৯দগী ঙাকথোক্নবা এৱের্নেস পীবদ অচৌবা থৌদাং লৌখি। রীনা দেবিগী মতম চানা অমসুং লেপ্পা লৈতনা হোৎনবা অসিনা ইমুং অদুগী মীওইশিং অমসুং মখোয়গী লৈকাইদা লায়না অসি শন্দোকপা থিংবদা মতেং পাংখি। মনাও অদুবু চৎনা কাংলোনশিংগী মতুং ইন্না হোম ক্বারন্তিন অমসুং চ

ঝার্খন্দদা “সহিয়াশিং” হায়না খঙনরিবা আশাশিংনা অরাপ্পা মফমশিং মরু ওইনা ত্রাইবেলগী মফমশিংদা হেল্থ ক্যেরগী সর্ভিসশিং ফংহনবদা মতেং পাংলি। স্তেৎ অসিদা সহিয়া সাথি (আশা ফেসিলিতেতর) ২২৬০না সপ্পোর্ত তৌবা সহিয়া ৪২,০০০, ব্লোক ত্রেনর ৫৮২, দিস্ত্রিক্ত কম্ম্যুনিতি মোবিলাইজর ২৪ অমসুং স্তেৎকী থাক্তা লৈবা কম্ম্যুনিতি প্রোসেস রিসোর্স সেন্তর অমা লৈ। প্রোগ্রাম অসি হৌদোকপদগী, সহিয়াশিংনা কৎথোক্তুনা অমসুং অরাপ্পা য়ৌবা ৱাবা ত্রাইবেলশিংগী মফমশিংদা হেল্থ ক্যের ফংহনবা হোৎন্দুনা লাক্লি।

সাপোন অমসুং ঈশিংনা খুৎ তোয়না হামদোকপা, মীয়াম তীনবা মফমশিংদা থোকপদা মাস্কশিং/ফেস কভরশিং শীজিন্নবা, লোক খুবা অমসুং হাকথি খনবদা মথৌ তাবা হৌনা-লোনচৎ ঙাক্না চৎপা অসিগুম্বা কোবিদ-১৯ ঙাকথোক্নবা পাম্বৈশিংগী মতাংদা এৱের্নেস পীনবা মার্চ ২০২০দগী হৌনা কোবিদ-১৯গা মরী লৈনবা তোঙান তোঙানবা থবক থৌরমদা সহিয়াশিংনা থৱায় য়াওনা শরুক য়াদুনা লাক্লি। কন্তেক্ত ত্রেসিং তৌবা, লাইন লিস্তিং অমসুং কোবিদ-১৯ কেসকী ফোলো-অপ অসিদসু মখোয়না তৌরি।

ঝার্খন্দনা জুন ১৮দগী ২৫ ফাওবা চয়োল অমা শাংবা ইন্তেন্সিব পব্লিক হেল্থ সর্ভে (আই.পি.ঐচ.এস.) হৌদোক্তুনা কোবদ-১৯গী নাবা য়াবা রিক্স ৱাংবা মীশিং খন্দোকখি। আই.পি.ঐচ.এস. ৱিক্কী অহৌবা নুমিত্তা তৌবা য়াবা থবক থৌরমশিং য়াৎথোক্নবা খুঙ্গংগী থাক্তা অমসুং সহরশিংদা কম্ম্যুনিতিগী ওইবা মীফমশিং পাঙথোকখি। নুমিৎ হুমনি থংনা-থংননা হাউস-তু-হাউস সর্ভে থৱায় য়াওনা তৌখি। সহিয়া ৪২,০০০ রোমনা সর্ভে অসিদা অচৌবা থৌদাং লৌখি। মখোয়না য়ুমথোং লিশিং কয়াগী হাউস-তু-হাউস সর্ভে তৌদুনা ইনফ্লুয়েঞ্জা লাইক ইলনেস (আই.এ.আই.)/সিবিয়র এক্যুৎ রেস্পিরেতরী ইলনেস (সারি) লাইওংশিং লৈবা মীওইশিং, কো-মোর্বিদ কন্দিসনশিংগা লোয়ননা হিংলিবা চহি ৪০গী মথক্কী মীওই, চহি মঙাগী মখাদা লৈবা হীদাক কাপ্পগী মতমদা কাপহৌদ্রবা অঙাংশিং অমসুং এন্তি নেতেল চেক-অপ (এ.এন.সি.) তৌগদবা মীরোলবী নুপীশিং অসিগুম্বা রিক্স ৱাংবা মফম অদুগী মীওইশিং খঙদোক্লি। নুমিৎ অদুমক্তদা আই.এল.আই./সারিগী লাইওং লৈবা মীওইশিং তেস্ত তৌবা ফংহল্লি। নারকপগী চাং য়াম্না ৱাংবা মীওইশিংগী অকুপ্পা ৱারোল অদু মরী লৈনবা সব সেন্তর অমসুং ব্লোক/দিস্ত্রিক্ত হেল্থ তীমগা লোয়ননা সিয়র তৌদুবা ফোলো-অপ তৌগনি।

সর্ভে মনুংদা সহিয়াশিংনা মখোয়না য়ুমশিংদা ভিজিৎ চৎপদা তোঙান তোঙানবা থবকশিংগী চপ মান্নবা য়ুমদা হঞ্জিন-হঞ্জিন লাক্তনবা মখল কয়াগী থবকশিং লৌখৎলি (মখোয়শিং অদুদি এ.এন.সি./পি.এন.সি.গী কাউন্সিলিং, পোকপদা ঙাইরিবা অঙাংগী য়ুমদা তৌগদবা ক্যের, অপিকপা অঙাংগী য়ুমদা তৌগদবা ক্যের, ক্রোনিক লায়না নারিবশিংগী ফোলো-অপ),

মীরোলবী, পোকপদা ঙাইরিবা অঙাং অমসুং অঙাংগী হকশেলগী মরমদা কৎথোক্লবা ঝার্খন্দগী আশাশিং নত্রা সহিয়াশিংনা কোবিদ-১৯গা মরী লৈনবা থবক থৌরমশিংদা মতেং পাংনবা চোংথোরক্লি।

ঝার্খন্দদগী মমি খরা: কম্ম্যুনিতি হেল্থ সর্ভিস পীরিবা সহিয়াশিং

*****