কৌজেংনা লান্দাবা থেংননবগীদমক, লৌউ-শিংউ মন্ত্রালয়না এম./এস. মাইক্রোন, য়ু.কে.গা মে ২০২০দা কৌজেং মচা কোকপা থিংনবগীদমক এম.আই.-১৭ হেলিকোপ্তর অনী এতোমাইজ পেস্তিসাইদ চাইবা য়াবা মওংদা শেমদোক্নবা য়ানচে খুৎয়েক পীনখ্রে। কোবিদ-১৯ লাইচৎনা মরম ওইদুনা, য়ু.কে.দা লৈবা ফার্ম অসিনা সিস্তেম থাংগৎনবা অমসুং তেস্ত তৌনবগীদমক আই.এ.এফ.তা কিৎ শাবা অমসুং থাবসি সেপ্তেম্বর ২০২০দগী হৌগদৌরি। মরক অসিদা, তম্বা ঙমদবা মওং অমদা কৌজেংশিংনা লান্দাবদি মেগী অরোইবা চয়োলদগী হৌখ্রে অমসুং রাজ্য কয়াদা লান্দুনা খোংলৈ থুনা শন্দোরক্লি।

এম./এস. মাইক্রোন্না মোদিফিকেসন কিৎ পীবদা থেংথগদবসিবু য়েংলদুনা ইন্দিয়ন এয়র ফোর্সকী চন্দিগরদা লৈবা তাস্ক নম্বর ৩ বেস রিপেয়র দিপোৎনা এম.আই.-১৭ হেলিকোপ্তরশিংদা হাপনবা এয়রবোর্ন লোকস্ত কন্ত্রোল সিস্তেম (এ.এল.সি.এস.) লমদম অসিদা দিজাইন তৌদুনা শাজবগী লুরবা থবক অসি পায়খৎলগদৌরি। মফম অসিদা ফংজবা খুৎশু খুৎলাইতমক শীজিন্নদুনা, এতোমিয়াজ এয়রবোর্ন ওইবা তিলহাৎ হিদাক চাইথোকপগী থবকসি নোংথক্তা এম.আই.-১৭ হেলিকোপ্তরগী অহেনবা ত্রস নাকন অনীমক্তা হাপতুনা মায় পাক্না পাঙথোকখি। মসিগী থবক অসিগীদমক শীজিন্নরিবা নোজল অসি কম্মরসিএল ওইনা ফংবা অমসুং চন্দিগরগী সি.এস.আই.ও.না পুথোকপা নোজলনি। চান্নবা চাংদা থীৎলবা মলাথিওন তিলহাৎ হিদাক্না হেলিকোপ্তরদা হাপ্লিবা লিতর ৮০০গী ওকজিলিয়রী তেঙ্কতা কম্প্রেস এয়রগা লোইননা ইলেক্ত্রিকেল পম্প অমা শীজিন্নদুনা নোজলদগী হাঞ্জিল্লি, মসিনা মিসন অমদা চাউরাক্না হেক্তর ৭৫০ ওইগদবা ইনফেক্তেদ জোনশিংন্দা মিনিৎ ৪০ মুক চাইবা কোন্নৈ।

বেঙ্গলোরদা লৈবা এয়রক্রাফ এন্দ সিস্তেম তেস্তিং ইস্তাব্লিস্মেন্তকী তেস্ত পাইলোৎকী কাংবু অমা অমসুং তেস্ত ইঞ্জিনীয়রশিংনা শেমদোক্লবা এম.আই.-১৭. হেলিকোপ্তরদা এ.এল.সি.এস.কী লৈমাই অমসুং নোংথক্কী চাংয়েংদু মায় পাক্না পাঙথোকখি। সিস্তেম অসি কৌজেং লাকশিন্নবগী থৌরাংশিংদা মলাথিওন হাপতুনা শীজিন্ননবা অয়াবা পীরি।

লমদম অসিদা পুথোকচবা সিস্তেম অমা ওইবনা, এ.এল.সি.এস.না ইন-হাউজকী ওইবা মেন্তেনেন্সশিংসু মতীক চানা তৌবা, তুংদা অপগ্রেদ তৌবা, ফোরেন এক্সচেঞ্জ সেব তৌবা অমসুং লৈবাক অসিবু এবিএসনগা মরী লৈনবা তেক্নোলোজীশিংদা মরোমদোম লেপচবা ঙম্বা য়াবগী খুদোংচাবা লৈ।

*****