দিবেলপমেন্ত ওফ নোর্থ ইস্তর্ন রিজন(দোনর)গী কেন্দ্র মন্ত্রী, পি.এম.ও., পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দা. জিতেন্দ্রনা ৱাগী সেক্তরনা ৱাং-নোংপোক লমশিংদা আত্মনির্ভর ভারত অভিয়ান অসি ফগৎহনগনি অমসুং ভারতকী লল্লোন-ইতিক তৌবগী মরুওইবা গারী ওইবদা নত্তনা সব কন্তিনেন্ত অসিগীসু ওইগদৌরি হায়না ঙসি হায়খ্রে। দা. সিংহনা ভিদিও কনফরেন্সকী খুত্থাংদা পাংথোকপা য়েংশিন মীফম অমগী মতুংদা অৱাং-নোংপোক লমদা(এম.দোনর) অমসুং নোর্থ ইস্ত কাওন্সিল(এন.ই.সি.) শিলোংগী মকোকথোংবা ওফিসিএলশিংনা শরুক য়াবদা মসি য়েংশিনখিবনি। ৱা অসি কোবিদ-১৯গী মতুংদা শেন্মিৎলোন ফগৎন্নবগী মরু ওইবদা নত্তনা প্রধান মন্ত্রী শ্রী নরেন্দ্র মোদীগী ময়েক শেংবা খোল্লাও “ ভোকেল ফোর লোকেল”গীদমক্তা অনৌবা মোমেন্তম অমা ওইরগনি হাযনা মহাক্না ফোংদোকখি। ৱাখল লৈবা মওংদা মোদী সরকারনা ৱা অসিবু শৌগৎনবগী মরুওইবা অসিবু খংবিখি, মহাক্না মসিগী শেংলবা ৱাফম অসি ময়েক শেংনা এপ্রীল ১৬তা গৃহ মন্ত্রালয়না তোঙান-তোহানবা সেক্তরগী অকক্নবা থবকশিং অয়াবা পীরদুনা থবক ৱা থাবা, প্রোসেস তৌবগা মরি লৈনবা থবকশিং পাংথোক্নবগী অয়াবা পীখি।

দা. জিতেন্দ্রনা কোরোনাগী মতম অসিদা দোনর মন্ত্রালয়না লায়চৎনা ভারতপু চৈতেং ফংহন্দ্রিঙৈগী মমাংদগী হৌনা ই-ওফিসতগী ইহান হানবা ওইবা য়াবা ওইনা মপুং ওইনা থবক নিংথিজনা থবক তৌদুনা চাদা ১০০গী আওতপুৎ অসি তশেংনা ফংলকখিবা অসিদা অদুক্কী মতিক অপেনবা ফোংদোকখি। মহাক্না ২০১৯-২০গী মতমদা চাদা ১০০গী চাদি ফংনবগীদমক দোনর মন্ত্রালয়বু থাগৎপা ফোংদোকখি অমসুং কোবিদ-১৯ লান্থেংননবগীদমক ইনফ্রাস্ত্রকচরশিং শেমগৎপগীদমক অৱাং-নোংপোক্কী রাজ্যশিংনা মতেং পাংবগীদমক অমসুং এন.ই. রাজ্য অমসুং কেন্দ্র মন্ত্রালয়/বিভাগনা মতেং পাংলকপগী মথৌ তাবা তোঙান-তোঙানবা ৱাফমশিংদা তোঙান-তোঙানবা কেন্দ্র মন্ত্রালয়/বিভাগশিংনা খুৎশম্নদুনা থৌদাং লৌবগীদমক মন্ত্রালয় অসিনা হোৎনখিবশিং অদুবু শিংথাখি। অপনবা লৈতনা নেতৱর্ক ফগৎহনবগী মরুওইবদা অকনবা মীৎয়েং থম্লদুনা মফম অসিদা মরুওইনা হৌজিক থোক্লিবা থৌদোকসিগী মতমদা অপনবা য়াওদবা অৱাংবা স্পীদকী নেৎকী খুদোংচাবা ফংহনবা হেনগৎহন্নবগীদমক থবক অয়াম্বা লাইন মোদতগী পাংতোকখ্রে, মপুং পাবা সোসিও-ইকোনোমিক্কী ফীভম ফগৎহন্নবা মন্ত্রীনা দিপার্তমেন্ত ওফ তেলিকম্যুনিকেসন্স(দি.তি.)দা অপনবা লৈতবা অৱাংবা নেতকী খুদোংচাবা ফংহন্নবা তকশিনখ্রে।

মন্ত্রীনা নোর্থ-ইস্ত দিবেলপমেন্ত ফাইনান্স কোর্পোরেসন লিমিতেদ(এন.ই.দি.এফ.)পুসু অৱাং-নোংপোক লমশিংদা মফমদুগী হৈথোই-শিংথোইবশিং তেংবাংদুনা স্তার্ত-অপশিং শৌগৎপদা লৌরিবা থৌদাং অদুগীদমক থাগৎপা ফোংদোকখি। মসিনা অখন্নবা মওংদা মফমদুগী ওইবা আশা লৈরিবা এন্তরপ্রেন্যোরশিংদা মরুওইনা এম.এস.এম.ই.গী সেক্তরদা শৌগত্তুনা অমসুং ইনভেস্তমেন্ত ফংহন্দুনা পুক্নিং থৌগৎখি; মফম অদুদা ইরৈবাকসিগী অমদি মীরৈবাক্কী মরুপ ওইনবা লৈবাকশিংনা। দায়জিতেন্দ্রনা বোর্দর রোদস ওর্গনাইজেসনগী দাইরেক্তর জেনরেল লেফ্তেনেন্ত জেনরেল হর্পাল সিংহ অমসুং বোর্দর রোদস ওর্গনাইজেসন, বি.আর.ও.গী অতৈ মকোক থোংবা ওফিসিএলশিংগসু ৱারী শান্নখি অমসুং অৱাং-নোংপোক লমগা মরি লৈনবা হীরমশিংগী মতাংদসু ৱাফম থমখি।

দোনর মন্ত্রলয়গী সেক্রতরি দা.ইন্দর্জিৎ সিংহ, স্পিসিএল সেক্রতরি এস.ঐচ. ইন্দেবর পান্দে, এন.ই.সি.গী সেক্রতরি এস.ঐচ. মো,েস কে. চলাই অমসুং বিভাগ অসিগী অতৈ মকোক থোংবশিংনা ভিদিও কনফরেন্সকী থোংদা মীফম য়াওবা

*****