বহরাইচ (হুজুরপুর ব্লোক, নিবুহি কালা খুঙ্গং)গী চহি ২০ শুরবা সুরেশ কুমারনা মুম্বাই সহরদা হৈ মহি য়োনবা দুকান অমদা য়াওই। মহাক্কা লোয়ননা অতোপ্পা মাইগ্রেন্ত ৱার্করশিংনা মে, ২০২০গী অঙনবদা ত্রক অমা তোংদুনা নুমিৎ মঙানিগী খোংচৎকী মতুংদা ময়ুমদা হল্লকখি। সুরেশনা ময়ুম হেক য়ৌরকপগা, মফম অদুগী আশা চন্দ্রা প্রভানা মহাক্কা উন্নদুনা মহাক্কী অকুপা ৱারোলশিং লৌখৎখি। মহাক্না বহরাইচ জিলাগী রেপিদ রেস্পোন্স তীম (আর.আর.তি)দা তাক্তুনা সুরেশবু মশানা ময়ুমদা হোম ক্বারন্তিন তৌদুনা লৈনবা খঙহনখি। চন্দ্রা প্রভানা ইমুং মনুংগী মীওইশিং ভাব তান্দুনা অমসুং হোম ক্বারন্তিন মনুংদা করি করম্বা খোংথাংশিং লৌখৎকদগে হায়বা শন্দোকনা তাকখি। মহাক্না চাং নাইনা ফোলো অপ ভিসিৎশিং তৌখি অমসুং ইমুং মনুংগা পাও তোয়না ফাওনখি। মহাক্না মীৎনা শীংবা, পুক্নিং থৌগৎপা হৈবা অমসুং পীরিবা মতেং অদুনা সুরেশনা লাইওং উৎপা হৌরকপগা মহাকপু কোবিদ ক্যের ফেসিলিতি অমসু ওইরিবা ছিতোরা কম্ম্যূনিতি হেল্থ সেন্তরদা থম্বা ঙমখি। সুরেশকী ইমুং মনুংগী মীওইশিং অমসুং মহাক্কা লাকমিনখিবা মাইগ্রেন্তশিং অদু কোবিদ তেস্ত তৌবা চন্দ্রা প্রভানা হোৎনখি।

উত্তর প্রদেশকী খুঙ্গংশিংগী শক্তমশিং: আশানা কোবিদ-১৯গী মায়োক্তা লান্থেংনবদা মাংজিল থারি

লৈবাক অসিদা কোবিদ-১৯গী কেসশিং হেনগৎলকপা অমসুং হোৎস্পোৎ ওইরিবা মফমশিংদগী মশিং য়াম্লবা মাইগ্রেন্তশিং চংলকপা অসিগা লোয়ননা উত্তর প্রদেশ (য়ু.পী)গী খ্বাইদগী চাওবা খুদোংচাদবা অদুদি রিতর্নীশিংগী মথৌ তাবা হেল্থক্যেরশিং অমসুং মখোয়গী খুঙ্গংগী মীয়ামদা শন্দোকপা থিংবা অসিনা ওইখি। অৱাবা তানফম অসিদা স্তেৎ অসিগী কোবিদ-১৯গী মেনেজমেন্ত অসিবু মতেং পাংবদা আশংশিংনা মরু ওইবা থৌদাং অমা লৌখি।

অচৌবা খোংথাং ওইনা য়ু.পি.গী আশা লাখ ১.৬না চাওরাক্না মাইগেন্ত রিতর্নী লাখ ৩০.৪৩ তাঙ্কক অনি থোক্না ত্রেক তৌখি- অহানবদা লাখ ১১.২৪ অমসুং অনিশুবা তাঙ্কক্তা লাখ ১৯.১৯। মখোয়না কন্তেক্ত ত্রেসিং অমসুং কম্ম্যুনিতি লেবেল সর্বিলেন্সতা মতেং পাংখি। আশাশিংনা লাইওং লৈবা মীওই ৭৯৬৫ খঙদোকপা ঙম্বদা নত্তনা মখোয়গী হকচাংগী ফীভমসু চাং নাইনা য়েংশিনখি। মখোয়না রিতর্নী ২২৩২দগী সেম্পল লৌখৎখি মসিগী মনুংদা ২০৩না পোজিতিব ওইবগী কোবিদ হেল্থ ক্যের সর্ভিসশিংদা রিফর তৌখি। প্রাম প্রধানগী মখাদা খুঙ্গং পুম্নমক্তা নিগ্রানি সমিতিশিং (য়েংশিন্নবা কম্মিতি) শেমখি। সমিতিগী মীহুৎশিং/কম্ম্যুনিতি পেত্রোলশিংগী ভোলুন্তীয়রশিংনা আশাশিংগা লোয়ননা পাও ফাওনরি অমসুং খুঙ্গংগী মাইগ্রেন্তশিংগী অকুপ্পা ৱারোমশিং মখোয়দা পীদুনা মখোয়না মাইগ্রেন্তশিংগী ফোলো অপ তৌবদা মতেং পাংলি। চাং নাইনা শাপোন অমসুং ঈশিংনা খুৎ হাম্বা, মীয়াম তিনবা মফমশিংদা থোকপদা মাস্ক উপ্পগী কান্নবা, অমসুং তঙা্‌ইফদনা ফিজিকেল দিস্তেন্সিং তৌবা অসিগুম্বা ঙাকথোক্নবা পাম্বৈশিংগী মতাংদা মীয়ামবু খঙহনবদা আশাশিংনা অচৌবা থৌদাং অমা লৌরি। মখোয়না হোৎনজমন ওইনা, তঙাই ফবা অমসুং তঙাই ফদবা হেল্থক্যের সর্ভিসেসকী মতাংদা অমসুং মসি করম্না কৌগনি হায়বগী এৱের্নেস হেনগৎহনখ্রে। আশাশিংদা মাসকশিং অমসুং শাপোন/সেনিতাইজর অসিগুম্বা মখোয়না মথৌশিং চৎপদা শীজিন্নবা মথৌ তাবা প্রোতেক্তিব গিয়রশিং পীখ্রে।

অঙ্গনৱাতি সেন্তরশিং অমসুং প্রাইমরি স্কুলশিংদা পঞ্চায়তি রাজ বিভাগনা কম্ম্যুনিতি ক্বারন্তিন সেন্তরশিং শেমগৎপদা আশাশিংনা মতেং পাংখি। মখোয়না এৱের্নেস পীদুনা অমসুং ইন্সতোল তৌবদা মতেং পাংবগী খুত্থাংদা কম্ম্যুনিতিগী থাক্তা আরোগ্যা সেতু এপ অসি শীজিন্নহল্লি।

কোবিদ নত্তবা তঙাই ফদবা সর্ভিসশিংদা আশাশিংনা চাওনা মতেং পাংদুনা লাকখি। অয়ুশমান ভারত- হেল্থ এন্দ ৱেলনেস সেন্তরশিংদা, আশাশিংনা মীওই খুদিংমক্কী লাইন লেংবগী ইখৎপা,হাইপরতেন্সন, দাইবেতিস, কেন্সর মখল অহুম (ওরেল, ব্রেস্ত অমসুং সরবিকেল কেন্সরশিং), তি.বি. অমসুং লেপ্রোসিগুম্বা ক্রোনিক ওইবা লায়নাগী খুদোংথিবা য়েংশিনবা অমসুং স্ক্রীনিং তৌনবা থৌরাংবদা মতেং কয়া পাংলি। লোকদাউন অসিনা মরম ওইরগা হকথেংননা শোকহল্লবা রিপ্রদক্তিব মেতর্নেল নিওনেতেল এন্দ চাইল্দ হেল্থ (আর.এম.এন.সি.ঐচ.) সর্ভিসশিং পীবা অমসুং ফিজিকেল দিস্তেন্সিংগী মথৌ তাবা অদু থম্নবা হোৎনবদসু আশাশিং অসি শীজিন্নখি। মখোয়না হায়রিবা সর্ভিসশিং অসি ফংহন্নবা অমসুং মীয়ামনা মসি করম্না ফংগনি হায়বগী মতাংদসু মখোয়না এৱের্নেস পীখি।

লৈবাক অসিগী খুঙ্গং অমসুং সহরগী মফম অয়াম্বা শরুক্তা নেস্নেল হেল্থ মিসন্না আশা লাখ ১০ রোমদা মতেংশিং পাংলি। মসিদা ১/৬ (লাখ ১.৬৭)রোমদি উত্তর প্রদেশতগী ওইরি।

*****