স্কিল দিবেলপমেন্ত অমসুং ইন্ত্রপ্রিনরশিপ মন্ত্রালয়

স্কিল দিবেলপমেন্ত অসিনা আত্মানির্ভর ভারত অমসুং গরীব কল্যান রোজগার অভিয়ানগী মরু ওইবা ঙাক্লৌ ওইদুনা পাঙ্গল-থৌনা ওইগদৌরিবনি: দা. মহেন্দ্র নাথ পান্দে

য়ুমলোন্নরিবা লৈবাক্না ভারত্তা অকনবা লাম্বা অমা লৈরি হায়বা ময়েক শেংনা খঙগদৌরিবনি

Posted On: 29 JUN 2020 7:20PM by PIB Imphal

কেন্দ্রগী স্কিল দিবেলপমেন্ত অমসুং ইন্তরপ্রিনরশিপকী মন্ত্রী, দা. মহেন্দ্র নাথ পান্দেনা ঙসি ভারতকী ৱার্কফোর্সকী স্কিল্লিং, অপ-স্কিল্লিং অমসুং রি-স্কিল্লিং তৌবনা আত্মানিরভর ভারত অমসুং ইকাইখুম্নবদা মতিক চারবা প্রধান মন্ত্রী, শ্রী নরেন্দ্র মোদিনা লাউথোকখিবা, হন্দক্তা হৌদোকখিবা গরিবকল্যানরোজগারঅভিয়ানগী সরকারনা শাগৎলিবা মঙলান অসিবু মঙফাওনহনবদা মরু ওইবা থৌদাং লৌগদৌরিবনি হায়না মহাক্না হায়খি।

সরকারনা প্রধান মন্ত্রী কোশলৱিকাসয়োজনা (পি.এম.কে.ভি.ৱাই.)গী মথংগী তাঙ্কক্কী অয়াবা অথুবা মতমদা ফংলগনি, হায়রিবা অসিনা দিমান্দগী মতুং ইন্না স্কিল দিবেলপমেন্ত তৌবা, দিজিতেল তেক্নোলোজী অমসুং ইন্দস্ত্রী ৪.০দা মরী লৈনবা স্কিলশিংদা অহেনবা মিৎয়েং থমগনি। খ্বাইদগী মরু ওইবা স্কিল ত্রেনিং স্কীম (পি.এম.কে.ভি.ৱাই.)গী হৌজিক্কী শরুক অদু লোইশিনগদৌরে অমসুং মসিনা হৌজিক ফাওবদা লৈবাক অসিদা নহা লাখ ৭৩ ময়া নক্না ত্রেন তৌখ্রে, হায়না কেন্দ্রগী স্কিল দিবেলপমেন্ত অমসুং ইন্তর্প্রনরশিপকী মন্ত্রী, দা. মহেন্দ্র নাথ পান্দেনা ঙসি এ.এস.এস.ও.সি.ঐচ.এ.এম.গী ৱেবিনার অমদা হায়খি।

https://static.pib.gov.in/WriteReadData/userfiles/image/image001CJIQ.jpg

“ঐখোয়না হৌজিক লৈরিবা ফিভম অসিদা থবক ফংহন্নবা মিৎয়েং থমগদবনি অমসুং মরম অদুনা ঐখোয়না পি.এম.কে.ভি.ৱাই.গী মথংগী তাঙ্কক্তা দিমান্দদা য়ুমফম ওইবা স্কিল্লিং তৌবদা মিৎয়েং থমগনি, হায়রিবা অসিদা ঐখোয়না অখ্ন্নবা মওং-মতৌ খরা খুদম ওইনা জিলাগী স্কিল কমিতীশিং মপাঙ্গল কনখৎহনবা অমসুং লোকেল এমপ্লোইমেন্ত ওফিসশিংগা শম্নহনবনাচিংবা অসি হাপচিনখ্রে। জিলাগী কমিস্নর অমসুং স্তেত স্কিল দিবেলপমেন্ত মিশনশিং (এস.এস.দি.এম.শিং) অসিসু মরু ওইবা থৌদাং লৌগদবা লৈ অমসুং দিমান্দ সপ্লাইগী লৈরিবা অহাংবা অসিবু মেনশিনবা ঙম্নবা অমসুং মশা-মশাগী রাজ্যদা হনখ্রবা মাইগ্রেন্ত লেবরদা মরী লৈনবা ত্রেনিংশিং পীনবা ইন্দস্ত্রীশিংগা শম্নহনগনি, ” হায়না দা. পান্দেনা ‘স্কিল দিবেলপমেন্ত পোস্ত কোবিদ-১৯’ হায়বা ৱেবিনার অমদা ৱা ঙাংবা মতমদা হায়খি। মহাক্না হায়খি মদুদি করিগুম্বা মথৌ তারবদি সোসিয়েল অমসুং ফিজিকেল দিস্তেন্সিংগী গাইদলাইনশিং ঙাক্না চৎনবা শিফ ২-৩দা পি.এম.কে.ভি.ৱাই.গী সেন্তরশিং অমসুং আই.তি.আই.শিং (ইন্দস্ত্রীয়েল ত্রেনিং ইন্সতিত্যুৎশিং) মথৌ তৌহন্নবা সরকারনা অয়াবা পীগনি।

দা.পান্দেনা ইন্দস্ত্রীদা মখোয়গী ওপরেশনশিং অদু অচৌবা সিতীশিংদগী অপিকপা জিলাশিং অমসুং খুঙ্গংশিংদা শন্দোক্নবা অমসুং ভারতকী খুঙ্গংগী লমশিংদা শিনবা থুংনা নহাশিংদা অপস্কিল্লিং অমসুং রি-স্কিল্লিং তৌবদা ইনভেস্ত তৌনবা থৌগৎখ্রে, হায়রিবা অসিনা ইকাইখুম্নবদা মতিক চারবা প্রধান মন্ত্রী, শ্রী নরেন্দ্র মোদিনা হৌদোকখিবা আত্মানিরভর ভারত অভিয়ানগী মাই পাকপগী মাইকৈদা য়াম্না চাউরবা খোংথাং অমা থাংবদা মতেং পাংগনি। “ঐখোয়না লনাইগী ওইবা সেক্তরগী মীয়ামদা চোংথোকপীরক্না অমসুং ত্রেনিং পীবিনবা পুক্নীং চিংশিনজরি অমসুং লমদম অসিগী ওইবা পোত্থোকশিংগীদমক্তা ভোকেল ওইবদা অমসুং লমদম অসিগী ইকোনোমীদা চাউখৎপা পুরক্নবা নহাশিংবু এমপাৱর তৌরিবা সার্বিসশিংদা মিৎয়েং থম্নগদবনি।”

“মাইগ্রেন্ত লেবরশিংদা হেন্না নুংশিবীনবা, মখোয়গী কাউন্সেল্লিং তৌবীনবা, মখোয়বু ইকাইখুম্নবীনবা অমসুং হল্লক্তুনা অমসুং থবক শুবা পাম্বশিংদা খুদোংচাবা পীবীনবা ইন্দস্ত্রীদা ঐনা আপীল তৌরি” হায়না মহাক্না মখা তাখি।

“ঐখোয়গী য়ুমলোন্নবা লৈবাক্না মখোয়গী অশোয়বা, মুদুনা লৈবা দাকফম অদুবু মুত্থৎনবা হোৎনরি অমসুং পাকথোক-চাউথোরক্তুনা লম লৌশিনবগী পোলিসীগী থবক পাইখৎলক্লি, অদুবু মখোয়সু হন্দক্কী মতাংসিদদি অকনবা লাম্বা অমা থেংনরে হায়বা খঙবা ঙম্লে অমসুং ঐখোয়গী লৈবাক মীয়াম্না পুন্না লিংজেল মান্ননা লেপমিন্নদুনা লৈবনা মখোয়না হায়রিবা অসি মখাতানা ময়েক শেংনা খঙবা ঙম্লগনি ” হায়না দা.পান্দেনা হায়খি।

স্কিল দিবেলপমেন্ত অমসুং ইন্তর্প্রনরশিপকী থৌরাং কয়া অমগী মতাংদা ৱা ঙাংলদুনা, স্কিল দিবেলপমেন্ত অমসুং ইন্তর্প্রনরশিপকী মন্ত্রী, দা. মহেন্দ্র নাথ পান্দেনা হায়খি, “ঐখোয়না স্কিল মেনেজমেন্ত ইনফোর্মেশন সীস্তেমগী মতাংদসু থবক পাইখৎলি, মসিনা অপুনবা স্কিল ইকোসীস্তেম অসিবু কমন ৱেব পোর্তেল অমদা পুরক্কনি অমসুং হৈ-শিংলবা ৱার্কফোর্সকী দিমান্দ অমসুং সপ্লাইগীদমক্তা পুল্লপ পুন্সিহনবগী থবক তৌগনি।”

“ঐখোয়না অপ্রেন্তিসশিপ্পু মখাতানা লাইহন্নবা থৌরাং তৌরি, হায়রিবা অসি স্কিল ত্রেনিংগী ওন-দ-জোব মোদেলদনি, মসিনা অপ্রেন্তিসশিং লৌশিনবদা ইন্দস্ত্রীশিংনা নীংজিং-মাংজিং তৌরোই অমসুং মখোয়না মসি পামজনা তৌগনি। ঐখোয়না মসিগী মতাংদা ইন্দস্ত্রীশিংদগী অনৌবা ৱাখল্লোনগীদমক পুক্নীং চিংশিনগনি, ঐখোয়গী প্রোপোজলদি মসিগী মতাংদা মমাংদা খন্না নৈনখিবা অদুগী মতুং ইন্না থবক তৌখৎকনি।” হায়না মহাক্না খঙহল্লকখি।

মন্ত্রীনা হায়খি মদুদি মহাক্কী মন্ত্রালয় অসিনা লৈবাক শিনবা থুংবদা লৈরিবা হৈ-শিংলবা মীওইশিংগী দেতা অমা শেমগৎপদা কেন্দ্রগী অতোপ্পা মন্ত্রালয়শিং অমসুং রাজ্য সরকারশিংগা লৌইননা অনকপা মরী থমদুনা থবক তৌরি, মসিনা ক্লিক অমদা মখোয়শিং অসি ফংবা ঙমহনগদৌরিবনি। “লৈবাক অসিদা লৈরিবা হৈ-শিংলবা নহাশিংগী দেতাবেজ অসি রিভর্স মাইগ্রেশনগী শরুক অমা ওইনা মপান লমদগী লাকপা মীওইশিংগী রেজিস্তর তৌরবা দেতাসু ওইগনি। এম.এস.দি.ই.গী ইমপ্লিমেন্তেশন আর্ম ওইরিবা এন.এস.দি.সি. না ‘স্বাদেস’ কৌবা ইফেক্তিব ওইবা এপ্লিকেশন অমা পুথোরকখ্রে মসিদা এক্সতর্নেল এফিয়র্সকী মন্ত্রালয় অমসুং সিভিল এভিয়েশনগী মন্ত্রালয় অনিমক্নসু মসিগী ই-পাউশিং খোমজিন্দুনা পুনশিনবদা অমসুং মখোয়গী স্কিলশিং অদুগী মতুং ইন্না ৱার্কফোর্স অদু মচা-খায়না খন্দোকপদা মতেং পাংলি, মসিনা তুংদা লৈবাক অসিগী মনুংদা থবক ফংহনবগী খুদোংচাবশিং অদুগা শম্নহনহনবা য়াগনি অমসুং মসিনা মখোয়গী পর্সোনেলদা অমসুং লৈবাক অসিগী অপুনবগী ওইবা চাউখৎপদা হেনগৎলক্কনি।”

মহাক্না হায়খি মদুদি স্বদেস এপ অসিগী খুত্থাংদা চাউরাক্না মীওই ২০,৮০০ শম্নখ্রে। “তুংদা লাক্কদবা মতমশিংদা, ঐখোয়না মখোয়গী স্কিলঅসি অচৌবা থাক্তা শজিন্ননবা থৌরাং তৌরি অমসুং মখোয়গী স্কিলশিং অসিবু নীথিজনা শিজিন্নবদা অমসুং ঈখোয়না খুমাং চাউশিনবগী মতুং ইন্না মখোয়শিং অসিবু ত্রেনরশিং ওইনা থাক ৱাংখৎহনবদা ইন্দস্ত্রীগী মতেংসু পাম্লি।”

দা. পান্দেনা হায়খি মদুদি স্কিল দিবেলপমেন্তকী মতাংদা ইন্দস্ত্রীগী লৌরিবা থৌদাং অমসুং মথৌশিং অদু হৌজিক লৈরিবা ফিভমা অসিগী মনুংদা য়াম্না হেনগৎলকখ্রে, মসিদা সরকারনা ফাওবা মখোয়গী ৱাখল্লোনশিং অদু খঙহল্লি অমসুং লনাইগী ওইবা সেক্তরশিংগা পুন্দুনা থবক তৌরি অমসুং অসিগুম্বা মতম অসিদদি মীপুম খুদিংমক্কী হেন্না চেকশিল্লিবা অমসুং হেন্না ফরবা হিংনবগী লম্বি অমা ফংনবগীদমক্তা লৈবাক অসিগী প্রজাশিংগীদমক্তা অপুনবগী ওইবা সোল্যুশন অমা পুরক্নবা মতম ওইরে।

“মালেমগী ওইবা কোবিদ-১৯গী লাইচৎ অসিগী মরক্সিদা ঐখোয়না অনৌবা পাম্বৈশিংগা লোইননা মমাং চৎখৎপা মথৌ তাই, মরু ওইনা ইন্দস্ত্রীগী ওইবা সেক্তরশিংদা, বিজনেস তৌবগী মতাংদা লৈরিবা ৱাখল্লোন অমসুং থাংজিল্লিবা খোংথাং পুম্নমক্কী মতাংদা অচৌবা অহোংবা অমা পুরকপা মথৌ তাই মরমদি ঐখোয়না দিজিতেল তেক্নোলোজী শিজিন্নবগী মতাংদা হেন্না মরু ওইনা লৌবা মথৌ তাই, ” হায়না মন্ত্রীনা হায়খি।

এ.এস.এস.ও.সি.ঐচ.এ.এম.গী প্রসিদেন্ত, দা. নিরঞ্জন হিরানন্দিনিনা ৱেবিনার অদু হৌদোকপা ওইনা মহাক্কী ৱা ঙাংবদা হায়খি, “ইন্দস্ত্রীনা লান অসিদা লান্থেংনবদা পুন্না শরুক য়ামিন্নদুনা সরকারগা লোইননা তুংদ-মাংদা ওইদুনা হরাও হরাওনা থবক তৌগনি অমসুং ইকাইখুম্নবদা মতিক চারবা প্রধান মন্ত্রীগী মহাক্কী অনৌবা আত্মানির্ভর ভারতকী মঙলান অদু মতেং পাংগনি”

এ.এস.এস.ও.সি.ঐচ.এ.এম. নেস্নেল কাউন্সিল ওন স্কিল দিবেলপমেন্তগী কো-চিয়রমেন, শ্রী মনিন্দর নায়রনা হায়খি, “কোবিদ-১৯গী মতুংদা, থবক তৌবগী অনৌবা শেক্তরশিং অমসুং এভেন্যুশিং থোরক্লগনি, মসিদা স্কিলশিংগী অনৌবা থাকশিং মথৌ তাগনি, মরম অদুনা সরকার অমসুং ইন্দস্ত্রীনা তুংদা ওইরক্কদবশিং অদু খঙদোকপা অমসুং ঙসিমক মখোয়শিং অদুগীদমক্তা শেম-শাদুনা লৈবা হায়বসি য়াম্না মরু ওই। ”

ৱেবিনার অদুদা ৱা ঙাংখিবশিং অদুগী মরক্তা – এ.এস.এস.ও.সি.ঐচ.এ.এম. নেস্নেল কাউন্সিল ওন স্কিল দিবেলপমেন্তগী কো-চিয়র, শুকুমারি দিব্যা জেন, এপরেল ত্রেনিং অমসুং দিজাইন সেন্তরগী দাইরেক্তর জেনরেল দা. দার্লী কোশী; ইলেক্ত্রোনিক সেক্তর স্কিল কাউন্সিলগী সি.ই.ও. শ্রী এন.কে. মোহাপাত্তরা অমসুং স্মার্তস্কিলস বিৎস অমসুং বাইৎস (পি.) লিমিতেদকী এম.দি. অমসুং সি.ই.ও. শ্রী পাৱন আগ্রৱাল য়াওখি।

*****

 



(Release ID: 1635267) Visitor Counter : 9