দেখো অপনা দেশ ৱেবিনার সেরিজকী মখা তাবা ওইনা তুরিজম মন্ত্রালয়না কোবিদকী মনুংদা ত্রাবেল অমসুং তুরিজম তেক্ত কায়দনা অমসুং ভাব তানা অনলোক তৌবগী পরিংগী খ্বাইদগী নৌবা সেসন অমা জুন ২৭, ২০২০দা লান্থোকখ্রে। দেখো অপনা দেশ সেরিজ অসি এক ভারত শ্রেথা ভারতকী মখাদা লৈবা ভারতকী ইনাক খুল্লবা দাইবর্সিতীবু মীয়ামদা খংহন্নবা হোৎনবগী থৌওং অমনি।

৩৯শুবা দেখো অপনা দেশ ৱেবিনার সেরিজকী সেসন অসি তুরিজম মন্ত্রালয়গী এ.দি.জি. মিস রুপিন্দর ব্রারনা মোদরেৎ তৌখি অমসুং পব্লিক হেলথ ফাউন্দেসন ওফ ইন্দিয়াগী দাইরেক্তর দাঃ সন্দীপ ভল্লানা লান্থোকখি অমসুং কোচিগী অম্রিতা ইন্সতিত্যুৎ ওফ মেদিকেল রিসর্চ এন্দ সাইন্সস রিসর্চ সেন্তরগী চীফ মেদিকেল সুপ্রিন্তেন্দেন্ত দাঃ সঞ্জীব কাউমার সিংহ, পব্লিক হেলথ ফাউন্দেসন ওফ ইন্দিয়াগী প্রোগ্রাম ওফিসার দাঃ পারিধি মোদীনা শরুক য়ারিবা মীয়ামদা কোবিদ মনুংদা তেক্ত কায়দনা অমসুং ভাব তানা চত্থোক চৎশিন তৌবগী মতাংদা ৱাফম খরা ফোংদোকখি।

ভারত য়াওনা মালেমগী তোঙান তোঙানবা লৈবাকশিংনা ত্রাবেল অমসুং তুরিজম য়াওনা ললোন ইতিক অমসুং ইন্দস্ত্রীশিং তপ্না তপ্না হাংদোক্নরক্লিবা অসিদা মহৌশাগী পুন্সি অসি হান্নগুম হঞ্জিল্লকপগীদি কন্ননিংঙাই ওইবা য়াম্না চাউবা ৱাফম অমা ওইরি। অনৌবা মহৌশা অসিদা ইন্দস্ত্রী খুদিংমক্না মখোয়গী শিন্মীশিং অমসুং ক্লাইন্তশিংবু লায়না পকপা থিংনবা চেকশিন থৌরাং কয়া অমা লৌবগী তঙাইফদ্রবা অচৌবা থৌদাং অমা লৌবা তাই। সাইন্তিফি ওইবা ই-পাউ কয়া অমা অচম্বা ৱাহৈ ৱাতাদা খন্দোক্তুনা থম্বতা তোকঙা অমসুং অরানবা পাউ কয়া অমা থাজরোইদবনি। মসিগী মতাং অসিদা পব্লিক হেলথ ফাউন্দেসন ওফ ইন্দিয়ানা শরুক য়ারিবা মীওইশিংদা কোবিদকী মতম অসিগী মনুংদা ওফিস/থবক শুফমশিং হন্না হাংদোকপদা লৌগদবা চেকশিন থৌরাংশিং অমসুং মখোয়গী স্তাফশিং, স্তাফশিংগী ইমুং-মনুংশিং অমসুং ক্লাইন্তশিংশু তেক্ত কায়দনা লৈহন্নবা ই-পাউ কয়া পীনবা পান্দম অমা থম্লি।

সেসন অসি মালেম শিনবা থুংনা হেলথকেয়রদা মমাংদা অমুক্তা থোকখিদ্রিবা অকায়বশিং অমসুং মসিনা লৈবাক অমা চাউখৎপদা থিন্থহল্লিবা কোনিদ-১৯বু মশক তাক্লদুনা হৌদোকখি। লায়না অসি মতম শাংনা লৈখিগদবা অসিনা পুন্সিগী হীরম কয়া অমা অনৌবা মওং ওইহনবতা নত্তনা ওইরক্কদৌরিবা অনৌবা মহৌশা অসিদা ওইগদৌরিবা মরু ওইবা থৌদাং খুদিংশু অহোংবা অমা লাক্লগনি।

ভারত্তা নোংম নোংমগী কেস মশিং হেনগৎচরবশু নাকল অমরোমদা কান্নবা শক্তম অমদি উবা ফংই, হায়বদি ভারতকী নাবা ফগৎপগী চাং অসি ৫৮.২%নি। রাজ্য কয়া অমনা লায়চৎ অসি থেংননবা অনৌবা মওং কয়া হৌদোক্নরক্লি অমসুং মসিসু ঐখোয়গী লৈবাক অসিগী কান্নবা নাকল অমনি। মতম অসি লায়চৎ অসিগী মতাংদা খংবগী নত্ত্রগা তম্বগী মতম্নি অমসুং হৌজিক্কী ওইনা অকিবদগী থোক্লকপা হায়বসি ঐখোয়গী পান্দম ওইগদবনি।

মখা তাবা ওইনা, সেসন অসিনা লায়চৎ অসিগী অচুম্বা ৱারোলশিং, মশিং অমসুং চেকশিন থৌরাং কয়া অমা মীয়াম মাংদা পুথোকখি। কোবিদ কেসকী ৮০%দি এসিম্পতোমেতিক ওই, মরম অদুনা লায়চৎসিগী খ্বাইদগী কান্নবা হিদাক্তি ঙাকথোক্নবা হোৎনবি হায়নসু পনখি। থৌরম লান্থোক্লিবা মীওইনা লায়না শন্দোকপা অসি মাস্ক উপ্পনা নোংমদা ৩% কনবা ঙম্মি অমসুং হেলথ কেয়রগী থৌমীশিংনা এন. ৯৫ অমসুং প্লাই ৩গী মাস্ক শিজিন্নগদবনি অমসুং অচম্বা মীয়াম্না নিংথিনা শুদোক্তুনা কংহল্লবা লায়র অনিগী ফীগী মাস্ক শিজিন্নবা য়াই হায়খি। হৌজিক কৈথেলদা মখল কয়াগী হেন্দ সেনিতাইজর ফংলে অমসুং খ্বাইদগী চান্নবা খনগে হায়রবদি সেনিতাইজরদা য়াওরিবা অল্কোহোলগী চাং য়েংদুনা খনবা য়াগনি হায়না মহাক্না মখা তানা হায়খি।

সেসন অসিনা কোবিদকা মরী লৈনবা তোকঙা খরসু মীয়াম মাংদা পুথোকখি। মখোয়শিং অদুদি য়ুনা কোরোনা হাৎপা ঙম্মি, থর্মেল স্কেনিং তৌবসি কান্নদে, ব্লীচ কপথোকপসিনা ঙাকথোকপা ঙমগনি, সেকেন্দ ১০ নিংশা হোনবা থিংবা, অশাবা মফমদা কোবিদ লৈবা ঙমদে হায়বনচিংবনি।

সেসন অসিদা এয়র্পোর্ত, বস অমসুং ত্রান্সপোর্তকী য়েংশিনবশিং, হোস্পিতাল চলায়বগী, চানবা য়োম্বগী, ইশাগী হাইজিনগী, শেংদোক শেংজিন তৌবগী চৎন-কাংলোনশিং, চাবা থকপগী কাংলোনশিংগী মতাংদা ইনগদবা অমসুং ইল্লোইদবশিং পুথোকখি। মসিগা লোয়ননা ৱাখলগী হকশেলগী ওইনা মীয়ামগা পাউ ফাওনবা, য়োগ অমসুং মেদিতেসন তৌবা, ‘ঐগী মতম অমসুং ঐখোয়গী মতম’ লেনবা, তেংবাং পোৎ-চৈ পীথোকপা, ৱাৎসএপকী অরানবা পাউশিংদগী লাপ্না লৈবগী থৌওং ইন্নবা হায়খি। মসিগী মথক্তা সেসন অসিনা তুরিজম্না লৈবাক্কী শেন্মিৎলোন্দা লৌরিবা থৌদাং, মসিনা মীয়ামদা থবক পীবা অমসুং লৈবাক অসি চাউখৎনবা তেংবাংলিবা কয়াবু শন্দোক্না তাকখি।

ৱেবিনার অসিনা ভারতনা লৈবাক অমা ওইনা কোবিদ-১৯গা নিংথিনা লান্থেংনরি হায়দুনা লোয়শিনখি। সরকারনা য়েংশিনগদবা মীশিং অসি য়াম্না য়াম্বা ওইবনা মীয়াম খুদিংমক্না মশানা ভাব তাদুনা সরকারনা পীরিবা গাইদলাইনশিং, চেকশিনগদবা থবকশিং, পাখত্তবা অমসুং অকোয়বদা লৈবা মীয়ামগা পাউ ফাওনবনচিংবা থৌওং কয়া অসি ইন্দুনা সরকারগা মতেং পাংনদুনা খুৎশম্ননা চৎমিন্নবগী তঙাইফদবা লৈ।

ৱেবিনার সেসনশিং অসি মখাদা পীরিবা লিঙ্কশিং অসিদা হৌজিক য়েংবা য়াগনিঃ

https://www.youtube.com/channel/UCbzIbBmMvtvH7d6Zo_ZEHDA/featured

http://tourism.gov.in/dekho-apna-desh-webinar-ministry-tourism

https://www.incredibleindia.org/content/incredible-india-v2/en/events/dekho-apna-desh.html

ৱেবিনার সেসনশিং অসি ভারত সরকারগী তুরিজম মন্ত্রালয়গী সোসিএল মীদিয়া হেন্দল খুদিংমক্তা ফংগনি।

ৱেবিনার অসিগী মথংগী ইপিসোদ অসি জুলাই ৪, ২০২০ য়ুমশকৈশা নুমিৎকী অয়ুম্মী পুং ১১ তাবা মতমদা ‘মোতোরসাইকল থৌবী নুপী’ হায়না মিংথোন্দুনা পাংথোক্কনি।