ভারত সরকারগী এগ্রিকলচর কোওপরেসন অমসুং ফার্মরস’ ৱেলফিবর বিভাগনা জুন ২০২০গী ২৫ অমসুং ২৬তা ৱেবিনার অনি পাঙথোকখ্রে – “ভারতকী লৌউ-শিংউদা ইতিহাসিক ওইরবা অওনবা পুরকপা- এগ্রি এন্তর্প্রাইজতা ইনবেসমেন্তগী খুদোংচাবা হেনগৎলকপা” গী হীরম অসিদা অহানবা ৱেনিনার ওইখি, অনিশুবা ৱেবিনারনা “এগ্রিগী অওনবশিংদা অনৌবা আশা- কান্নগদবা পোলিসিদা শিন্দোকপা: পোলিসি শেম্লিবগী ৱাখল্লোন”দা খন্না নৈনখি। ৱেবিনারশিং অসিদা ভারত সরকারগী লৌউ-শিংউ অমসুং লোমীগী য়াইফ থৌরাংগী সেক্রেতরী শ্রী সঞ্জে অগরৱাল, এনিমেল হসবেন্দরী অমসুং দাইরীয়িংগী সেক্রেতরী শ্রী অতুল চতুর্ভেদি, ফিশরিসকী সেক্রেতরী দোক্তর রাজীব রঞ্জন অমসুং ফুদ প্রোসেসিংগী সেক্রেতরী শ্রীমতী পুশপা সুব্রাহমনয়মনা ৱা ঙাংখি।

ৱেবিনারশিংদা ৱা ঙাংলদুনা, লৌউ-শিংউ অমসুং লৌমীশিংগী য়াইফ থৌরাংগী সেক্রেতরী, শ্রী সঞ্জে অগরৱালনা কোবিদ-১৯ লায়চৎনা থোকহল্লিবা খুদোংচাদবগী মনুংদা লৌউ-শিংউগী লমদা অমসুং লৌমীশিংগী য়াইফ থৌরাংগীদমক্তা প্রধান মন্ত্রী শ্রী নরেন্দ্রা মোদীগী লুচিং মখাদা ভারত সরকারনা লৌখৎলিবা তুংলমচৎকী ওইবা অনৌবা খোংথাংশিং অসি থাগৎখি। কালেনগী মহৈ মরোং হুনবদা কোনশিনবা লম অসি মমাং চহিদা হেক্তর লাখ ১৫৪ ওইখিবা অদুগা চাংদম্নবদা চহি অসিদা হেক্তর লাখ ৩১৬ ওইরি অমসুং হৌখিবা চহি মঙা অসিদা চাংচৎ ওইনা লাখ ১৮৭ ওইখিবা মসি য়েংলুরবদি অৱাবা তারিবা তানফম অসিদা ভারতকী লৌমীশিংনা তৌবা ঙম্বা অমসুং ইন্দস্ত্রীনা হোৎনবা অদু উবা ফংলি।

ভারতনা লৌউ-শিংউগী লমদগী কান্নবা কয়া অমা ফংলি মসিনা জি.পি.দি.দা ১৫% শরুক তম্লি অমসুং লৈরিবা মীশিংগী ৫০% হেনবদা হিংনবা পাম্বৈ ফংহল্লি হায়না শ্রী সঞ্জে অগরৱালনা ফোঙদোকখি। লৈবাক অসি এগ্রোকেমিকেলশিং খ্বাইদগী য়াম্না পুথোকপদা মরিশুবদা লৈ, মালেমগী লাইফস্তোক অসিগী ৩১% লৈবাক অসিদা লৈদুনা লাইফস্তোক খ্বাইদগী য়াম্না লৈবা ওইরি অমসুং ঈথৈ লৌখোংগী মখাদা লমগী শরুক খ্বাইদগী চাওনা লৈবা ওইরি। অদুম ওইনমক বারকতা ফুদ প্রোসেসিং তৌবা অসি ১০%গী মখাদা লৈ মসি ২৫%দা হেনগৎমনা পান্দম থম্লি। অফবা হকশেলদা কান্নবা পীবা অমসুং প্রোসেস তৌরবা চিঞ্জাক পাম্নবা হেনগৎলক্লি। মালেমগী ওর্গনিক্কী কৈথেল অসি চহিদা ১২% হেনগৎলক্লি। লৌমীশিংগী পোত্থোক্কী য়োন্নবা মফমশিং ফগৎহনবা অমসুং অথিংবা থম্বগী আইনশিং কোমথোক্তুনা অফবা এগ্রি ইকোসিস্তেম অমা শেমগৎপা অসিদা সরকারনা মরু ওইনা মীৎয়েং থম্লি, মসিগীদমক অনৌবা ওর্দিনান্স অহুম হন্দক্তা লাউথোকখি হায়না মহাক্না অমুক হন্না থমখি। এগ্রি ইকোসিস্তেম অসি মখল কয়াগী স্কিমশিং খুদম ওইনা লৌ লোক্লবা মতুংগী ইনফ্রাস্ত্রকচরগী লুপা কোতি লাখ ১গী এগ্রি ইনফ্রা ফন্দ, এফ.পি.ও. ১০০০০গী স্কিম, কে.সি.সি. হৌজিক ফাওবা লৈতবা লৌমী মিলিয়ন ১৫ থিদোকপগী অখন্নবা দ্রাইব, অমসুং দিজিতেলগী এগ্রি-স্তেক অমা শেমগৎপনা ওনলাইনগী কৈথেল মফমশিং অমসুং স্মার্ত এগ্রিকলচরগী তৌবা ঙম্নবা মরু ওইগনি। লৌউ-শিংউ অমসুং লৌমীগী য়াইফ থৌরাংগী সেক্রেতরীনা ইনকম হেনগৎনবা অমসুং পুন্সি মহিং ফগৎনবা, লৌউ শিংউ অসি ইনবেসমেন্তগী খুদোংচাবা হেন্না লাক্নবা অমসুং ভারত অসি মালেমগী "চিঞ্জাক পুথোকফম" ওইবা ঙম্নবগা লোয়ননা লৌমীশিংবু ওন্তপ্রিনোর ওন্থোকনবা ;অত্মানির্বভার এগ্রিকলচর’গী আশাগী মংলান অদু খঙহনখি।

লৌমীশিংনা শা-ঙা লোইবা অসিবু এ.তি.এম. মেছিনগা চাংদমনরদুনা এনিলেম হসবেন্দ্রী অমসুং দাইয়রিংগী সেক্রেতরী শ্রী অতুল চতুরবেদিনা হায় রিতেলর অমগী ওইনা শঙ্গোমগুম্না থুনা শিৎপা অতোপ্পা পোত্থোক লৈতে। অদুমক ওইনা ভারততা অঙ্গোম শীজিন্নবগী পর কেপিতা অসি য়ু.এস. অমসুং য়ুরোপকী নোংমদা ৩৫০০-৭০০ জি.এম.এস. ওইবা অসিগা চাংদম্নবদা ভারতনা ৩৯৪ জি.এম.এস. খক্তা ওইরি। দাইয়রি সেক্তরদা হৌজিক লৈরিবা এম.তি. তোন ,ইলিয়ন ১৫৮ ওইবদগী লাক্লিবা চহি মঙা অসিদা এম.তি. তোন মিলিয়ন ২৯০দা হেনগৎহন্নবা পান্দম থম্লি। শঙ্গোম প্রোসেসিং তৌবগী ওর্গনাইজ সেক্তরগী সিয়র অসি হৌজিক ৩৫% ওইবদগী ৫০%দা হেনগৎনবা পান্দম থম্লি।

শ্রী চতুরবেদিনা হায় ভারত সরকারনা এনিমেল হসবেন্দ্রী সেক্তর হেনগৎনবা মখল কয়াগী খোংথাংশিং লৌখৎলি। মসিদা য়াওরিবশিং অদুদি শা-ঙাশিং লায়না তীন্না চেন্দনবা খোংথাং ওইনা চহি অমদা ভেক্সিন বিলিয়ন অমা কাপথোক্তুনা অতোপ্পা লৈবাকশিংদগী খ্বাইদগী চাওবা এফ.এম.দি. ওইরি; পশু আধারগী খুথাংদা শা মখল ৫গী এনিমেল তেগীং তৌদুনা লাক্লিবা চহি ১.৫ অসিদা দিজিতেল প্লেৎফোর্মদা মখোয়গী পরেন্তেক, ব্রীদ অমসুং প্রদক্তিবিতি অসি মেপ্পিং তৌনবা শা কোতি ৫৭না অখন্নবা আই.দি. পীরগনি; আর্তিফিসিএল ইন্সেমিনেসন, আই.ভি.এফ. অমসুং সরোগেসিগী খুত্থাংদা শাশিং মচা পোকপা হেনগৎহনবা;অমসুং শা-ঙাশিংগী হেন্না ফবা চীঞ্জাক পুথোক্নবা খুঙ্গংগী ওন্তপ্রিনোরশিং থোকহল্লক্নবা পান্দম থম্লি। ২০১৮দা দাইরি ইনফ্রা দেবেলপমেন্ত ফন্দ অমসুং থা অসিদা এনিমেল হসবেন্দরী ইনফ্রা দেবেলপমেন্ত ফন্দগুম্বা মখল কয়াগী শেন্থংশিং লাউথোকখি।

ফিসরিস অসিবু আশা লৈবা সেক্তর অমনি হায়না হায়রদুনা, ফিসরিসকী সেক্রেতরী দোক্তর রাজীব রঞ্জননা হায়খি মদুদি ২০১৪-১৪ফগী ২০১৮-১৯ ফাওবদা, ফিসরিসসেক্তর অসি ১০.৮৭% ফগৎখ্রে, ঙা পুথোকপা ৭.৫৩%, ফিসরিস এক্সপোর্তশিং ৯.৭১ৎদা হেনগৎখ্রে অমসুং ভারতকী মালেমগী ওইবা ঙা পুথোকপগী সিবর অসি ৭.৭৩%দা হেনগৎখ্রে। মালেমগী ওইনা ভারত অসি এক্বাকলচর খ্বাইদগী য়াম্না পুথোকপাদা হৌজিক ২শুবা ওইরি অমসুং খ্বাইদগী চাওবা সী ফুদ এক্সপোর্তরদা ৪শুবা ওইরি। ফিসরিসকী সেক্তরগী য়ু.এস.পি.শিং অদুদি মখোয়গী গ্রোথ রেৎ ৱাংবা, মখল মখা কয়াগী রিসোর্সশিং, ইনবেসমেন্ত নেম্বা লোয়ননা রিতর্নস ৱাংবা, জেস্তেসনগী মতম তেনবা, তেক্নিকেলগী ওইবা বেকঅপ চাওনা লৈবা, কঞ্জুমর বেজ চাওবা অমসুং এক্সপোর্তকী খুদোংচাবা লৈবা।

দোক্তর রাজীব রঞ্জননা ভারত সরকারগী সেক্তর অসিনা লাক্লিবা চহি মঙা অসিদা মরু ওইনা পান্দমশিং থম্লিবা অদু উৎখি – ঙা পুথোকপা অসি ২০১৮-১৯দা তোন লাখ ১৩৭.৫৮ ওইবদগী ২০১২-২৫দা তোন লাখ ২২০দা হেনগৎপগী পান্দম, এক্বাকলচরগী পোত্থোক পুথোকপগী চাংচৎ হেক্তর অমদা তোন ৩.৩ ওইবদগী ২০২৪-২৫তা হেক্তর অমদা তোন ৫.০দা হেনগৎহনবা, অমসুং ২০১৮-১৯দা লাখ ১৫ থবক পীবদগী ২০২৪-২৫তা লাখ ৫৫দা পীবা হেনগৎপা। ফিসরিস ইনফ্রাস্ত্রকচর দেবেলপমেন্ত ফন্দ অমসুং কে.সি.সি.গী খুদোংচাবা ঙামীশিংদা পীবা অসিগুম্বা হন্দক্কী অনৌবা পোলিসি হোংদোকপা অমসুং সরকারগী খোংথাংশিং অদুসু মহাক্না শন্দোকনা খঙহনখি। ব্রাকিশ ৱাতর এক্বাকলচর, কেজ ফার্মিং, সীৱিদ ফার্মিং, ওর্নামেন্তেল ফিসরিস অসিগুম্বা ঙা য়োকপগী ওইবা ইনবেসমেন্তগী খুদোংচাবশিং; অমসুং মরুমগী বেঙ্কশিং, মরুম ওলহনবা, ভল্যু চেন অমসুং প্রোসেসিং অসিগুম্বা সর্ভিসতা মতেং পীরিবশিং অসি সেক্রেতরীনা পুথোকখি।

*****