রেলৱে মন্ত্রালয়
কোবিদ-১৯ লোকদাউন মনুংদা হকচিন্না মরুওইবা রেলৱে মেন্তনেন্স প্রোজেক ২০০ মপুং ফানা লোইশিনখ্রে
মসিনা ত্রেকশিংগী মরুওইবা সেক্সনশিংগী ত্রেনগী থবক পাংথোকহনবদা শোই-ঙামহন্দবা অমসুং য়াংবা খংহেন-হেনগৎহল্লগনি
Posted On:
27 JUN 2020 3:15PM by PIB Imphal
ইন্দিয়ন রেলৱেগী বেকএন্দগী লান্থেংনরিবশিংনা তমথিরবা কোবিদ-১৯গী লায়চৎনা পেসেঞ্জরগী সর্ভিসশিং থংথহনখিবগী পীখিবা খুদোংচাবা অসি মপুং ফানা কান্নবা লৌখ্রে, অরিবা থোংশিংগী য়ার্দশিং অমুক হন্না মওং শেম্বা, শেমজিনবা-শাজিনবা অমসুং খাংঙেল লাকপা, রেলগী তালিশিং শরুক অনি ওইহনবা অমসুং ইলেক্ত্রিফিকেসন তৌবা অমদি সিজর ক্রোসওভরশিং অমুক নৌনা শেমজিনবা য়াওনা শাংলবা মতমদগী পন্দুনা লৈরক্লবা থবক ২০০ মায় পাক্না পাংথোকপা ঙমখ্রে। চহি কয়াদগী পন্দুনা লৈরক্লবা, শোইশিন্দনা লৈরকপা প্রোজেকশিং অসি তত্তনা ইন্দিয়ন রেলৱেজদা অপনবা পীরকপগী মওংদা মায়োক্নদুনা লাকখি।
পার্সেল ত্রেনশিং অমসুং ফ্রাইৎ ত্রেনশিংনা মরুওইবা পোৎলমশিং পুম্নমক পরিং নাইনা শোইদনা ফংহল্লম্বা অদুদগী তোঙানবা মওংদা ইন্দিয়ন রেলৱেজনা লোকদাউনগী মনুংসিদা মতম শাংনদগী পন্দুনা লৈরক্লবা মেন্তেনেন্সকী থবকশিং অদু পেসেঞ্জর সর্ভিসশিং অদু লেপহন্দুনা পাংথোকখ্রে।
মসিগী মতম অসিদা ইন্দিয়ন রেলৱেজনা পন্দুনা লৈরক্লবা মতম শাংনা ত্রাফিক থিংজিন্দুনা থম্বগী মথৌ তাবা মেন্তেনেন্সকী মখল-মখা কয়াগী থবকশিংদা মীৎয়েং থমখি। থবকশিং অসি চহি কয়াদগী পন্দুনা লৈরক্লবনি অমসুং রেলৱেজ শাথিবা মওংগী অপনবা কয়া মায়োক্নদুনা লাক্লবনি। মখোশিং অসি মেন্তেনেন্সকী অশোইবশিং অসি লৈহন্দনবা ‘পুন্সিদা অমুক্তং ফংবা থুদোংচাবা অমা’ ওইনা অমসুং ত্রেনগী সর্ভিস অসিদা অকাইবা পীদনা থবক পাংথোকহৌবা য়াই হায়না লৌরগা লোকদাউনগী মতমদা পাংথোক্নবা থৌরাংখি।
থবকশিং অসি অপনবশিং মায়োক্নদনবা লৈহন্দনবগীদমক থবক পায়খৎখিবনি অমসুং মসিদা থোঙশিং অমুক নৌনা শাবদা/অমুক হন্না লৈহনবদা থবক ৮২, লেবেল ক্রোসিং গেৎকী মহুত্তা থোংগী মখাদা ৪৮ ফাওবা ৱাংবা মেত্রো/লম্বি, ফুৎ ওভর ব্রিজ ১৬ শাবা/মপাঙ্গল কনখৎহনবা, অরিবা ফুৎ ওভর ব্রিজ ১৪ লৌথোকপা, থোং মথক্কী লম্বি ৭ লোঞ্চ তৌবা, য়ার্দ ৫ মওং অমুক শেমদোকপা, শরুক অনি ওইহনবা অমসুং ইলেক্ত্রিফিকেসনগী কম্মিসন ১ অমসুং অতোপ্পা প্রোজেক ২৬ য়াওনা শোই-ঙামদবা হেনগৎহেনগনি।
মরুওইবা প্রোজেকশিং খরা মখাদা পীরি-
জোলার্পেত্তী(চেন্নই দিবিজন, খাথংবা রেলৱে)দা য়ার্দ শেমদোকপগী থবক অসি মে ২১, ২০২০দা মপুং ফাখ্রে। মসিনা বেঙ্গলোরগী অরোইবা মতোন্দা অখোয়-অরাকশিং অসি লাইনা লৌথোকপা য়াহন্দুনা খোংজেল অসি পুংদা কি.মি ৬০দা হেনগৎহল্লি অমসুং মতম মান্নবদা ওকপদা অমদি থাদোকখিবদা খুদোং চাহল্লি।
মমাং মতুং
মতৌ অসিগুম্না মে ২৫, ২০২০দা লুধিয়ানা(ফিরোজেপুর দিবিজন, নোর্দর্ন রেলৱে)দা অশোই-অঙাম থোক্লকপা য়াবা অরিবা ফুৎ ওভর ব্রীজ মকু হুখি। ত্রেক ১৯ অমসুং পেসেঞ্জর প্লেৎফোর্ম ৭কী মথক্তা শাবা মিতর ১৩৫ শাংবা অরিবা থওইবিদ্রবা এফ.ও.বি. মকু হুবা অসি অনৌবা এফ.ও.বি. অসি কম্মিসন তৌখ্রবা মতুংদা ২০১৪দগী পাংথোক্তনা লৈরক্লবনি।
তুঙ্গা তুরেল(মৈশুর দিবিজন, সাওথ-ৱেস্তর্ন রেলৱে)গী মথক্তা শাবা থোং অসি অমুক হন্না খাঙেল লাকপগী থবক অসি মে ৩০, ২০২০দা লোইশিনখ্রে। দোম্বিবলী(মুম্বাই দিবিজন, সেন্ত্রেল রেলৱে)গী মনাক্তা লৈবা কোপর লম্বিগী শোক্নিংঙাই ওইরবা দেকশিং মকু হুবগী থবক অসি এপ্রীল ৩০, ২০২০দা মপুং ফাখ্রে। অমসুং মসিনা শোক্নিংঙাই ওহন্দবা হেনগৎহল্লে। মসিগী দেক অসি লম্বিদু শিজিন্নরিবশিংনা ২০১৯দা শোক্নিংঙাই ওইরে হায়না লাওথোকখি অমসুং মখাদা রেলৱে ত্রেক ৬ য়াওই।
বনারস দিবিজন, নোর্থ ইস্তর্ন রেলৱেদা শরুক অনি লোনবগী অমসুং ইলেক্ত্রিফিকেসন তৌবগী প্রোজেক অনি অসি জুন ১৩, ২০২০দা মপুং ফাখ্রে. মসিগীশিং অসিদগী প্রোজেক অমদি কচ্চৱা লম্বিদগীনা মাধো সিংহ সেক্সন্দনি অমসুং অনিশুবা অসিনা মন্দুৱাদিদগীনা প্রয়াগরাজ সেক্সনগী কি.মি.১৬কীনি। মসিনা নোংপোক-নোংচুপকী লম্বিশিংদা মী চিলহন্দ্রে অমসুং ফ্রাইৎশিং হোনবদা খুদোং চাহল্লে। চেন্নই সেন্ত্রেল তম্না চৎপা রেলৱে ত্রেক ৮ ফাওরিবা আর.ও.বি.গী মকু হুবগী থবক অসি মে ৯, ২০২০দা মপুং ফাখি। মসিগী আর.ও.বি. অসি শোক্নিংঙাই ওইরে হায়না লাওথোকখি অমসুং জুলাই ২০১৬দগী হেভি ভিহিকলশিংগী ওইনা থিংজিনখি। আর.ও.বি. মকু হুবগী থবক অসি পেসেঞ্জরশিংগী চাগা মাংহন্দুনা পুল্লপ ওইনা ত্রেনশিং কেন্সেল তৌবা/রিসেদ্যুল তৌদুনা ত্রাফিক অসি থিংজিনবগী চাং ৱাংনা মথৌ তাহনখি।
সাউথ সেন্ত্রেল রেলৱেগী বিজয়ৱরা দিবিজন্দা অনৌবা থোং অনি শাবগী থবক অসি মে ৩দা লোইশিনখি। হাওরা-চেন্নই লম্বিদা, ইস্ত কোস্ত রেলৱেদা খুর্দা রোদ দিবিজ্ন্দা এল.সি. লৌথোক্নবগী পনখৈ অমদা ৱাংবা মেত্রো শাবা অসি মে ৯, ২০২০দা মপুং ফাখি, মসিনা ত্রেনশিং হেন্না শোক্নিংঙাই ওইদনা চেলহনবদা মপাঙ্গল হেনগৎহল্লি। অজমগর স্তেসন(বনারস দিবিজন, নোর্থ ইস্তর্ন রেলৱে)গী সিগ্নেল হাপ্পগী থবকশিং অসি মে ২৩দা মপুং ফাখি। মৌ—শাহগঞ্জ সেক্সন অসি এস.তি.দি.-II(আর.)দা ওনখৎখ্রে, য়ার্দ অসি পুংদা কি.মি ৫০দগী পুংদা কি.মি.১১০দা হেনগৎখ্রে অমসুং মসিগা মান্নবা মতমদা ওকপা, থাদোকখিবা অমসুং থৈদোকপগী ফেসিলিতী ফংহনখ্রে।
মতৌ অসিগুম্না বিজয়ৱরা অমসুং কাজিপেৎ য়ার্দশিং(বিজয়ৱরা দিবিজন, সাউথ সেন্ত্রেল রেলৱে)দা থাক লৈবা প্রি-স্ত্রেস কঙ্ক্রিৎ(পি.এস.সি.)গা কোন্ননা উগী লেআওত সিজরগী ক্রোসওভর শেমদোকপগী থবক অসি মপুং ফাখ্রে। কাজিপেৎ য়ার্দতা পন্দুনা লৈবা য়ার্দকী মওং শেমদোকপগী থবক অসিগীদমক্তা পুং ৭২ চাওনা থিংবা অমা তৌখি। ১৯৭০দা হাপখিবা অরিবা উগী সিজর ক্রোসওভর অসি থাক ৱাংবা পি.এস.সি.শিংনা মহুৎ শিনখি। তিলক নগর স্তেসন(মুম্বাই দিবিজন, সেন্ত্রেল রেলৱে)দা আর.সি.সি.বোক্স হাপ্পা অসি মে ৩দা পুং ২৪ অমসুং পুং ৫২ চাওনা থিংদুনা মপুং ফাহনখি। মসিগী থবক অসি হার্বর লাইন্দা লৈবা তিলক নগর স্তেসন মনাক্তা ঈশিং-ইচাও থোরকপদা খুদোংথিবশিং থম্লক্নবা পায়খৎখিবনি।
বিনাদা অহাংবা রেলৱে লেন্দগী মথক্তা শেমগৎখিবা সোলর পাৱরনা ত্রেনশিংদা পাৱর ফংহন্নবা ইনৌ-নৌবা পাইলোৎ প্রোজেক অসি পাক-চাওনা তেস্তিং তৌরি। কে.ভি.২৫গী রেলৱে ওভরহেদ লাইন অসি হকথেংননা ফীদ তৌনবগীদমক্তা মেগা ৱাত্ত ১.৭কী প্রোজেক অসি ইন্দিয়ন রেলৱে অমসুং ভেলগা খুৎশম্ননা থৌনা লৈনা পায়খৎপা থবক অমনি।
*****
(Release ID: 1634861)
Visitor Counter : 206