চিয়রমেন, শ্রী এন.কে. সিংনা লুচিংবা ১৫সুবা ফাইনান্স কমিসন্না মখোয়গী মেম্বরশিংগা লোইননা ঙসি লৌউ-শিংউ অমসুং লৌমীশিংগী য়াইফ-থৌরাংগী মন্ত্রী শ্রী নরেন্দ্র তোমার অমসুং মহাক্কী মন্ত্রালয় অসিগী সেনিয়র ওফিসিয়েলশিংগা লোইননা মীফম অমা পাংথোকখি।

লুপা কোতি লাখ ২০গী ফিস্কেল স্তিম্যুলস পেকেজগী অহুমসুবা শরুক্তা ভারত সরকারনা ইনফ্রাস্ত্রকচর লোজিসতিক্স অমসুং লৌউ-শিংউ, ফিশরীশিং অমসুং ফুদ প্রোসেসিং সেক্তরশিং মপাঙ্গল কনখৎহন্নবা লৌউ-শিংউদা হেন্না চাউখৎহন্না পাম্বৈ কয়া অমসুং লাউথোকখ্রে অমসুং লৌউ-শিংউদা অহোংবা পুরক্নবা হৌদোকখিবা ৱাফমশিং অমসুং তি.ও.আর.গী পেরা -৭গা মরী লৈননা মপান লমদা পোৎ-চৈশিং থাদোকপগী মতাংদা পুক্নীং থৌগৎনবগীদমক্তা, এফ.সি.-১৫না কেন্দ্রগী লৌউ-শিংউ অমসুং লৌমীশিংগী বাইফ-থৌরাংগী মন্ত্রীগা লৌইননা মসিগী মতাংদা খন্না-নৈননবগীদমক্তা হায়খিবনি অমসুং মসিনা মরম ওইরগা মীফম অসি পাংথোকখিবনি।

মমাংদা তরামঙাসুবা ফাইনান্স কমিসন্না আই.তি.সি.গী সি.এম.দি. শ্রী সঞ্জিব পুরিগী চিয়রমেনশিপ মখাদা লৌউ-শিং্গী পোত্থোকশিং মপান লমদা থাদোকপগী মতাংদা কমিতী অমসু শেমখি। হৌজিক ফাওবদা কমিতীগী মীফম অদুদা খন্নখিবা এগ্রি-এক্সপোর্তশিংগী মতাংদা মরী লৈনবা মরু ওইবা ৱাফমশিং অদু মখাদা পীরি:

· ভারত অসি মালেমগী ওইনা লৌউ-শিংউগী পোত্থোকশিং খ্বাইদগী হেন্না পুথোকপদা অনিসুবদা লৈরি অমসুং মরু ওইবা লৌউ-শিংউগী ওইবা কাঙলুপশিংদা মালেমগী লুচিংবা ওইরি। লৈবাক অসিনা অতোপ্পা লৈবাক্তগী লৌউ-শিংউবগী মতাংদা খুদোংচাবা হেল্লি মরমদি লমদম অসিগী দাইভর্স ওইবা এগ্রো-ক্লাইমেতিক কন্দিশনশিং লৈবনা মরম ওইরগা দাইভর্স ওইবা মহৈ-মরোংশিংগী পোর্তফোলিয়ো পোতেন্সিয়েল লৈহল্লি; মরু ওইবা মহৈ-মরোংশিং লোকপগী সীজন অনি (খারিফ অমসুং রবি) অমসুং খুৎশুমল অমসুং মেন্যুফেকচরিং তৌববদা খরা হেন্না নেম্বা।

· তৌইগুম্বসুং, ময়ামদগী খুইদোংচাবা অসি লৈজরবসু, ভারত অসি লৌ-শিংউগী পোত্থোকশিং মপান লমদা থাদোকপদা মালেমগী ওইনা ১১সুবদা লৈ।

· মালেমগী ওইনা য়েংবদা লৌউ-শিংউবা য়াবা লমগী হেক্তরশিংদা ভারতনা খুদোচাবা লৈজরবসু, হেক্তর অমদা মপান লমদা থাদোকপগী $দি হেন্না পীকপা লৈবাকশিংদগী শোত্থনা লৈরি, মসিগী মরু ওইববা মরমশিং অদুদি (ক) পোত্থোক য়ামদবা অমসুং লৌউ-শিংউগী পোত্থোকশিং হন্থবা (খ) পোত্থোক্কী মমল লেপ্পদা কা-হেন্না মিৎয়েং চংদবা মরম অদুনা ভিয়েৎনামগুম্বা লৈবাকশিংনা মুনখিবা (গ) লমদম অসিগী ওইবা মার্কেৎ হেন্না চাউবা।

· ভারতকী প্রোসেস তৌরবা এক্সপোর্তশিং লেপ্পা লৈতনা হেনগৎলক্লি অদুবু মালেমগী ওইনা য়েংনবদা প্রোসেস তৌরবা পোত্থোকশিংদগী রো কমোদিতীশিংগী শরুক্না হেন্দুনা অদুমক লৈরি।

· ভারতকী লৌউ-শিংউগী এক্সপোর্তশিং অসি হৌখিবা চহি ১০দগী য়াম্না শোন্না অৱাং-অনেমগী অহোংবা কয়া অমা লৈদুনা লাকখি অদুবু হায়রিবা অসি হন্দক্তনি ফিভম খরা ফগৎলক্লিবসি।

· মালেমগী ওইনা মমলদা তাথরকপনা মরম ওইরগা অমসুং ২০১৪, ২০১৫ অমসুং ২০১৬তা থংন-থংননা ঈকং থোকখিবনা মরম ওইরগা মপান লমদা থাদোকপগী চাং অসি ১০% সি.এ.জি.আর.দা হন্থরকখি, হন্দক্কী চাউখৎলকখিবগী চাং অসিনা তাক্লি মদুদি এগ্রি-ফুদ প্রোদক্সন অসিনা লামদম অসিদা লৈরিবা দিমান্দদা হেনগৎলকপদগী হেন্না য়াংনা হেনগৎলক্লি অমসুং মপান লমদা থাদোকখিনবগী অহেনববা ভোল্যুমদা খোংজেল য়াংনা হেনগৎলকপা উৎলি। হায়রিবা অসিনা ফোরেন এক্সচেঞ্জ তান্নবা ওভরসীজ মার্কেৎ ফাজিন্নবা অমসুং লৌউ-শিংউগী পোত্থোকশিংগীদমক্তা অহেনবা মমল ফংনবা পত্থোকশিং পুথোক্লিবশিংদা ওইথোক্কদবা অমসুং খুদোংচাবা কয়া অমা পীরি।

· ভারতকী মকোকথংবদা লৈরিবা কমোদিতীশিং অমসুং লৌউ-শিংউগী ওইবা পোত্থোক ৫০না মপান লমদা থাদোকখিবশিং অদুগী অপুনবা অদুগী ৭৫%নি

· ভারতনা লৈবাক ২০দা মশাগী লৌউ-শিংউগী পোত্থোকশিং অদুগী ৭০% থাদোকই; য়ুরোপ অমসুং অমেরিকাদা হেন্না থাদোকপগী খুদোংচাবা লৈ।

· ভারতনা লৌউ-শিংউগী পোত্থোকশিংদা $২০ বি.গী মথক্তা মপান লমদগী পুশিল্লকই, ভরতনা মরু ওইবা $১৮ বি.গী ত্রেদ সর্প্লস কায়দনা অদুমক থম্লি।

ঙসি পাংথোকখিবা খন্না-নৈনবা অদুদা এগ্রিকলচর সেক্তরগা মরী লৈননা সরকারনা হন্দক্তা লাউথোকখিবা (কোবিদকী মতুং) অদুদা মরু ওইনা মিৎয়েং থমখি, হায়রিবা অসি ২০২১-২২দগী ২০২৫-২৬ ফাওবগী মতমগী মনুংদা পীনবগীদমক্তা এফ.সি.-১৫না য়েংশিল্লগনি। মখোয়শিং অদুগী মরক্তা মরু ওইবশিং অদুদি:

· ফিস্কেল স্তিম্যুলস পেকেজকী শরুক অমা ওইনা লৌউ-শিংউগা মরী লৈননা পুরকপা অহোংবশিং অদুগী মতাংদা অকুপ্পা মরোলশিং।

· ইসেন্সিয়েল কমোদিতীস এক্ত চৎনহনবা।

· দ ফার্মিং প্রোদ্যুস ত্রেদ এন্দ কমর্স (প্রোমোশন এন্দ ফেসিলিতেশন) ওর্দিনেন্স, ২০২০।

· দ ফার্মর্স (এমপাৱরমেন্ত এন্দ প্রোতেক্সন) এগ্রীমেন্ত ওন প্রাইস এস্যুরেন্স এন্দ ফার্ম সার্বিস ওর্দিনেন্স, ২০২০।

মন্ত্রালয়না মচা-খায়না উৎখিবা অদুদা য়াওরিবশিং অদুগী মনুংদা সেক্তরশিং চাউখৎহন্নবগীদমক্তা কেন্দ্র সরকারনা হনদক্তা পাইখৎখিবা খোংথাংশিং অদুসু য়াওরি। কমিসন অদুদসু ২০২১-২২দগী ২০২৫-২৬ ফাওবগী মনুংদা দিপার্তমেন্ত ওফ এগ্রিলচরেল রিসর্চ অমসুং এজুকেশন (দি.এ.আর.ই.) /আই.সি.এ.আর. সেন্ত্রল সেক্তর স্কীমশিংগী মথৌ তাবা চৎনহন্নবা অমসুং বদজেৎকী মতাংদা ‘প্রজেন্তেশন’ অমা উৎহনখি।

মীফম অদুদা লৌউ-শিংউগী ওইবা অহোংবশিং পুরক্নবগীদমক্তা রাজ্যশিংদা পীগদবা পর্ফোর্মেন্স গ্রান্তশিংগা মরী লৈননা ২০২০-২১গীদমক্তা ওইবা এফ.সি.-১৫না মখোয়গী রিপোর্ত্ত পীখিবা ফ্রেমৱার্ক/রিকমেন্দেশনশিংগী মতাংদসু খন্নখি। য়াম্না মরু ওইবা খোংথাং অমা ওইনা লৌউ-শিংউ মন্ত্রালয়গা লোইননা ফাইনান্স কমিসন্না ১৫এফ.সি.গী মেম্বর (শ্রী রামেশ চান্দ), সেক্রেতরী (লৌউ-শিংউ) অমসুং সেক্রেতরী (দি.এ.আর.ই.) য়াওদুনা গ্রুপ অমা শেমখি, হায়রিবা অসিনা কমিসনগী অরোইবা রিপোর্তকী রিকমেন্দেশনদা য়াওহন্নবগীদমক্তা লৌউ-শিংউগী ওইবা অহোংবা অমা পুরক্নবগী এজেন্দাগী হীরম অসিদা রাজ্যশিংদা পুক্নীং থৌগৎনবগীদমক্তা মেকানিজম অমা পুথোক্কনি।

*****