কেন্দ্রগী খুঙ্গং চাউখৎ থৌরাং, পঞ্চায়তি রাজ অসুং লৌউ-শিংউ অমসুং লৌমীগী য়াইফ থৌরাং মন্ত্রী শ্রী নরেন্দ্র সিংহ তোমারনা নই দিল্লীদগী ভিদিও কনফরেন্সকী খুত্থাংদা গরীব কল্যান রোজগার অভিয়ানগী ৱেব পোর্তেল ঙসি হৌদোকখ্রে। কোবিদ-১৯গী লায়চৎনা ওইহল্লক্লিবা ফীভম অসিনা মরম ওইরগা লাক্লিবা থা মরি অসিদা রিতর্নী মাইগ্রেন্ত শিন্মীশিং মখোয়গী খুঙ্গংশিংদা থবক পীনবগী পান্দমদা গরীব কল্যান রোজগার অভিয়ান কৌবা থবক পীবা-লোয়ননা-খুঙ্গংগী ইনফ্রাস্ত্রকচর শেম্নবা প্রোগ্রাম ওইবা অচৌবা কেম্পেন অমা জুন ২০, ২০২০দা ইকাইখুম্নরিবা প্রধান মন্ত্রী শ্রী নরেন্দ্র মোদীনা হৌদোকখি। খুঙ্গংগী চাউখৎ থৌরাংগী স্তেৎকী মন্ত্রী সাধভি নিরঞ্জন জোতি, খুঙ্গংগী চাউখৎ থৌরাংগী সেক্রেতরী শ্রী নাগেন্দ্রা নাথ সিনহা, খনগৎলবা দিস্ত্রিক্তশিংদা অভিয়ান অসি ইমপ্লিমেন্ত তৌবা য়েংশিন্নবা সরকারনা এপ্পোইন্ত তৌরবা সেন্ত্রেল নোদেল ওফিসর ১১৬, অমসুং অভিয়ান অসিগা মরী লৈনবা মন্ত্রালয়শিং অমসুং স্তেৎ সরকারগী মকোক থোংবা ওফিসরশিং ভিদিও কনফরেন্স অসিদা শরুক য়াখি।

তোঙান তোঙানবা দিস্ত্রিক্তশিংগী ওইবা অমসুং স্কিমশিংগী ওইবা অভিয়ান অসিগী শরুকশিংগী মতাংদা মীয়ামদা ই-পাউ পীবদা নত্তনা দিস্ত্রিক্ত অমদা রিতর্নী মাইগ্রেন্ত শিন্মী ২৫০০০ হেন্না লৈরিবা স্তেৎ ৬কী দিস্ত্রিক্ত ১১৬দা লুপা কোতি ৫০,০০০গী ফন্দ থাদদুনা পাইখৎলিবা থবকশিং অসিগী খোংজেল য়েংশিনবদসু মতেং ওইগদৌরিবা ৱেব পোর্তেল অসি হৌদোকপদা শ্রী নরেন্দ্র সিংহ তোমারনা হরাওবা ফোঙদোকখি। শ্রী তোমারনা হায়খি মদুদি স্তেৎ সরকারগা লোয়ননা পুন্না হোৎন্দুনা কেন্দ্র সরকারনা কোবিদ-১৯ লায়চৎনা ওইহল্লিবা অৱাবা ফীচম অসি মাই পাক্না মায়োক্নবা ঙম্লি। প্রধান মন্ত্রী শ্রী নরেন্দ্র মোদীগী অফবা লমজিং অসিনা মরম ওইরগা লোকদাউনগী মনুং ওইরবসু লাইরবা মীয়ামগী হিংনবগী হোৎনবদা থেংনরিবা খুদোংচাদবশিং অসি কোকহন্ননবা লৌউ-শিংউ, অপিকপা ইন্দস্ত্রীশিং অমসুং সরকারগী য়াইফ থৌরাং অমসুং চাউখৎ থৌরাংগা মরী লৈনবা থবক থৌরমশিং অসি লেপ্পা লৈতনা মথৌ তৌরি।

চৎলিবা শেনবা চহি অসিদা লুপা কোতি ১,০১,৫০০ কায়থখিবগা লোয়ননা এম.জি.এন.আর.জি.জি.এস. অসি স্কিল য়াওদবা মীওইশিংদা থবক পীবা খ্বাইদগী য়াম্বা ওইরি আয়না শ্রী তোমারনা ফোঙদোকখি। লোকদাউননা মরম ওইরগা মখোয়গী পোক্নফম খুঙ্গংদা হল্লক্লবা স্কিল লৈরবা শিন্মী লাখ কয়াদা থবক পীনবগী প্রধান মন্ত্রীগী অপাম্বগী মতুং ইন্না, গরীব কল্যান রোজগার অভিয়ান অসি শেন্থং লুপা কোতি ৫০,০০০গা লোয়ননা জুন ২০ ২০২০দা হৌদোকখি মসিগী নোদেল মন্ত্রালয় অসি খুঙ্গংগী চাউখৎ থৌরাং মন্ত্রালয়না ওইরি, লোয়ননা নুমিৎ ১২৫ অসিদা খনগৎলবা দিস্ত্রিক্তশিংদা থবক মখল ২৫ অসি লোইশিন্ননবা ভারত সরকারগী অতোপ্পা মন্ত্রালয় ১২গা পুন্না কুপনা য়েংশিন্দুনা হোৎনরি। শ্রী তোমারনা ফোঙদোকখি মদুদি হায়রিবা থবক থৌরমশিং অসি থাখিবা মতমগী মতুং ইন্না মহৌশাগুম্না থবক চৎথরম্বা অসি হৌজিক্তি লায়চৎ অসিনা থোকহল্লিবা খুদোংচাদবা অসি অতেনবা মতমগী মনুংদা খুঙ্গংগী মফমশিংগী ইনফ্রাস্ত্রকচর শেমগৎনবা খুদোংচাবা ওইনা ওন্থোক্তুনা খোংজেল য়াংনা থবক তৌখ্রে।

ৱেব পোর্তেল অসি হৌদোকখ্রবা মতুংদা খনগৎলবা দিস্ত্রিক্ত ১১৬কী সেন্ত্রেল নোদেল ওফিসরশিংগীদমক্তা ৱার্কশোপ অমা তৌখি মসিদা খুঙ্গংগী চাউখৎ থৌরাংগী সেক্রেতরী শ্রী নাগেন্দ্রা নাথ সিনহানা মসিদা য়াওরিবা তোঙান তোঙনবা মন্ত্রালয়শিং, মরী লৈনরিবা স্তেৎ সরকারশিং অমসুং দিস্ত্রিক্ত এদমিনিস্ত্রেসনশিংনা অভিয়ান অসিগী মখাদা চৎথরিবা থবকশিং অসি ইমপ্লিমেন্ত তৌনবা অমসুং মতম চানা লোইশিন্নবা লৌগদবা থৌদাংশিং অদুসু খঙহনখি। রেলৱেজ, রোদ ত্রান্সপোর্ত অমসুং হাইৱেজ, মাইনস, ন্যু অমসুং রিন্যুএবল ইনর্জি, থক্নবা ঈশিং অমসুং সেনিতেসন, ইনভাইরনমেন্ত অমসুং ফোরেস্ত, পেত্রোলিয়ম অমসুং নেচরেল গ্যাস, তেলিকোম, লৌউ-শিংউ, পঞ্চায়তী রাজ, বোর্দর রোদস ওর্গনাইজেসন অমসুং তোঙান তোঙানবা খুঙ্গং চাউখৎ থৌরাংগী বিভাগশিংগী মন্ত্রালয়শিং অসিগী মীহুৎশিংনা নোদেল ওফিসরশিংগী কান্ননবা অকুপ্পা ৱারোল য়াওবা প্রজেন্তেসনশিং উৎখি।

*****