কেন্দগ্রী এফ.পি.আই. মন্ত্রী শ্রীমতি হরসিম্রত কোর বাদলনা লুচিংদুনা ঙসি ইনবেস্ত ইন্দিয়াগী এক্সক্লুসিব ইনবেস্তমেন্ত ফোরম অমসুং ভারত সরকারগী নেস্নেল ইনবেস্তমেন্ত প্রোমোসন অমসুং ফেসিলিতেসন এজেন্সীগী ফুদ প্রোসেসিং ইদিসনগী অনিশুবা সেরিজকী মীফম ফমখ্রে। মসি অহানবা ওইনা জুন ২২, ২০২০দা ফমখিবা ইনবেস্তমেন্ত ফোরমগী মখা তারকপনি।

ফোরম অসিদা কেন্দ্র অমসুং রাজ্য ৬কী-বিহার, গুজরাত, হরয়ানা, করনাতকা, মহারাস্ত্রা অমসুং তমিল নাদু, খ্বাইদগী সেনিয়র ওইবা পোলিসী শেম্বা মেওইশিংনা শরুক য়াখি। ফোরম অসিদা লৈবাক ১৯গী কম্পেনী ১৯৩নসু শরুক য়াখি।

কেন্দ্রগী মন্ত্রীনা হায়খিবদা লৈবাক শিনবা থুংনা পাংথোকখিবা লোকদাউন অসি মায় পাকপগী মরমদি হৌরকপদগী হৌনা সরকারনা চংদ্রবা য়াদ্রবা পোৎলমশিং, মরু ওইনা চানবা চিঞ্জাকশিং, অসি লৈবাক্কী কাচিন কোয়া য়ৌনা ফংহন্নবা হোৎনখিবা অদুগীনি হায়খি। ফুদ ইন্দস্ত্রীশিংনা ললোন ইতিক্তা হন্থরকপা, তঙাই ফদবা শিন্মী মশিং শুনা লৈতবা, পোৎ চৈ কয়া পত্থ-পুমথদুনা মাংখিবনচিংবা খুদোংচাদবা কয়া থেংনরগসু চাউরবা থবকশিং অসি মায় পাক্না পাংথোকখিবগীদমক্তা মখোয়বু এফ.পি.আই. মন্ত্রীনা থাগৎপা ফোংদোকখি।

ফুদ ইন্দস্ত্রীশিংদা খুদোংচাদবশিং অসিবু অনৌবা মহৌশা অমা ওইহন্দুনা খুদোংচাবদা ওইনা ওন্থোকপা য়াগনি হায়না কেন্দ্রগী মন্ত্রীনা ফোংদোকখি। শ্রীমতি বাদলনা শরুক য়ারিবা মীওই খুদিংদা প্রধান মন্ত্রীনা ‘আত্মানির্ভর’ ওইবা অমসুং ‘বি ভোকেল ফোর লোকেল’গী ৱাফম অসিগী তুং ইন্দুনা মায় পাকহনসি হায়খি। হান্না মীরমদগী পোৎ পুশিল্লক্তুনা শিজিন্নরম্বা ভারত অসি হৌজিক্তি অনৌবা লৈবাকশিংনা পোত্থোকফম ওইনা য়েংবা হৌরে। অদুনা হৌজিক্তি ইন্দস্ত্রীশিংনা মখোয়গী লৈজবী থাদুনা থবক তৌবা হৌবগী মতম য়ৌরে। মন্ত্রালয় অমনা শেল থাদবা কোলদ চেনদগী অনৌবা মফম খরদগী উহৈ অমসুং মনা মশিংগী ওর্দর ফংবা হৌবগী খুদম অমা শ্রীমতি বাদলনা মীয়ামদা পীখি।

কেন্দ্রগী মন্ত্রীনা রেদী তু ইৎ (আর.তি.ই.)গী কাংলুপ অসিদগী খুদোংচাবা লৌবা য়াই হায়না য়েংউ হায়না ইনবেস্তরশিংদা হায়খি। মহাক্না ভারতকী সুপরফুদ অসি মালেমগী নোংচুপকী লমশিংদা খংহনবগী তঙাই ফদবা লৈ হায়খি অমসুং রাজ্যশিংদা মখোয়গী মফমশিংগী মমিং চৎপা অমসুং মচি লৈবা চিঞ্জাকশিংবু মিং থোন্দুনা মপানগী লমশিংদা লৈরিবা অচৌবা রিতেল্লরশিংগী খুত্থাংদা মফমশিংদুদা লৈরিবা ভারত মচাশিংনা শিজিন্নহন্নবা পান্দম থম্বা য়াই হায়খি।

কেন্দ্রগী মন্ত্রীনা হৌজিক্কী মতমগী তেক্নোলোজী শিজিন্নদুনা লৈবাক্কী থাক্তা লৈবা পোর্তেল শেমদুনা পেন-ইন্দিয়াগী এগ্রি-ফুদ প্রদক্তশিংগী অরৈবা মশিং য়েংশিনবগী মরু ওইবগী মতাংদা পনখি অমসুং মসিনা ইন্দস্ত্রীশিংদা পোত্থোকশিং অসি পীবা ঙম্নবা হোৎনদা তেংবাংবতা নত্তনা মপান লমদা থাদোকপসু হেনগৎপা ঙমগনি হায়খি।

কেন্দ্রগী মন্ত্রীনা মন্ত্রালয় অসিনা মাইক্রো এন্তরপ্রিনরশিংবু ওফিসিএল ওইনা শক খংনবা স্কিম অমা জুন ২৯, ২০২০দা হৌদোক্কদবা অদুগী মতাংদা হায়খি অমসুং মসিনা খ্বাইদগী অনৌবা খংফম থোকপশিং, এফোরদেবল ক্রেদিৎ অমসুং অনৌবা মার্কেৎ খংহনবদা তেংবাংগনি হায়খি। ফুদ প্রোসেসিংদা লৈরিবা থবক্কী ৭৪%দি অনওর্গানাইজদ সেগমেন্ততা লৈ হায়না মহাক্না হায়খি। ঐখোয়না খংবা লাখ ২৫গী ৬০%দি খুঙ্গংগী মফমশিংদা লৈ অমসুং মসিগী মনুংদা ৮০%দি ইমুং মনুংনা মপু ওইদুনা লৈবনি হায়খি। মসিগী সেগমেন্ত অসি খক্তনা ‘আত্মানির্ভর ভারত’কী হয়েং ওইরক্কদা ফিভম ওইগনি অমসুং মসিনা খোংথাং অসি মায় পাকহনবা ঙমগনি হায়খি।

শ্রীমতি বাদলনা এগ্রি-ফুদ সেগমেন্ত অসি হন্দক লাউথোকখিবা তেংবাংবগী পেকেজতা খ্বাইদগী মরু ওইবা পীবনি হায়বদু মীয়ামদা খংহনখি। মহাক্না শরুক য়ারিবা মীয়ামদা ফোরেন ইনবেস্তমেন্ত হেনগৎহন্দুনা মফমসিগী ইন্দস্ত্রীবু ঙাক্লৌ পীনবগীদমক্তা ভারত সরকারনা মন্ত্রালয়গী বিভাগশিংদা ইম্পাৱর্দ গ্রুপ ওফ সেক্রেতরীস (ই.জি.ও.এস.) অমসুং প্রোজেক্ত দিবেলপমেন্ত সেল (পি.দি.সি.) শেম্নবা ৱারেপ লৌখিবগী মতাংদসু পনখি। ইনবেস্তমেন্ত ইন্তরেস্তশিংবু কাংলোন নায়বা মওংদা শেন্ননবা ইনবেস্ত ইন্দিয়াদা লৈরিবা অখন্নবা এম.ও.এফ.পি.আই.গী ইনবেস্তমেন্ত ফেসিলিতেসন সেলগী মতাংদসু খংহনখি।

কেন্দ্রগী মন্ত্রীনা রাজ্যশিংদা ফুদ প্রোসেসিং ইন্দস্ত্রীগী মৈ শিজিন্নবগী শেনফম্বু, মরু ওইনা কোলদ চেন য়ুনিৎকী, এগ্রিকলচরেল রেৎকা মান্নহন্নবা হায়খি। মহাক্না রাজ্যশিংসু কেন্দ্র সরকারগা খুৎশম্নদুনা চৎমিন্নরগা অনৌবা ৱর্ক ফোর্স অমা শেম্লসি হায়রদুনা মহাক্কী ৱাফম লোয়শিইনখি।

শ্রী রামেস্বর তেলি, এম.ও.এস., এফ.পি.আই.না শরুক য়ারিবা মীওইশিংবু ইনবেস্তমেন্ত ফোরম অসিদা য়াওবগীদমক থাগৎপা ফোংদোকখি অমসুং কেন্দ্র অমসুং রাজ্য সরকারশিংনা ভারতকী ফুদ প্রোসেসিং সেক্তরদা শাহৌ লৌবগী খুদোংচাবা কয়া হেনগৎলক্লিবা অসিগী ওইনা ইনবেস্তর খুদিংগী ওইবা অফবা পোলিসী কয়াগী ৱারেপ লৌরি হায়না হায়খি।

পোলিসী ইন্সেন্তিব, ইন্দস্ত্রিএল জোন, ইনফ্রাস্ত্রকচর কেপেবিলিতীদগী হৌরদুনা স্পিসিএল ইনবেস্তর ফেসিলিতেসন সর্বিস ফাওবগী ইনবেস্তমেন্তকী ৱারেপ লৌবগী মরু ওইরবা হীরম কয়া ফোরম অসিদা ভারত অসিবু মালেমগী ইনবেস্তমেন্ত হব অমা ওইহন্নবা খন্নখি।

*****