অথেঙবদা লৈবাক অসিদা গারী অমগা লোইননা কদাইফাওবা নুংঙাইনা কোয়বা য়াবগে হায়বসিদা পুক্নিং পেন্না নুংঙাইবা পাম্বশিংনা মোতোরিং এক্সপিদিসনশিং অসি য়াম্না পাম্নরক্লি। কেন্দ্রগী তুরিজম মন্ত্রালয়গী জুন ২৫, ২০২০দা "দেখো অপনা দেশ"কী বেন্নর মখাদা পাঙথোকখিবা ৱেবিনারগী পরিংদা ভারত্তা লৈবা মোতোরিং এক্সপিদিসন (দ্রাইবিং হোলিদে) ওইবা য়াবা মফমশিংগী মতাংদা উৎখি। ৱেবিনার অসিদা লৈবাক অসিগী তোঙান-তোঙানবা লম্বী অমসুং লমশিংদা লৈবা নেৎৱার্কশিং উৎখি। দেখো অপনা দেশ ৱেবিনার পরিং অসি এক ভারত শ্রেশথা ভারতকী মখাদা ভারতকী লৈজরিবা ইনাক খুল্লবা তোপতোপ্পশিং উৎনবা হোৎনরি।

তাং ২৫.০৬.২০২০দা পাঙথোকখিবা দেখো অপনা দেশকী ৩৮শুবা পরিং অসিবু তুরিজম মন্ত্রালয়গী এদিসনেল দিরেক্তর জেনরেল, শ্রীমতী রুপিন্দর ব্রারনা ৱাতেমখি অমসুং হেদ-ওফ-রোদ দ্রাইবর ত্রেনিং প্রোগ্রাম, মহিন্দ্র এন্দ মহিন্দ্রগী মনিশ সরসের অমসুং জে.কে. মোতোর্স্পোর্তসকী হেদ ওব ওপরেতর অমসুং দ্রাব তেক ইন্দিয়াগী ফাউন্দর হরি সিংহনা খুদোল তমখি।

শ্রীমতি রুপিন্দর ব্রারনা সেসন অসিবু ভারতকী লম্বীগী নেৎৱার্ক্কী অশাংবগী হীরমদা মকোক থোংলিবসি পল্লদুনা হৌদোকখি। মহাক্না মহাক্না হায়খি, মালেমদা খ্বাইদগী লম্বী শাংবদা ভারতনা অপুনবা ওইনা কিলোমিতর ৫,৮৯৭,৬৭১ লৈদুনা অনীশুবদা লৈরি। ভারতকী লম্বী থোংদা এক্সপ্রেসৱে- কিলোমিতর ১০০০, নেসনেল হায়ৱে- কিলোমিতর ৭৯,২৪৩, স্তেৎ হায়ৱে- কিলোমিতর ১,৩১,৮৯৯ অমসুং অতোপ্পা মরুওইবা জিল্লা অমসুং খুঙ্গংগী লমশিং শম্নরিবা লম্বীশিং লৈ। মহাক্না ভারতকী মোতোরিং এক্সপিদিসন্দা য়াম্না নুংঙাইবা, পুক্নিং পেন্নিংঙাই ওইবা থৌদোকশিং তোঙান-তোঙানবা লম্বীগী ফিবম হায়বদি লৈকংলা, চীং, খ্বাইদগী ৱাংবা পাস, শমুদ্র খোংবাল ওইবা লম্বীশিংনা পীরি হায়না শৈথাখি।

প্রজেন্তেসন অসিবু হৌদোক্লদুনা, হরি সিংহনা কারশিং অসি ফজবখক্কী নত্তনা কারশিং অসিনা ভারতকী নাৎ, দাইবর্সিতী, ইনশাং অমসুং মীয়াম খঙহন-উহনবদা খুদোংচাবা পীরি। মোতোর এক্সপিদিসন চৎপা হায়বসি মাংজৌননা শেম শাবা অমা চঙই, মসিগী মথক্তা অকি অখঙ খঙদবা অমসুং থৌনিংবগী অপাম্বা অমা য়াওবা তাই। এক্সপিদিসন খুদিংদা কনাগুম্বা অমনা পুন্সিগী অনৌবা অমা অদুমক তমজরবনি।

ভারত্তা তোঙান-তোঙানবা খেন্নবা অইং অশাগী ফিবমশিং লৈবনা মরম ওইদুনা মোতোরিং এক্সপিদিসনশিং অসি চহী চুপ্পা অমা তৌবা য়াবা থবক ওই। শম্না পল্লবদা হিমালয়গী মফমদা এক্সপিদিসন চৎপা হায়বসি কালেনথাগী মতমদা চৎনবা শেম শাবা য়াই, অসিগুম্না রাজস্থান্দা এক্সপিদিসন চৎকে হায়রবদি নিংথম্থাদা শীনবা য়াই, অদুগা ভারতকী নোংচুপ থংবা মফমশিং, মরুওইনা মহারাস্ত্রদা চৎকে হায়রবদি খ্বাইদগী ফবা মতমদি জুন্দগীনা সেপ্তেম্বর ফাওবনি।

খুদোল তম্লিবশিং অদুনা অৱাংবা মফমশিংদা চৎপদা খ্বাইদগী চান্নবা গারীদি এস.য়ু.ভি.শিংনি হায়রি, অমসুং খ্বাইদগী মরু ওইনা, গারীবু ইশানা ঙম্না থৌবগী হৈশিংবা লৈবা তাই।

খুদোল তম্লিবশিংনা 'তৌগদবশিংগী' লিস্ত অমা পীখি, মসিদা করিগুম্বা খুদোংথীবা থোক্লকপা মতমদা গারী শেম্বা য়াবা লম্বী ময়াইদা লৈবা সর্বিস সেন্তরশিংগী মরম য়াওরি। ত্যুব, তায়রনচিংবা স্পেয়র পার্তশিং পুবা, খোংচৎ হৌদ্রিঙৈদা গারী হান্না শেমজিনবা অমসুং খোংচৎ অদুবু নুংঙাইবা অমসুং নিংশিংনিংঙাই ওইবা খোংচৎ অমা ওইনবগীদমক গারীদা ঈশৈ থাবা য়ানবা হাপচিনবসিসু তঙাইফদে।

ইতিনরীশিংগী মতাংদা ৱা ঙাংলদুনা, হিমালয়দা চৎপা এক্সপিদিসনশিং অসিগী মনুংদা খ্বাইদগী নুংঙাইখিবশিং অসি নুমিৎ ৯-১০ ফাওবা ওই। খোংচৎশিং অসি চন্দিগরদগী হৌই, সিম্লা (চাক্লেন চানবা ঙৈহাক খামই) নর্কন্দা (হাথু লাইশঙদা য়েংবা অমসুং অহিং অমা লেকপা) সংলা (নুমিৎ নিনি লৈথদুনা নুংথিলগী মতমদা লোকেল ত্রিপ চৎপা) স্পিতি তম্পাক্কী নাকো (তেন্ত কেম্পশিংদা য়ারেকপা) কাজা তম্পাক (খুঙ্গং অসিগী খ্বাইদগী ৱাংবা পোস্ত ওফিস লৈফম হায়বদি হিক্কিম পোস্ত ওফিস অমসুং মসিদগী চহী ৫০০ হেন্না লিরবা গু মম্মী মোনাস্ত্রী চৎপা) মনালি চন্দিগর।

অতোপ্পা পনবা য়াবা হিমালয়গী ইতিনরীদি চন্দিগর সংলা কাজা তম্পাক (নুমিৎ নিনি লৈবা) মন্দি (নুমিৎ ২) চন্দিগরনি।

তুম্ফমগী মতাংদা খন্নরদুনা, ৱা ঙাংলিবশিং অদুনা হায়খি মদুদি এক্সপিদিসনগী মতমদা হায়রিবা লম্বী অসিদা লৈফম চাফম পীবা মফম মতীক চানা লৈ হায়খি মসিগী মনুংদা স্তারগী থাক্তা লৈবা হোতেলশিং, হোম স্তে অমসুং অচম্বা গেস্ত হাউসশিং য়াওরি। অদুমওইনমক, কনাগুম্বা অমনা হোমস্তে লৈরবদি মসি ওইনা খনবনা ফৈ মরমদি মখোয়শিং অসিদি অরাকপা মীশিংবু লুনা চান্না তৌজৈ অমসুং মফম অদুদা কোইবা মতমদা মতেং য়াম্না পাংই। মফমদুগী মীয়ামগা উনবা মতমদা কনাগুম্বা অমনা মখোয়গী নাৎ, থাজবী, মফমদুগী ইনশাং মহাও, অমসুং লোল খঙবা ঙমগনি। মখোয়গী থৌজাল অসি তশেংনা অঙকপনি।

চহী হৌবা মতমদা চৎপা য়াবা মোতোর এক্সপিদিসনগী ইতিনরী অসি নুমিৎ ৭নি চঙই। মসিগী খোংচৎ অসি দিল্লী সিকার (অহিং অমা লেনবা) বিকানের (নুমিৎ ২) জৈসলমের (নুমিৎ ২) জোধপুর (অহিং অমা) জয়পুর (অহিং অমা) দিল্লী। অতেনবা খোংচৎশিংগীদমক, গুজরাত অসি নুমিৎ ৩নি রোমগী খোংচৎকী ওইনা অহেমদবাদ কৎচকী রান সহাবাদ চৎপা য়াই।

খা থংবা ভারতকী মীয়াম্না পাম্নবা এক্সপিদিসন্দি বেঙ্গলুরু চিক্মাগালুর কোচিন মুন্নারৱিচকী নুমিৎ ৪-৫নিগী খোংচৎনি।

অৱাং নোংপোক ভারতকী এক্সপিদিসন অসি য়াম্না নুংঙাইবা খোংচৎ অমা ওই। নাগালেন্দগী সরকারনা চহী খুদিংগী দিসেম্বর থাদা হোর্নবিল কুমহৈ শীল্লি, অসিগুম্না অরুনাচল প্রদেশনসু কোম্লাগী কুমহৈ পাঙথোকই। অসিগুম্বা কুমহৈগী মতমদা মফমশিং অসিদা কোইবা হায়বসি নুংঙাইবা, কুমহৈ, ঈশৈগী মহাও ফংগনি। মফম অসিগী মীশিং অসি অরাকপশিংবু ইকাই খুম্নৈ অমসুং মুখ্য মন্ত্রীদগী হৌরগা রাজ্য সরকার ওথোরিতীশিংনা অতিথীশিংবু তরাম্না ওক্লি। কনাগুম্বা অমনা গৌহাতী ইম্ফাল কোহিমা বন্দুলা তৱাং গৌহাতী খোংচৎকীদমক নুমিৎ ৭নিগী খোংচৎ শীনবা য়াই।

খুদোল তম্লিবশিংনা মখাগীশিং অসি মোতো এক্সপিদিসন অমগী মতমদা পুগদবনি হায়না পাউতাক পীখিঃ

• দ্রাইবিং লাইসেন্স
• শক্তাক চে
• ইদিয়ান ক্রেদিৎ কার্দ
• পাস্পোর্ত
• ইন্সুরেন্স কোবরেজ

মখা তানা, ইথৌদাং মশক খঙজবা লমকোইবা অমা ওইনা, কনাগুম্বনা অমনা মখাগী চৎন-কাঙলোনশিং অসি ইনগদবনিঃ

• অমোৎপা মফম চাদনা হুন্দোক্লোইদবনি। থেংবা শোকপা য়াদবা মফমশিং লৈ, মরুওইনা হিমালয়গী জগাদা, মখোয়শিং অসি মীশিংনা চঙশিল্লগা মোৎশিনবদগী মহৌশাগী ফজবা মাঙখিগনি।
• করিগুম্বা মফম অমগী চৎনবীশিং কনাগুম্বা অমনা ইকাইখুম্নবা উৎকদবনি। মফম অদুগী মীশিংগী প্রাইবেসী ঙাক্কদবনি। ঐখোয় খুদিংমক ইথৌদাং মশক খঙবা লমকোইবা ওইগদবনি অমসুং সেন্সতিব অমসুং নোন-ইন্ত্রুসিব ওইগদবনি।
• লাঙলোইদবনি অমসুং মফমদুগী অচীকপা থুগাইরোইদবনি। মফমদুগী ফজবা অচীকপদুগী নুংঙাইবদু লৌগদবনি।

দেখো অপনা দেশ ৱেবিনার অসি তুরিজম মন্ত্রালয়না নেসনেল ই-গবর্নান্স দিবিজন্দগী তেক্নিকেলগী ওইবা মতেংগা লোইননা ইলেক্ত্রোনিক্স অমসুং ইনফোর্মেসন তেক্নোলোজী (মৈতী)না শেমদুনা পুথোকপনি।

দেখো অপনা দেশ ৱেবিনার অসি মখাগী লিঙ্কশিং অসিদা ফংবীগনি

https://www.youtube.com/channel/UCbzIbBmMvtvH7d6Zo_ZEHDA/featured

http://tourism.gov.in/dekho-apna-desh-webinar-ministry-tourism

https://www.incredibleindia.org/content/incredible-india-v2/en/events/dekho-apna-desh.html

ৱেবিনারশিং অসিগী সেসনশিং অসি তুরিজম মন্ত্রালয়, ভারত সরকারগী সোসিএল মীদিয়া হেন্দলশিংদা ফংগনি।

মথংগী দেখো অপনা দেশ ৱেবিনার সেসন অসি জুন ২৭, ২০২০গী আই.এস.তি.দা ১১০০ তাবা মতমদা পব্লিক হেলথ ফাউন্দেসন ওব ইন্দিয়ানা খুদোল তমদুনা "কোবিদকী মতমদা লমকোইবা অমসুং তুরিজম্বু তেক্ত কাইদনা হাংদোকপাঃ হকশেলগী মীৎয়েং অমা" হায়বসিদা পাঙথোক্কনি। https://bit.ly/UnlockingTourism দা মিং চনবা য়ারে।

*****