ফ্রন্তলাইন ৱারসিপ খুদিংমক্তগী কাপ্পা য়াবা এদভান্স তোর্পেদো দিকোই সিস্তেম মারীচকী কন্ত্রেক্ত লোইশিনখিবগা লোয়ননা ঙসি ইন্দিয়ন নেভীগী এন্তি-সবমেরিন ৱারফ্যেরগী মপাঙ্গলদা অচৌবা ইনোৎ অমা হাপকৎলে‍। এন্তি-ত.র্পেদো দিকোই সিস্তেম অসিগী দিজাইন অমদি শেন শাবগী থবক অসি লমদমসিদা মপুং ফাবান দি. আর. দি. ও. লেবশিংনা (এন. এস. তি. এল. অমদি এন. পি. ও. এল.) তৌজবনি‍। দিকোই সিস্তেম অসি পুথোকপগী থবক দিফেন্স পি. এস. য়ু. অমা ওইরিবা ভারত ইলেক্তরোনিক লিমিদেতনা পায়খৎকনি‍। খনগৎলবা নেভেল প্লেতফোর্ম অমদা পানশিল্লবা সিস্তেম অসিগী প্রোতোতাইপ অমা য়ুজর ইভালুএসন ত্রাইল পুম্নমক লোইরে অমদি নেভেল স্তাফ ক্বালিফিকেসনগী মথৌ তাবগী মতুং ইন্না মহাক্কী ফিচরশিং উৎখ্রে‍।

শীজিন্নবা হৌখিবা অসিনা ইন্দিয়ন নেভী অমদি দি. আর. দি. ও.না খুৎশম্ননা লমদমশিদা শেমগৎচবা দিফেন্স তেক্নোলোজীদা থাংজিল্লিবা খোঙথাংশি তাকপদা নত্তনা লৈঙাক্কী ‘মেক ইন ইন্দিয়া’ থৌরাংদা অচৌবা ইনোৎ অমা পীবগা লোয়ননা হায়রিবা তেক্নোলোজী অসিগী লমদা লৈবাকসিগী ‘মরোমদোম লেপচবা ঙম্বগী’ ফিরেপ অদুবুসু হেন্না চেৎশিহল্লে‍।

*****