ਬਿਜਲੀ ਖੇਤਰ ਵਿੱਚ ਭਾਰਤ ਦੇ ਮੋਹਰੀ ਐੱਨਬੀਐੱਫਸੀ ਅਤੇ ਊਰਜਾ ਮੰਤਰਾਲਾ ਤਹਿਤ ਇੱਕ ਸੈਂਟਰਲ ਪਬਲਿਕ ਸੈਕਟਰ ਅਦਾਰੇ,  ਪਾਵਰ ਫਾਇਨੈਂਸ ਕਾਰਪੋਰੇਸ਼ਨ  (ਪੀਐੱਫਸੀ)  ਨੇ ਕੋਵਿਡ-19  ਦੇ ਪ੍ਰਕੋਪ ਸਹਿਤ ਕਈ ਚੁਣੌਤੀਆਂ ਦੇ ਬਾਵਜੂਦ ਵਿੱਤ ਵਰ੍ਹਾ 2019- 20  (ਅਪ੍ਰੈਲ-ਮਾਰਚ)  ਸਫਲਤਾਪੂਰਵਕ ਸਮਾਪਤ ਕੀਤਾ।

ਕਰਜ਼ੇ ਦੇਣ ਵਾਲੀ ਸੰਸਥਾ ਨੇ ਪਿਛਲੇ ਵਿੱਤ ਵਰ੍ਹੇ ਵਿੱਚ ਲਗਭਗ 68,000 ਕਰੋੜ ਰੁਪਏ ਦੇ ਕਰਜ਼ਿਆਂ ਦੀ ਅਦਾਇਗੀ ਕਰਨ ਨਾਲ 1 ਲੱਖ ਕਰੋੜ ਰੁਪਏ ਤੋਂ ਅਧਿਕ ਦੇ ਕਰਜ਼ੇ ਦੀ ਪ੍ਰਵਾਨਗੀ ਦਿੱਤੀ।  ਵਰ੍ਹੇ ਦੀ ਵਿਸ਼ੇਸ਼ ਗੱਲ ਇਹ ਰਹੀ ਕਿ ਕੋਵਿਡ-19 ਨੂੰ ਫੈਲਣ ਤੋਂ ਰੋਕਣ ਲਈ ਦੇਸ਼ ਵਿਆਪੀ ਲੌਕਡਾਊਨ ਦੇ ਬਾਵਜੂਦ ਮਾਰਚ 2020 ਦੇ ਅੰਤਿਮ ਹਫ਼ਤੇ ਵਿੱਚ 11,000 ਕਰੋੜ ਰੁਪਏ ਦੇ ਕਰਜ਼ਿਆਂ ਦੀ ਅਦਾਇਗੀ ਕੀਤੀ ਗਈ। ਆਈਟੀ ਦੇ ਮਜ਼ਬੂਤ ਬੁਨਿਆਦੀ ਢਾਂਚੇ ਦੇ ਨਾਲ,  ਪੀਐੱਫਸੀ ਨੇ ਕਾਫ਼ੀ ਵੱਡੀ ਅਦਾਇਗੀ ਕਰਨ ਦਾ ਅਦਭੁੱਤ ਕਾਰਜ ਕੀਤਾ ਹਾਲਾਂਕਿ ਕਰਮਚਾਰੀ ਘਰ ਤੋਂ ਕੰਮ ਕਰ ਰਹੇ ਸਨ।

ਸਾਲ ਦੌਰਾਨ,  ਪੀਐੱਫਸੀ ਨੇ ਆਪਣੇ ਇੱਕ ਡਿਵੀਜ਼ਨ  ਦੇ ਕਾਰਜ ਨਾਲ ਜੁੜੇ ਮਾਲਿਆ ਵਿੱਚ 16%  ਦਾ ਵਾਧਾ ਦਰਜ ਕੀਤਾ,  ਜਦਕਿ ਉਸ ਨੇ ਵਿੱਤੀ ਸੰਸਥਾਨਾਂ ਦੁਆਰਾ ਅਦਾ ਕੀਤੀ ਜਾ ਰਹੀ ਵਿਆਜ ਦਰ ਵਿੱਚ 16 ਬੀਪੀਐੱਸ ਦੀ ਕਮੀ ਕੀਤੀ।  ਕੰਪਨੀ ਦਾ ਸ਼ੁੱਧ ਐੱਨਪੀਏ 4.55%  ਤੋਂ ਘਟ ਕੇ 3.8%  ਹੋ ਗਿਆ,  ਜੋ ਰਿਣਦਾਤਾ ਦੇ ਮਜ਼ਬੂਤ ਪ੍ਰਦਰਸ਼ਨ ਨੂੰ ਦਰਸਾਉਂਦਾ ਹੈ।  ਇਸ ਦੇ ਇਲਾਵਾ,  ਕੰਪਨੀ ਨੇ ਆਪਣੀ ਕਰਜ਼ਾ ਪਰਿਸੰਪਤੀ ਵਿੱਚ 10%  ਦਾ ਵਾਧਾ ਦਰਜ ਕੀਤਾ,  ਵਿੱਤੀ ਸੰਸਥਾਨਾਂ ਦੁਆਰਾ ਅਦਾ ਕੀਤੀ ਜਾ ਰਹੀ ਵਿਆਜ ਦਰ ਵਿੱਚ 16%  ਬੀਪੀਐੱਸ ਦੀ ਕਮੀ,  ਅਤੇ ਵਿੱਤੀ ਸੰਸਥਾਨ ਦੁਆਰਾ ਕਰਜ਼ਾ ਦੇਣ ਦੀ ਦਰ ਵਿੱਚੋਂ ਜਮ੍ਹਾਂ ਦਰ ਨੂੰ ਘਟਾਉਣ ਨਾਲ ਪ੍ਰਾਪਤ ਦਰ ਵਿੱਚ 16 ਬੀਪੀਐੱਸ ਦਾ ਵਾਧਾ ਹੋਇਆ।  ਇਸ ਦੇ ਇਲਾਵਾ,  ਵਿੱਤ ਵਰ੍ਹੇ ਦੌਰਾਨ,  ਪੀਐੱਫਸੀ ਨੇ ਦੋ ਰੁਕੇ ਹੋਏ ਪ੍ਰੋਜੈਕਟਾਂ -  ਰਤਨ ਇੰਡੀਆ ਅਮਰਾਵਤੀ ਅਤੇ ਜੀਐੱਮਆਰ ਛੱਤੀਸਗੜ੍ਹ ਦਾ 2,700 ਕਰੋੜ ਰੁਪਏ ਨਾਲ ਸਮਾਧਾਨ ਕੀਤਾ।

ਚੁਣੌਤੀਪੂਰਨ ਵਾਤਾਵਰਣ ਦੇ ਬਾਵਜੂਦ,  ਵਾਈਓਵਾਈ ਦਾ ਸ਼ੁੱਧ ਲਾਭ ਵਿੱਤ ਵਰ੍ਹੇ 2019  ਦੇ 6953 ਕਰੋੜ ਰੁਪਏ ਦੇ ਮੁਕਾਬਲੇ ਵਿੱਤ ਵਰ੍ਹੇ 20 ਲਈ 6788 ਕਰੋੜ ਰੁਪਏ ਰਿਹਾ,  ਜਿਸ ਵਿੱਚ ਕਾਰਪੋਰੇਟ ਟੈਕਸ ਦਰ ਵਿੱਚ ਬਦਲਾਅ ਕਾਰਨ ਡੀਟੀਏ ਦਾ ਇੱਕ ਵਾਰ ਦਾ ਪ੍ਰਭਾਵ ਸ਼ਾਮਲ ਨਹੀਂ ਸੀ।  ਵਿੱਤ ਸਾਲ 20 ਦੇ ਪਿਛਲੇ 45 ਦਿਨਾਂ ਵਿੱਚ ਗਿਰਵੀ ਦਰ ਵਿੱਚ 6%  ਦੀ ਅਸਧਾਰਨ ਭਿੰਨਤਾ ਦੇ ਕਾਰਨ ਲਾਭ ਵੀ ਪ੍ਰਭਾਵਿਤ ਹੋਇਆ ਹੈ।

ਵਿੱਤ ਸਾਲ 2019-20  (ਏਕੀਕ੍ਰਿਤ ਅਧਾਰ)  ਦੇ ਵਿੱਤੀ ਮੁੱਖ ਆਕਰਸ਼ਣ ਵਿੱਚ ਸ਼ਾਮਲ ਹਨ ;  15%  ਮਾਲਿਆ ਵਾਧਾ,  12%  ਕਰਜ਼ਾ ਪਰਿਸੰਪਤੀ ਵਾਧਾ,  ਸ਼ੁੱਧ ਐੱਨਪੀਏ 4.20%  ਤੋਂ ਘਟ ਕੇ 3.57%  ਹੋ ਗਿਆ।

***

ਆਰਸੀਜੇ/ਮੋਨਿਕਾ/ਆਰਪੀ