১৯৪১-১৯৪৫গী গ্রেত পেত্রিয়োতিক ৱার অদুদা মতম অদুগী সোভিয়েৎ মীয়াম্না মাই পাকখিবগী ৭৫শুবা নিংশিং থৌরম অদু রসিয়ানা পাংথোকখ্রে৷ ২০২০গী জুন ২৪দা মোস্কোগী রেদ স্ক্ব্যরদা পাংথোকখিবা ভিক্তরী দে পেরেদ অদুদা ইন্দিয়ন আর্ম ফোর্সেস কন্তিঞ্জেন্তনা শরুক য়াখ্রে৷ ইন্দিয়ন আর্ম ফোর্সেসকী রেঙ্ক খুদিংমক্কী মীওই ৭৫ য়াওরবা ত্রাই সর্ভিস কন্তিঞ্জেন্ত অদুনা রসিয়ান আর্ম ফোর্সেসকী কন্তিঞ্জেশিং অমসুং অতোপ্পা লৈবাক ১৭কা লোইননা পেরেদ অদু চৎখি৷ ঙাকশেল মন্ত্রী শ্রী রাজনাথ সিংহনা থৌরম অদুদা য়াওনবগী অখন্নবা বার্তন ফংখিবা মীওইশিংগী মনুংদা অমা ওইখি৷

এক্সিস পাৱরশিংগী মাইয়োক্তা অৱাং অমসুং নোংপোক্তা চৎথখিবা অফ্রিকান কেম্পেন্দ, ৱেস্তর্ন দিজার্ত কেম্পেন্দ অমসুং য়ুরোপিয়ন থ্রেতরদা শরুক য়াখিবা খ্বাইদগী চাওরবা এলাইদ ফোর্সেস কন্তিঞ্জেন্তশিংগী মনুংদা অনিশুবা লাঞ্জাও মতমগী ব্রিতিশ ইন্দিয়ন আর্ম ফোর্সেসসু অমা ওইখি৷ কেমপেন্দশিং অসিদা ভারতকী লান্মী ৩৪,৩৫৪ অশোক অপন নংখিবতা নত্তনা লান্মী লিশিং ৮৭ হেন্না থৱাই কৎখ্রে৷ ভারতকী লান্মী অদুনা মাইকৈ খুদিংমক্তা লানথেংনবতা নত্তনা খা থংবা মাইকৈ, ত্রান্স-ইরানিয়ন লেন্দ-লিস লম্বীদা পোৎ-চৈ পুথোক পুশিন তৌখি, ৱেপনশিং, এম্মুনিসনশিং, ইক্ব্যুইপমেন্তগী স্পেয়র পার্তশিং অমসুং চানবা চিঞ্জাকশিং সোভিয়েত য়ুনিয়ন, ইরান অমসুং ইরাখতা পুথোক পুশিন তৌখি৷ ভারত লান্মীশিংগী মথৌনা অদু ১৮ ভিক্তোরিয়া অমসুং জিওজ ক্রোস য়াওবা এৱার্দ লিশিং ৪ হেনবা দেকোরেসনশিং পীদুনা ইকাই খুম্নখ্রে৷ মসিগীসু মথক্তা মতম অদুগী সোভিয়েত য়ুনিয়ননা ভারত লান্মীশিংগী মথৌনা অদুবু থাগৎলম্মী অমসুং ১৯৪৪গী মেগী তাং ২৩দা মিখেল কলিনিন অমসুং এলেকজেন্দর গোর্কিননা খুৎয়েক পীরবা য়ু.এস.এস.আর.গী সুপ্রিম সোভিয়েতকী পর্সিদিয়ম অদুনা রেদ স্তারগী ইকাইখুম্নরবা ওদরশিং অদু র্রোয়েল ইন্দিয়ন আরমী সর্ভিস কোর্পশিংগী সুবেদার নরায়ন রাও নিক্কম অমসুং হবিল্দার গজেন্দ্র সিংহ চান্দদা পীদুনা ইকাই খুম্নবা উৎখি৷

*****