কেমিকেল অমসুং ফর্তিলাইজর মন্ত্রী শ্রী দি.ভি. গোরানা তালচর ফর্তিলাইজর্স লিমিতেদ (তি.এফ.এল.)গী খুমাং চাউশিনবগী ফিবম কুপ্না য়েংশিনখ্রে।

তালচর ফর্তিলাইজর লিমিতেদকী এম.দি. শ্রী এস.এন. য়াদব অমসুং শ্রী এস. গৱারে, দিরেক্তর (ওপরেসন)গা লোইননা ফমখিবা মীফম অমগী মনুংদা

তালচর ফর্তিলাইজর্স লিমিতেদনা ওরিশাগী তালচরদা চহীদা কেপাসিতী মেত্রিক তন লাখ ১২.৭গী এরিয়া য়ুনিৎতা থবক পায়খৎলি। হায়রিবসি গাইল, সি.আই.এল., আর.সি.এফ. অমসুং এফ.সি.আই.এল.না প্রোমোৎ তৌবা জোইন্ত ভেঞ্চর কম্পেনী (জে.ভি.সি.)১ অমনি। মপুং ফারকপা মতমদা মসিনা ভারত্তা য়ুরিয়া পুথোকপদা কোইল গ্যাসিফিকেসন তৌবা অহানবা কম্পেনী ওইরগনি। প্রোজেক্ত অসিগী চাউরাকপা চঙগদবা শেনফম অসি ভারতকী শেলদা লুপা কোতি ১৩,২৭০ ওইগনি। প্রোজেক্ত অসিগী মায় পাক্না মপুং ফারকপা মতমদা ভারতনা মপান্দগী পুশিল্লকপা য়ুরিয়াদা তাংজরম্বদু হন্থরগনি অমসুং হকথেংননা অমসুং নাকোইননা মীওই কয়াদা থবক পীরগনি।

মীফম অদুগী মনুংদা, এম.দি. ওইরিবা শ্রী এস.এন. য়াদবনা প্রোজেক্ত অসিগী খুমাং চাউশিনবগী পাউদম থমখি অমসুং প্রোজেক্ত অসি থবক ওইনা পায়খৎপা মতমদা কোবিদ-১৯না মতম ওইদুনা খুদোংচাদবা কয়া পীরিবশিংগী মতাংদা থমখি। মহাক্না হায়খি মদুদি, থবক অসি মে থাদগী হৌখি, অমসুং খুমাং চাউশিল্লক্লি। অদুমওইনমক, চত্থোক-চৎশিন্দা অথিংবা লৈরকপা অমসুং শিন্মী মশীং হন্থরকপা কয়ানা হৌজিক ফাওবদা প্রোজেক্ত অসি থা তরুক অমুক চোন্থরে। মহাক্না প্রোজেক্ত অসি পীখিবা লোইবগী মতমদুফাওবগী মনুংদা লোইশিনবা ঙম্নবা হোৎনগনি হায়না থাজবা থমখি।

কোবিদ-১৯না মরম ওইদুনা প্রোজেক্ত অসি থবক ওইনা পায়খৎপদা হৌজিকফাওবদা মতম লৌবদি য়াই, অদুমওইনমক, হৌজিক পন্থরিবা মতম অসি তুংদা খোংজেল য়াংনা শুজিন্দুনা প্রোজেক্ত অসিগী থাখিবা অরোইবা মতম সেপ্তেম্বর ২০২৩দা লোইশিনবা ঙম্নবা হোৎনগদবনি হায়না মন্ত্রীনা থমখি। লোইশিনলকপা মতমদা তি.এফ.এল.গা লোইননা অতোপ্পা রামগুন্দম, গোরাখপুর, বরৌনি অমসুং সিন্দ্রীদা পায়খৎলিবা রিবাইবেল প্রোজেক্তশিং অসিনা প্রধান মন্ত্রীনা মঙজরিবা মঙলান হায়বদি ঊরিয়া পুথোকপদা মীপান তাংদবগী মঙলান অদু মঙফাওনবা ঙম্লগনি।

*****