শ্রী মনসুখ মন্দাবিয়া, সিপ্পিং ইন চার্জ (আই./সি.) মিনিস্তর ওফ স্তেতনা ভারতকী সমুদ্রগী মফমশিংদা অহোংবা অমা পুরক্নবগী পান্দমদা মিনিস্ত্রি ওফিসিয়ল কয়া য়াওনা পাংথোকপা ‘চাই পে চর্চা’ হায়বা মীফম অমদা ঙসি সিপ্লেন প্রোজেকশিংগী মতাংদা য়েংশিনখ্রে।

সিপ্লেন প্রোজেক অসিনা লৈবাক অসিগী অরাপ্পা মফমশিং অমদি চীংগী লমশিংদা থুনা-য়াংনা অমদি খুদোংথিবা য়াওদনা লম্বী চৎপা য়াবগী খুদোংচাবা ফংহল্লগনি। হৌজিক ফাওবদা উরান (উরান) স্কিমগী রিজনেল কনেক্তিভিতি রুতশিংগী মখাদা সিপ্লেন লম্বী ১৬ খনগৎখ্রে। হায়রি সিপ্লেন লম্বী ১৬ অসিগী মনুংদা সবরমতি অমদি সরদার সরোভর- স্তেচ্যু ওফ য়ুনিতিগী লম্বীশু য়াওরি অমসুং লম্বী অসিগী হায়দ্রোগ্রাফিক সরভে তৌবা লোইখ্রে।

শ্রী মন্দাবিয়ানা হায় মদুদি সবরমতি অমদি নর্মদা তুরেলগী স্তেচ্যু ওফ য়ুনিতি সিপ্লেন লম্বী অসিনা মতম য়াম্না চংহন্দবদা নত্তনা লমকোইবা কয়াগী পুক্নিং হেন্না চিংশিনবা ঙম্লগনি মরমদি মসি ফাওদুনা চৎপদা নর্মদা তম্পাক অমদি স্তেচ্যু ওফ য়ুনিতি অৱাংবা মফমদগী য়েংবা ফংলগনি। শ্রী মন্দাবিয়ানা ওফিসিয়লশিংদা য়াথং পীখ্রে মদুদি মখোয় অমেরিকা, কনাদা, মালদিভ্স অমদি ওসত্রেলিয়ানচিংবা লৈবাকশিংগী ৱতরদ্রোম শাবগী থৌওংশিং চেকশিন্না নৈনরবা মতুংদা ভারতকী নিতি নিয়মগা চান্নবা ইন্দিয়ান মোদেল ৱতরদ্রোম শেমগদবনি।

শ্রী মন্দাবিয়ানা য়াম্না কুপ্না নৈনরবা মতুংদা সাগরমালা দেভলপমেন্ত কমপনি লিমিতেদ (এস.দি.সি.এল.) অমসুং ইনলেন্দ ৱাতরৱে ওথোরিতি ওফ ইন্দিয়া (আই.দব্লিযু.এ.আই.) দা ওক্তোবর ২০২০ ফাওবগী মনুংদা সবরমতি অমসুং স্তেচ্যু ওফ য়ুনিতিগী লম্বী শেম্বা হৌবদা খুৎশম্ননা চৎমিন্ননবা হায়খ্রে। সিপ্লেন লম্বীগী বেথিমেত্রিক অমসুং হাইদ্রোগ্রাফিক সরভেগী থবক ইয়রপোর্ত ওথোরিতি ওফ ইন্দিয়াগী মহুত্তা ইনলেন্দ ৱাতরৱে ওথোরিতি ওফ ইন্দিয়া (আই.দব্লিযু.এ.আই.)না সেপ্তেম্বর ২০২০ ফাওবগী মনুংদা তৌরগনি।

ইনলেন্দ ৱাতরৱে ওথোরিতি ওফ ইন্দিয়া (আই.দব্লিযু.এ.আই.)না সিপ্লেন প্রোজেক অসিগী মনুংগী ইশিং লম্বীশিং য়েংশিনগনি অমদি সাগরমালা দেভলপমেন্ত কমপনি লিমিতেদ (এস.দি.সি.এল.)না সিপ্লেন প্রোজেক অসিগী সমুদ্র খোংবালগী মফমশিং য়েংশিনগনি। ইনলেন্দ ৱাতরৱে ওথোরিতি ওফ ইন্দিয়া (আই.দব্লিযু.এ.আই.) অমসুং সাগরমালা দেভলপমেন্ত কমপনি লিমিতেদ (এস.দি.সি.এল.)না মিনিস্ত্রি ওফ সিপ্পিং, ফ্লাইত ওপরেতর, তুরিজমগী মন্ত্রালয় অমসুং দি.জি.সি.এগা খুৎশম্ননা চৎমিন্নগনি।

******