লুচিংবশিংনা অমসুং কেন্দ্রনা পীবা পাইতাকনা লমজিংদুনা লৈবাক অসিদা কোরোনা ভাইরসকী লায়চৎ লাকশিন্ননবা ময়াম পুন্না হোৎনবগী শরুক অমা ওইনা অমসুং হেল্থ ইনফ্রাস্ত্রকচর ফগৎহন্ননবা অমসুং তোঙান তোঙানবা স্তেৎশিং/য়ু.তি.শিংনা হোৎনবনা পঞ্জাবনা ভাইরস শন্দোকপা লাকশিনবদা খোংজেল য়াংবা উবা ফঙলে। স্তেৎ অসিগী ফগৎপগী চাং লেপ্পা লৈতনা ৱাংখৎলক্লি।

গভর্মেন্ত ক্বারন্তিন

পঞ্জাবকী তোঙান তোঙানবা মখলগী ললোংগী মরু ওইরিবা অসি কন্তেনমেন্ত জোনশিংদগী রিস্ক ৱাংবা/নারকপা য়াবা মীশিং সরকসরগী ক্বারন্তিনদা থম্বা অসিনি। শীবগী চাং হন্থহন্ননবা নাগনবা মীশিংগী কাংলুপ শেম্লি মসিদা চহি ৬০গী মথক, থম্মোয় অমসুং ফিরাককা মরী লৈনবা অনাবা লৈবশিং, হায়পর্তেন্সন, দাইবেতিস নত্রগা হকচাং শোল্লগা লৈরবা য়াওরি। হায়রিবা মীওইশিং অসি মখোয়গী মফম অদুনা কন্তেনমেন্ত ওইবা লোইদ্রিবা ফাওবা কন্তেনমেন্ত জোনশিংগী ৱাংমদা সরকারগী ক্বারন্তিনদা লৈনবা খুদোংচাবা পীরি। ক্বারন্তিনগী খুদোংচাবা অসি হোতেলশিং/লোদজশিং নত্রগা খুদোংচাগদবা মফমশিংদা পীরি। নারকপা য়াবা মীওই অসি য়েংশিন্ননবা মীওই অমা লোয়নরকপা য়াগনি। মীওই অদুগী মেদিকেলগী ওইবা মথৌ তাবশিং অদু ক্বারন্তিন ফেসিলিতীশিংনা য়েংশিনগনি। নোংমদা অনিরক মেদিকেল ওফিসর অমনা ক্বারন্তিন ফেসিলতীদা লৈবা মীওইশিং য়েংশিল্লি।

লাকশিন্ননবা অকনবা ললোং

পঞ্জাবনা লাকশিন্ননবা অকনবা ললোং অমা লৌখৎখি। কন্তেনমেন্ত জোনশিং অসি লম্বী অমা নত্রগা থংনবা লম্বী অনি, লৈকাই অমা নত্রগা রেসিদেন্সিএল সোসাইতী অমা ওইনা ময়েক শেংনা খাইদোকই। হায়রিবা অসি কোবিদ-১৯গী কেসশিংগী মখা পোন্না অপিকপা মফম ওইরগনা মফম অদু পুন্না নত্রগা করিগুম্বা মফম অদুনা চাওরবদি শরুক খরা ওইগনি। খুঙ্গংগী মফমশিংদদি মসিনা খুঙ্গং পুম্বা কোনশিনবা য়াই নত্রগা খঙ্গংগী শরুক অমা খক্তা ওইবা য়াই। মসিদা কুপনা য়েংশিল্লিবা অসিগী মরু ওইবা ৱাখল্লোন অসি অপিকপা/অককনবা মফমশিং মপুং ফানা কন্তেনমেন্ত তৌনবগী পান্দমদনি। ঙন্না খঙদোকপনা লায়না শন্দোকপা লাকশিনবদা মতেং পাংলি। হৌজিক ফাওবদা মীশিং ২৫০০০রোম লৈবা জিলা ৮দা কন্তেনমেন্ত জোন ১৯ লীংখৎখ্রে। তঙাইফদবা সর্ভিসশিং নত্তনা চৎথোক চৎশিন অমসুং থবক থৌরম পুম্নমক্তা অথিংবা থম্নবা অকোয়বদা য়েংশিল্লি। কন্না হোৎন্দুনা য়ুম অমদগী অমদা চৎতুনা কোবিদ-১৯গী লাইনা-লাইওংশিং উৎপা/চীংনবা মীওইশিং খঙদোক্লি। কোবিদ-১৯ পোজিতিব ওইরবশিং আইসোলেসন সেন্তরশিংদা থম্লি। অসুম তৌদুনা কন্তেনমেন্ত এরিয়াগী লৈরিবা মীপুং খুদিংমক চাং নাইনা স্ক্রীন তৌরি অমসুং কোবিদ-১৯নি চীংনবা কেসশিং তেস্ত তৌরি অমসুং পোজিতিব ওইরবশিং আইসোলেসন সেন্তরশিংদা থম্লি।

য়ুম অমদগী য়ুম অমদা চৎতুনা সর্ভে তৌবগী খুত্থাংদা সর্ভিলেন্স

“ঘর ঘর নিগ্রানি” অসি পঞ্জাব সরকারনা পুথোকখিবা কোবিদ-১৯ শন্দোকপা য়েংশিন্নবা মোবাইল বেজ- এপ অমনি। য়ুম অমদগী য়ুম অমদা পাংথোকপা সর্ভে অসি আশা ৱার্কশিং/কম্ম্যুনিতি ভোলুন্তিয়রশিংগী মতেংনা ঙন্না খঙদোক্নবা অমসুং মতম চানা তেস্ত তৌনবা পাংথোক্লি। এপকী খুথাংদা চহি ৩০গী মথক্তা লৈবা খুঙ্গং অমসুং সহরগী মীশিং পুম্নমক সর্ভে তৌখ্রে। মসিদা কো-মোর্বিদিতশিং অমসুং সারি/ইলি সর্ভিলেন্সকা লোয়ননা মীয়াম য়েংশিনবা য়াওরি। পুথোক্লিবা দাতা অসি মীৎয়েং চংবা মথৌ তাবা মফম য়েংশিন্নবা রিস্ক মেপ্পিং তৌবদা শিজিন্নৈ। জুন ২২, ২০২০ ফাওবদা মীওই ৮৪০২২৩ সর্ভে তৌখ্রে, মসিগী মনুংদা ৮৩৬৮২৯না লাইওং উত্তবা থেংনখি অমসুং ৩৯৯৭না লোক খুবা, লাইহৌ, খনাও কংবা, স্বর হোবা ৱাবগুম্বা লাইওংশিং থেংনখি।

হৌজিক চত্থরিবা সর্ভে অসি খুঙ্গং ৫৫১২ অমসুং অর্বান ৱার্দ ১১১২দা মপুংফানা পাংথোকখ্রে।

তেস্ত তৌবা

প্ঞ্জাবনা তেস্ত তৌবগী চাং হেনগৎহনখ্রে; হৌজিক নোংমদা ৮০০০ তেস্ত তৌরি। তেস্ত তৌবা হেনগৎনবা মোবাইল তেস্তিং ভেনশিং শিজিন্নরি। এপ্রিল ১০, ২০২০দা মিলিয়ন্দা তেস্ত ৭১ ওইরম্বদগী মসিনা শিংথানিংঙাই ওইনা মিলিয়ন্দা তেস্ত ৫,৯৫৩দা হেনগৎখ্রে। মসিগী হেনগৎপা অসিনা পঞ্জাবনা তেস্ত তৌবদা শরুক ৮৩দগী হেন্না হেনগৎখ্রে।

ভাইরস শন্দোকপা থিংনবা পঞ্জাবনা ৱিকএন্দশিং অমসুং শুতিশিংদা অথিংবশিং থমখ্রে অমসুং ফাইনশিংগী খুথাংদা প্রোতোকোল পুম্নমক চেকশিন্না ঙাক্না চৎনহনখ্রে।

*****