মশীং লৌথোক্লগা লীরবা য়ুবিগী মিনিম্ম সপ্পোর্ত প্রাইজ ভারত সরকারনা ২০২০গী কুম অসিগী ওইনা ক্বিন্তল অমদা লুপা ২৭০০/- ওইগদবনি হায়না লাউথোকখ্রে, অসুম্না ২০১৯গী কুমদা ক্বিন্তলদা লুপা ২৫৭১/- ওইরম্বদগী এম.এস.পি. অসি ৫.০২%দা হেনগৎখ্রে।

ৱাফম অসি থম্লদুনা লৌউ-শিংউ অমসুং লৌমীশিংগী য়াইফ থৌরাং, খুঙ্গং চাওখৎ থৌরাং অমসুং পঞ্চায়তী রাজকী কেন্দ্রগী মন্ত্রী শ্রী নেরেন্দ্রা সিংহ তোমার হায়খি মদুদি প্রুআন মন্ত্রী শ্রী নরেন্দ্রা মোদীগী মখাদা ভারত সরকারনা লৈবাক অসি শীনবা থুংনা মখল পুম্নমক্কী মহৈ-মরোংশিং থারিবা লৌমীগীদমক অহেন্নবা মীৎয়েং চংখ্রে। মশীং লৌথোক্লগা লীরবা য়ুবিগী এম.এস.পি. হেনগৎপা অসিনা অতেকপা য়ুবি পৈশিন্দুনা থম্বা হেনগৎহনখ্রে অসুম তৌদুনা য়ুবি থারিবা স্মোলহোল্দর লৌমী মিলিয়ন কয়াদা এম.এস.পি.গী কান্নবা ফঙহল্লগনি।

য়ুবি অসি স্মোলহোল্দরগী মহৈ মরোং ওইবনা লৌমীগী থাক্তা এগ্রিগেসন অমসুং কোপ্রা শেমবগী খুদোংচাবা লৈতে হায়না শ্রী তোমারনা হায়। ২০২০গী কুমগী ওইনা মিলিং কোপ্রাগী এম.এস.পি. অসি ক্বিন্তল অমদা লুপা ৯৯৬০/- ওইরবসু মশীং লৌথোক্লগা লীরবা য়ুবিগী এম.এস.পি. হেনগৎপা অসিনা পোথোক অসি থম্বা ঙমদবা অমসুং কোপ্রা শেমনবা খুদোংচাবা মরাং কাইনা লৈতবা অপিকপা লৌমীসিংদা খুদক্তা শেল ফংহল্লি। লায়চৎ অসিনা অৱাবা মায়োক্নহল্লিবা অমসুং সপ্লাই চেনদা অকাইবা লাকপনা শোকহল্লবা য়ুবি থারিবা লৌমীশিংগী অৱাবা অমদি কোকহল্লগনি।

*****