ইরৈবাকসিগী অরিবা হেল্থ সাইন্স-য়োগগী মতাংদা য়াম্না কান্নবা মওংদা কান্নবা পীরিবশিংগী মতাংদা উৎননবগীদমক্তা তুরিজম মন্ত্রালয়গী অন্তর্রাস্ত্রীয় য়োগ নুমীৎকী থৌরমদা দেখো অপনা দেশকী ৱেবিনারগী পরিংগী মখাদা ‘য়োগগী পন্থুংফম অমা ওইনা ভারত’ হায়না মিংথোনবা ৩৫ শুবা ৱেবিনার পাংথোকখ্রে।

অন্তর্রাস্ত্রীয় য়োগ নুমীৎকী ৱেবিনার অসিদা হৌজিক্কী ওইরিবা য়োগনা য়ৌরিবা লমশিং অমসুং মতৌ করম্না পাক চাওবা মওংদা মসি য়ৌহল্লকপা ঙমগদগে অদুগা ভারতকী তুরিজমগী ফীভম ফগৎহল্লক্কদগে হায়বসি পুথোক্তুনা উৎখি। দেখো অপনা দেশ ৱেবিনারগী পরিং অসি এক ভারত শ্রেশ্থ ভারতকী মখাদা ভারতকী ইনাক-খুল্লবা তোঙান-তোঙানবা মওংদা লৈরিবশিং অসি উৎনবনি।

জুন ২১, ২০২০দা পাংথোকখিবা দেখো অপনা দেশ ৱেবিনারগী পরিংগী ৩৫ শুবা সেসন অসি তুরিজম মন্ত্রালয়গী এ.দি.জি. শ্রী রুপিন্দর ব্রারনা মোদরেতর ওইখি অমসুং গ্রীনৱে(সোসিএল ইম্পেক্ত কম্পনি)গী সি.ই.ও. অমসুং মধ্য প্রদেশকী মহৌশাগা য়াম্না চুনবা মওংগী ওইবা মহুৱা ভেন রিজোর্তকী ফাওন্দর শ্রী অচল মেহরাওনা পুথোকখি। য়োগগী ওজা অমা ওইনা, অচলনা মুম্বইদা চাং নাইনা তম্বিরক্লি অমসুং য়ুনাইতেদ কিংদম অমসুং পেরিসকী অন্তর্রাস্ত্রীয় য়োগ কুহ্মৈদসু তম্বিরকখিবদা নত্তনা পেঞ্চতা লৈবা মহাক্কী রেজোর্তা চাং নাইনা য়োগাবু অমুক হন্না তৌনবগী মওংদা থবক তৌরি।

ঐখোয়গী ৱাঙাংলোয় শ্রী অচল মহেরানা য়ুনাইতেদ কিংদমদা থম্বিখিবা ৱারোলদা জুন ২১ অসি নোংপোকথংবা হেমিসফেয়রদা খ্বাইদগী শাংবা নুমীৎ ওইবা অমসুং মালেমসিগা শরুক কয়াদা শিংথানিংঙাই ওইবা কয়াগী মওংদা লৌনবা মরম্না অন্তর্রাস্ত্রীয় য়োগগী নুমীৎ হায়না পাংথোক্নবা ৱাফম থম্বিখিবা ইকাই খুম্নরবা প্রধান মন্ত্রীনা হোৎনরিবশিং অসি থাগৎলদুনা সেসন অসি হৌদোকখি। মরম অসিনা অহানবা অন্তর্রাস্ত্রীয় য়োগগী নুমীৎ অসি জুন ২১, ২০১৫দা পাংথোকই অমসুং মতমদুদগী ঐখোয়গী লীরবা অমসুং ইপানাৎ-ইপুনাৎকী ওইরবা খুদোল-য়ৌগ অসি মালেমগী ওইবা মওংদা শক খংনবগীদমক দাবি তৌখি। হন্দক্কী চহীগী ওইনা য়োগগী থীম অসি তমথিরবা লায়চৎ অসিদা য়াম্না নিংথিজনা কান্নবা ফহন্নবগী ওইনা লৌরগা ‘অন্তর্রাস্ত্রীয় য়োগগী নুমীৎ অসি য়ুমদা য়োগা তৌবা, ইমুং-মনুংগা লোয়ননা য়োগ তৌবা’ ওইনা ওইরি।

অচলগী মতুং ইন্না, য়োগ হায়বসি শুপ্নতগী হকচাংগী শাজেল ওইবখক্তা নত্তনা মপুং ফাবা মীওইবা অমা ওইনবগী মায়খুম অদু হাংদোক্তুনা হকচাং শেংনা থম্নবা অমসুং নুংঙাই-য়াইফনা লৈনবসুনি। য়োগনা মীওইবগীদমক তৌরিবা অসি হকচাংদা, ৱাখলদা, পুক্নিংদা অমসুং নুংগী ওইবা হীরম মরীদনি। হকচাংগী ওইবা হীরমসিদা লান্না খন্নবা অমা লৈ মদুদি মসি য়াম্না মেংবা সাজেলনি অমসুং মসিনা হকচাং লুম্বা হন্থহনবদা মতেং পাংদুনা মওং তাহল্লি হায়না। মসিগী অরানবা ৱাখল অসি অচলনা চুমথোক্লদুনা ফোংদোকখি মদুদি য়োগনা হকচাংগী চাংয়েং অসি মখল অহুমদা চাংয়েং তৌই- পাঙ্গল, চাং পুবা ঙম্বা অমসুং খাংবা কনবা। কনাগুম্বা অমনা সুর্য় নমস্কারগী সেসন অসি পুং অমা তৌবদা হকচাংগী অরুম্বা অসি গ্রাম ৩০০ হন্থহনবা য়াই। য়োগগী মপুং ওইবা পান্দমদি শক্তিগী থাকশিং অসি হেনগৎহনবনি। খুদম ওইনা, শ্বর চিংথোক-চিংশিন শান্নদুনা অনুলোম-বিলোম তৌবা অসিনা থবোম্বিগী শক্তিগী থাক অসি হেনগৎহনবদা মতেং পাংই।

শক্তিগী থাক অসি হেনগৎহনবদা নত্তনা য়োগ তৌবা অমসুং আসনশিংসিনা ৱাখল অসি ইংথনা থম্বদা মতেং পাংই। ভারত্তা ৱাখল-পুক্নিং ইংথনা থম্বা ঙম্বা ‘স্তিরসুখম আসন’ হায়বদি হকচাংগী ফীভম অসি মতম শাংনা ৱাখলদা লেংদনা ইনোৎ হাপ্পগী ৱাহন্থোক্কী ওইবা পতঞ্জলীগুম্বা য়োগগী অথোইবা শকউদবা সুত্র খরগী মওং লৈ। মসি হকচাংদা থোক্লিবা অমসুং অসি ৱাখলদা থোক্লকপগী সাইন্তিফিক প্রিন্সিপলগী মরুমদা থবক তৌই। করিগুম্বা হকচাং অসি লেংদনা লৈরবদি ৱাখলদু অদুম্মক লেংদনা লৈগনি। অতোপ্পা অমনা ‘অনন্ত সম্পতী ব্রহ্ম’ হায়বদি নহাক্কী নাপলশিং অদু থাদোকপা হায়বনি।মসিনা হায়রি মদুদি য়োগ অসি হকচাংগীখক্তনা লোইবা নত্তনা অরেপ্পা মতম অমদা শাংনা অমদি থনুং য়ৌনা শ্বর হোনবনা ৱাখল অসি ইংনা থম্মি।

য়োগ অমসুং নুংঙাইনা লৈনবগী মওং অদু য়ৌবা খংহন-উহনবা ঙমহন্নবা ভারত্তা অচৌবা অরিবা ৱাখলগী মঙাল পীনবা য়োগ স্কুলশিং অমসুং ইন্সতিত্যুতশিং কয়া অমা লৈ। লৈবাক অসিদা য়োগগী স্কুলশিং- অশতঙ্গ য়োগ অমসুং হথা য়োগ অসি লৈ। রিশিকেশতা অফাওবা ইন্সতিত্যুতশিং খরা, গোৱাদা য়োগগী ধর্মশালা, দেল্লীদা মোরার্জি দেসাই নেস্নেল ইন্সতিত্যুত ওফ য়োগ অমসুং লৈবাক অসিদা য়োগগী মরুওইবা ৱাখল্লোন অসি শন্দোক্নবা সেন্তর কয়ামসু লৈ। ইন্সতিত্যুতশিং অসিদা নত্তনা ঐখোয়গী লৈবাক অসিদা য়োগ অমসুং নুংঙাইনা লৈনবগী ফংহনবা ঙম্বা কয়ামসু লৈরি। খুজারাও, পোন্দিচেরী, রাজস্থান অমসুং সিক্কিমগুম্বা ওর্গানিক ওইবা অমসুং নাৎ অমসুং মহৌশাগা য়াম্না নকশিন্নবা রাজ্যশিংনি। অদুম ওইনমক মফমশিং অসিদা লন অমদি নুংঙাইনা য়াইফনা লৈনবগীদমক্তা য়োগগী ইন্তিত্যুতশিং অমসুং নুংঙাই-য়াইফনা লৈনবগী সেন্তরশিং শেমগৎপগী মথৌ তারি।

য়োগগী কান্নবশিং অসি নোংচুপ্লোমগী লম্না হান্না খংবা ঙমখি অমসুং হৌজিক্কী মতমসিদা নুংঙাই-য়াইফনা লৈনবা হেন্না ফজনা শেমগৎলবা-শাগৎলবা মফমশিং লৈরে অদুবু ঐখোয়গী লৈবাক অসিনা মশাগী ওইবা নাৎতা য়োগগী মরু ওইবা অদু খংলক্তুনা সেক্তর অসি হেন্না নিংথিনা শেমগৎনবা থবক চত্থরি। তমথিরবা লায়চৎ অসিগী মতমদা ইয়ু.এন.লৈবাক্না অন্তর্রাস্ত্রীয় য়োগগী নুমীত্তা য়োগগী ভর্চুএল থৌরম অমা পুং ১৫.০০দগী পুং ১৬.০০ ফাওবা পাংথোকখিবগী মতৌগুম ভর্চুএল সেসনশিং পাংথোক্নবা তেক্নোলোজীনা য়োগগী ইন্সতিত্যুতশিং অমসুং ত্রেনরশিংগীদমক্তা য়াম্লবা মীয়াম অমা ফংহনখ্রে। মসিনা ঐখোয়গী অরিবা লন অসি অন্তর্রাস্ত্রীয়গী থাক্তা হেন্না নিংথিবা মওংদা শকখংবিখ্রে হায়বা উৎলি। মরম অসিনা লমসিদা লৈরিবা ঐখোয়না হেন্না ফবা হকচাংগী মওংদা লৈবা ঙম্নবা অমসুং ঐখোয়গী তুরিজমগী ইন্দস্ত্রীদা অমদি মাগী পোত্থোকশিং অসি লায়চৎ অসিগী মতুংদা অহোংবা অমা পুরক্নবা ঐখোয়গী য়োগ অমসুং নুংঙাই-য়াইফনা লৈনবগী অরিবা নাৎ অমসুং চৎনবি অসি মনুং হঞ্জিন্না থিগৎকদবনি।

ইলেক্ত্রেোনিক্স অমসুং ইনফোর্মেসন মন্ত্রালয়(মৈতীঃনা শেম্বা নেস্নেল ই-গবর্নান্স দিবিজন(এন.ই.জি.দি.) অসিনা মন্ত্রালয় অসিনা দেখো অপনা দেশৱেবিনার অসি পাংথোকপদা নাগরিকশিংদা নিংথিজনা পাংথোকমিন্ননবা অমসুং দিজিতেলগী ওইবা মওংদা পাংথোক্নবা প্লেৎফোর্মদা স্তেকহোলদরশিংগা পাও ফাওননবা প্রোফেস্নেল তীম অমনা নিংথিজনা তেক্নিকেলগী তেংবাংশিং হকথেংননা পীদুনা তেংবাং পীবদা য়াম্না মরু ওইবা থৌদাং অমা লৌরি।

ৱেবিনার অসিগী সেসনশিং অসি হৌজিক

https://www.youtube.com/channel/UCbzIbBmMvtvH7d6Zo_ZEHDA/featured অমসুং ভারত সরকারগী তুরিজম মন্ত্রালয়গী সোসিএল মেদিয়া পায়বশিংদসু ফংবিরগনি।

*****