অপনা দেশ দেখো ৱেবিনার সিরিজকী ৩৪শুবা তাঙ্কক “ভারত: এ কলচরেল ত্রেজর” হায়না মিংথোন্দুনা জুন ২০ ২০২০দা পাঙথোকখ্রে। তোপ তোপ্পা সেসন অসি তুরিজম অমসুং কলচরগী স্তেৎকী মন্ত্রী (আই/সি) শ্রী প্রহলাদ সিংহ পতেলনা হৌদোকখিবা অমসুং য়োগী, লাইনীংবা, কবি অমসুং ৱাখল লৌশিং লৈরবা সাধগুরু জাগ্গি ভাসুদেবগুম্বা মমিং লৈরবশিংনা শরুক য়াখি; পেনেলোস্ত ওইনা শ্রী অজে সিংহ, সি.এম.সি., স্পাইসজেৎ; শ্রী রিতেশ এগরৱাল, ফাউন্দর অমসুং গ্রুপ সি.ই.ও., ওয়ো; কুমারি অনিতা দোনগ্রে, ফেসন দিজাইনর; শ্রী রনবীর ব্রার, সেলেব্রিতী চেফ; কুমারি রঞ্জু এলেক্স, ভাইস-প্রসিদেন্ত (মার্কেতিং)-মেরিএৎনা শরুক য়াখি। সেসন অসি তুরিজম মন্ত্রালয়গী এদিস্নেল দিরেক্তর জেনরেল কুমারি রুপিন্দ্রা ব্রারনা লান্থোকখি।

তুরিজম অমসুং কলচরগী স্তেৎকী মন্ত্রী (আই/সি) শ্রী প্রহলাদ সিংহ পতেলনা থৌরম হৌদোকপগী ৱারোল পীরদুনা ভারত মচাশিংদা ঐখোয়গী ইপা-ইপুশিংনা য়েলহৌঙৈ মতমদগী হৌনা য়োগ তৌদুনা লাক্লিবা অমসুং য়োগগী গুরুশিং ওইদুনা চৎনবী অসি ঙাক্তুনা লাক্লিবা, অদু থমদুনা য়োগগী কান্নবা অদু খঙহনখি। ঐখোয়গী লৈবাক অসিগী প্রজাশিংবু য়োগগী খুত্থাংদা ৱাখল অমসুং হকচাং ফনা লৈনবা চোকথবা লৈতনা হোৎনরিবা প্রধান মন্ত্রী শ্রী নরেন্দ্রা মোদীনা লৌখৎলিবা খোংথাংশিং অসিবু মহাক্নাসু থাগৎপা ফোঙদোকখি।

ৱারী ৱাতাই শাবা হৌবগা থৌরম লান্থোক্লিবা কুমারি রুপিন্দর ব্রারনা অহানবা পেনেলিস্ত শ্রী অজে সিংহ সি.এম.দি., স্পাইসজেৎ শক্তাকখি, মহাক্না এয়রলাইন ইন্দস্ত্রীনা কোবিদকী মতুংদা অমুক হন্না তুরিজম চাওখৎনবা করম্না তপ্না অমসুং লেপ্তনা হোৎনবগে হায়বা অদু থমখি। য়াম্না ঙকপা অমসুং মীয়াম্না খঙদবা সাধগুরুগী মরমদা ৱাফম অমা হায়দোক্লদুনা শ্রী অজেনা সাধগুরু অসি মহাক মশামক হেলিকোপ্তর পাইলোৎ অমসু ওই অমসুং মহাক এভিএসনগী ইমুং-মনুংগী মীহুৎ অমনি হায়না ভাবোক্তা খঙহনখি। সাধগুরুদা করিনা মরম ওইরগা পাইবা পাম্লিবনো অমসুং মহাক্না চৎলুরবা মীয়ামদা চৎলু হায়নিংবা খ্বাইদগী পুক্নিং হুনিঙাই ওইবা ভারতকী মফম অদু করম্বনো হায়না হঙলদুনা মহাক্না মখা তাখি। মসিদা পাউখুম পীরদুনা সাধগুরুনা হায় মঙোন্দা পাইনিংবগী ৱাখল্লোন অসি ঙল্লিঙৈ মতমদগী হৌনা ফাওখি অমসুং মহাক মশাগীদমক হেঙ গ্লাইদর অমা শাখি। মহাক্না পাইনিংবগী ৱাখল্লোন অসি উচেকশিংনা পাইবা উরুবদগীনি হায়না থমখি। ভারত্তা এলিকোপ্তরশিং পাক শন্না শীজিন্নদুনা ৱেস্তর্ন গাৎশিং, হিমালয়, অৱাং নোংপোক অসিনচিংবা ভারতকী মখল কয়াগী তেরেনশিং অসি মশিং য়াম্লবা লমকোইবশিংদা উহনবা ঙমগনি হায়না মহাক্কী ৱাখল্লোন ফোঙদোকখি। করিগুম্বা তেরেনশিং অসিনা মখোয়গী পুক্নিং চিংশিল্লবদি মীওই অদুনা হিমালয় অমসুং ৱেস্তর্ন খাৎকী চীংশাং পরেংশিং অসি শোইদনা চৎকনি অমসুং করিগুম্বা মীওই অমনা ধর্ম্মগা মরী লৈনবা ৱাখল পোকনিংলিবদি মসিদা মলেমগী মফম অমত্তদা লৈতবা মখল কয়াগী ধর্ম্মগী ওইবা পন্থুংফমশিং লৈরি। ভারিক্কী তুরিজম অসি কান্নগদবা মওংদা শীজিন্নগদবনি হায়না ৱাখল লৌশিং লৈরবা অসিনা থাজৈ।

মখা তারকপদা, মেরিএৎকী ভাইস প্রসিদেন্ত (মার্কেতিং)কুমারি রঞ্জু এলেক্সনা সেসন অসিগী মথংগী শরুক্তা ভারতকী কলচরদা নুপীবু করম্না থৌজল হৈবী অমসুং ইমুংবু হরাও নুংঙাইবগী হৌরকফম অমা ওইনা লৌদুনা নু্পী ওইবী হায়বা অসি মহৌশাদগী হৌনা থৌজক হৈবনা য়োমদুনা লাকই হায়না ফোঙদোকখি। অদুবু অসিগুম্বা ইকাইখুম্নবগী ৱাখল্লোন লৈরবসু হোস্পিতেলিতী ইন্দস্ত্রীদা নুপীনা থবক তৌবগী মশিং অসি শুপ্নতগী ১২% ওইরি। ঐখোয়না অৱাবা অসি মায়োক য়াবা করম্না ঙমগনি অমসুং ফীফমনিঙাই ওইরবা নুপীশিংবু ইন্দস্ত্রী অসিদা শরুক য়াবা মীওইশিং অমসুং অঙাকপনা থল্লবা ভারত অসি কোইরিবা লমকোইবা অমা ওইহনবা করম্না ঙমগদগে হায়না কুমারি রঞ্জুনা সাধগুরুদা হঙখি।

ৱাহং অসিগী পাউখুম পীরদুনা সাধগুরুনা হায় হোস্পিতেলিতী ইন্দস্ত্রীদা নুপীনা থবক তৌবগী চাং হেনগৎহন্ননবা ঐখোয়গী চৎনবী-নাৎতা মতম কুইনা চৎন্দুনা লাকলবা চৎনবী-নাৎ অমসুং শেনমিৎলোনদা অহোংবা, ইমুংগী ফীভম,অঙাং চেনবদা থম্লিবা ৱাখল্লোন অসিনচিংবদা চাওনা অহোংবা পুরকপা মথৌ তাগনি অদুবু মতমগী মতুং ইন্না অহোংবদি লাক্লি অমসুং তুংলমচৎতা চাং অসি হেনগৎলকপা শোইদনা উবা ফঙগনি।

ৱারী ৱাতাই শাবগী থৌরম অসিগী মখা তারকপা ওইনা ওয়োগী ফাউন্দর অমসুং গ্রুপ সি.ই.ও., শ্রী রিতেশ অগরৱালনা ভারত্তা খুঙ্গংগী তুরিজম অমসুং মসিগী কান্নবশিংদা য়ুম্ফম ওইরগা ৱাফমশিং ফোঙদোকখি। মহাক্না হায়খি খুঙ্গং অসি ভারতকী থৱায় ওইরিবনি অমসুং ঐখো্য়না লাইরিকশিংদগী খঙলি মদুদি লৌউ-শিংউ, লৌউবা অমসুং খুঙ্গং অসি ঐখোয়গী লৈবাক অসিগী থৱায় ওইরি। হৌজিক থোক্লিবা লায়চৎ অসিনা ঐখোয়না খুঙ্গংগী তাংলবা মগুন অসি খঙহল্লি অমসুং দেখো অপনা দেশ হায়বদি ঐখোয়গী ইশাগী লমদম অসি য়েংশি হায়বা অচৌবা খোংথাং অসি লৌখৎপদা থৌনা হাপ্পি। কুইনা চৎকদবা তুরিজমগী ইহৌ অমা হৌদুনা লৌমীশিংগীদমক খুদোংচাবশিং ফংহন্ননবা অমসুং লমকোইশিংনা মফম অদুগী খুঙ্গংশিং চৎতুনা অমসুং অসিগুম্লবা মফম অসিগী ফজবা অমসুং শক্তক অসি য়োখৎপগা লোয়ননা তুরিজমগী ইহৌ অমা করম্না হৌগদগে হায়বা অসিদা সাধগুরুগী ৱাখল্লোন অদু মহাক্না খঙদোকপা ঙমখি।

ৱাফম অসিদা সাধগুরুনা য়াম্না কান্নগদবা ৱাখল্লোনশিং থম্লদুনা মহাক মশামক মসি তৌবা পাম্লিবনি হায়না খুল্লখি। অখন্নবা লমদম অমদা ক্লস্তরশিং লিংখৎতুনা মসি লায়না য়েংশিনবা ঙমগনি অমসুং জাতি কাংলুপশিং, লৌমীশিং অমসুং খুঞ্জাশিংগী তশেংবা মওং মতৌ অদুবু মীৎয়েং চংহন্দুনা চাওখৎহন্নবা মহাক্না ৱাখল্লোন থমখি। পুক্নিং চিংশিন্নিঙাই ওইবা নাৎকী ওইবা মওং মতৌশিং লৈবা ক্লস্তরশিং অসি য়েংশিল্লগা খেৎনবশিং অদু লৈহন্দবা য়াই। মসিগুম্বা খোংথাংশিং অসিনা ওথোরিতীশিং অমসুং এগ্রিগেতরশিংদা থৌদাং মশক খঙবা তুরিজম অমা ওইহনবদা মতেং ওইগনি লোয়ননা লমকোইবা লাক্লিবা মীওইশিংদা থৌদাং খঙহনগনি।

সেসন অসিগী অতোপ্পা পেনেলিস্ত অমা ওইরিবা সেলেব্রিতী চেফ, শ্রী রনবীর ব্রারনা ভারতকী চীঞ্জাক অসি মহাও লৈ অমসুং মচী ওই অদুবু মোদর্ন ৱেস্তর্নগী চীঞ্জাক অসিনা হকচাংদা কান্নবা পীবশিংগী সাইন্সতা হেন্না হকচিন্না লৌরি মরম অসিনা ইন্দিয়ন কলিনরী অমসুং ৱেস্তর্ন কলিনরীগী মরক্তা লৈরিবা অহোবা অসি করম্না শমজিন্নগনি হায়বা খঙনিংখি।

সাধগুরুনা ৱাহং অসিগী পাউখুম পীবদা মহাক্না থেংনখিবা অদু তমখি অমসুং অতেকপা চীঞ্জাক চাবগী কান্নবগী মতাংদা হৈনবী থম্বা অমসুং মীয়ামগা ৱারী শান্নবনা ঐখোয়গী অমসুং ৱেস্তর্ন কুজিনশিংগী মরক্তা লৈরিবা অহোবা অসি শমজিন্নবদা মতেং ওইগনি হায়না থমখি। ‌ওথেন্তিক ওইবা মওংদা মসি শেম্লগদি ভারত মচা নত্তবা মীওইশিংনা ঐখোয়না ভারতকী চীঞ্জাক চারিবা মওং অসিগুম্না চাগনি।

অরোইবদা ফেসন দিজাইনর কুমারি অনিতা দোংগ্রেনা হৌজিক মতমগী খ্বাইদগী মরু ওইবা হীরম অমা পুখৎলকখি। মহাক্না হায় ঙসি ঐখোয়না চৎনবী লায়না তুং ইল্লি অমসুং মসিগী মতুং ইন্না য়ো তৌরি অদুবু ঐখোয়না য়োগ অসি মালেমদা ঐখোয়বু করম্না শক তাক্লি হায়বগী মহূৎতা মসিনা ঐখোয়গী ৱাখল অমসুং হকচাংদা করি পীবা য়াবগে হায়বা য়েংবা মথৌ তারি।

ৱারোল অসি সাধগুরুনা য়ারবগা লোয়ননা ঙসি নহা ওইরিবা মীওই কয়ানা মশা মথন্তা শীবগী রিকোর্দ তৌরি। মহাক্না হায় মসি ঐখোয়গী ৱাখলশিং অমসুং পুক্নিংগী কেমিকেল রিএক্সন করম্না মেনেজ তৌগনি হায়বা ফন্দামেন্তলশিং ৱাৎপা ইদুকেসন সিস্তেমদগী লাকপনি। য়োগী সিস্তেমদা ঐখোয়গী হকচাং অমসুং পুক্নিংগী অচুম্বা কেমিস্ত্রীগী শাগৎনবা শন্দোক্না তাক্লবা সিস্তেন অমা য়াওরি। য়োগনা কনাগুম্বা অমনা তোয়না হোংবা মপানথোংগী ফীভমশিং কন্ত্রোল তৌবদা মতেং পাংবা য়াম্না নঙাইরবা কেমিস্ত্রী অমা ফংবদা মতেং পাংই। কনাগুম্বনা অৱাবা তাবগী অকীবা অমা লৈত্রবা খক্তদা পুন্সিগী অরুবা অমসুং দাইমেন্সনশিংগা লোয়ননা হিংবা ঙমগনি। করিগুম্বা নহাক্না মীওইবগী হৈশিংবশিং থাদোকপা পাম্লবদি নহাক্না অৱাবা তাবগী অকীবদগী লাপথোকপা তাবনি।

মন্ত্রী প্রহলাদ সিংহ পতেলনা সাধগুরুবু ঙসিগী সেসনগী মহাক্কী ৱাখল লৌশিং শিয়র তৌবগী থৌরম লোইশিনবগী থাগৎ ৱারোল থম্লদুনা সেসন অদু লোইশিনখি।

এপ্রিল ১৪, ২০২০দা লোঞ্চ তৌখিবা দেখো অপনা দেশ ৱেবিনার সিরিজনা হৌজিক ফাওবদা ভারতনা লৈবাক পুম্বদা পীবা মখল কয়াগী তুরিজম পোত্থোকশিং অমসুং হৈ শিংবশিং উত্তুনা সেসন ৩৪ পাংথোকখ্রে। ৱেবিনার অসি য়ুত্যুব চেনেলগী মাইগোব ইন্দিয়াদা লাইব থাখি অমসুং ইনক্রিদিবল ইন্দিয়া য়াওনা সোসিএল মেদিয়া হেন্দল কয়ামরুম্না ফীদশিং অদু উৎখি। ৱেবিনার অসিনা মাইগোব ইন্দিয়া য়ুত্যুব চেনেলদা ভ্যুৱরশিপ ৬১০০, ইনক্রিদিবল ইন্দিয়া য়ুত্যুব চেনেলদা ভ্যু ১১০০ অমসুং ফ্লাইস্পাইজেৎ.কোমদা ভ্যু ৪৩০০ ফঙখি।

ইলেক্ত্রোনিক্স অমসুং ইনফোর্মেসন তেক্নোলোজি (এম.ই.তি.ৱাই.)না শেম্বা নেস্নল ই-গভর্নেন্স দিভিজন (এন.ই.জি.দি.)না প্রোফেস্নেল তীম অমনা হকথেংননা তেক্নিকেল এসিস্তেন্স পীদুনা দেখো অপনা দেশ ৱেবিনারশিং শিনবদা মন্ত্রালয়গী মতেং পাংবদা অচৌবা থৌদাং অমা লৌদুনা দিজিতেল এক্সপরিএন্স প্লেৎফোর্ম শিজিন্নরগা প্রজাশিংদা মপুংফানা স্তেকহোল্দর পুম্নমক্কা উনহনবা অমসুং পাউ ফাওনবা ঙমহনখ্রে।

ৱেবিনারগী সেসনশিং অদু হৌজিক https://www.youtube.com/channel/UCbzIbBmMvtvH7d6Zo_ZEHDA/videosদা অমসুং ভারত সরকারগী তুরিজম মন্ত্রালয়গী সোসিএল মেদিয়া হেন্দলশিংদসু ফঙবীগনি।

*****