কোবিদ-১৯ থেংননবা, তোঙান-তোঙানবা রাজ্যশিংদা থম্লিবা কোবিদ কেয়ার কোচশিংদা লৈনবা থারক্লবা কোরোনা অনাবা মীওইশিং ভারতনা রেলৱেজনা লায়েংবা হৌরে । থা অসিগী ২০ ফাওবদা বারানসী দিবিজনগী মাউ জঙ্কসনদা লৈবা কোবিদ কেয়ার কোচশিংদা মীওই ৪২ থমখ্রে । মমাংদা অনাবা মীওই ৮ দিসচার্জ তৌখ্রে ।

রাজ্য সরকারশিংনা পায়খৎলিবা লায়েংবগী থবকশিংদা ভারত রেলৱেজনা মতেং পাংলি । রাজ্যশিংদা ভারত রেলৱেজনা মসিগী কোবিদ কেয়ার কোচ ৫২৩১ পীরবা থৌরাং তৌরে । ফিবম ফরিবা অনাবশিং থম্নবা জোনেল রেলৱেজশিংনা মখোয়গী কোচশিং কোবিদ কেয়ার কোচশিং ওন্থোক্লে । দিল্লি, উত্তর প্রদেস, অন্ধ্র প্রদেস, তেলঙ্গানা অমসুং মৈধ্য প্রদেসতা হৌজিক ভারত রেলৱেজনা কোবিদ কেয়ার কোচ ৯৬০ থমখ্রে । অপুনবা কোবিদ কেয়ার কোচ ৯৬০ অসিগী মনুংদা, দিল্লিদা কোচ ৫০৩, অন্ধ্র প্রদেসতা ২০, তেলঙ্গানাদা ৬০, উত্তর প্রদেসতা ৩৭২ অমসুং মৈধ্য প্রদেসতা ৫ থমখ্রে ।

দিল্লিদা মফম ৯দা কোবিদ কেয়ার কোচ ৫০৩ থম্লি । সাকুরবস্তিদা কোবিদ কেয়ার কোচ ৫০, অনন্দ বিহারদা কোচ ২৬৭, দিল্লি সফদরজংদা ২১, দিল্লি সারাই রোহিলাদা ৫০, দিল্লি কেন্তোমেন্তদা ৩৩, অদারস নাগরদা ৩০, দিল্লি সাহাদ্রাদা ১৩, তুগলাবাদতা ১৩ অমসুং পতেল নগরদা ২৬নি ।

উত্তর প্রদেসকী মফম ২৩ হায়বদি পন্দিৎ দিন দয়াল উপধ্য জঙ্কসন, লখনৌ, বারানসী, বাদোহি, ফাইজাবাদ, সাহারানপুর, মিরজাপুর, সুবেদারগঞ্জ, কানপুর, ঝান্সি, ঝান্সি ৱার্কসোপ, অগ্রা, নাখা জঙ্গল, গোন্দা, নৌতানৱা, বাহরাইচ, বারানসী সিতি, মন্দুৱাদি, মাউ, বাতনি, বারেল্লি সিতি, ফারুখাবাদ অমসুং কাসগঞ্জদা পুন্না কোবিদ কেয়ার কোচ ৩৭২ থমখ্রে ।

মৈধ্য প্রদেসকী গ্বালিয়রদা কোবিদ কেয়ার কোচ ৫ থমখ্রে । অন্ধ্র প্রদেসকী বিজায়াৱাদাদা কোবিদ কেয়ার কোচ ২০ অমসুং সিকনদরবাদ, কাচগুরা অমসুং অদিলাবাদতা পুন্না কোবিদ কেয়ার কোচ ৬০ থমখ্রে ।

হেল্থ অমসুং ফেমিলি ৱেলফিয়ার মিনিস্ত্রিনা থোকখিবা চৎন-পথাপশিংগী মতুংইন্না, রাজ্য সরকারশিংনা ভারত রেলৱেজদা হায়জরকখি অমসুং রেলৱেজনা হায়রিবা কোচশিং অসি রাজ্যশিংদা থাখিবনি ।

লৈবাক্কী থবক্তা মতেং পাংবা ওইনা ভারত রেলৱেজনা রেলৱেজ কোচশিং কোবিদ কেয়ার সেন্তরশিং ওন্থোক্লে । ২০২০গী মে ৬দা হেল্থ অমসুং ফেমিলি ৱেলফিয়ার মিনিস্ত্রিনা পীখিবা এস.ও.পি মতুংইন্না দোক্তরশিং অমসুং পেরামেদিক্সশিং রাজ্য সরকারশিংনা পীগনি । রাজ্য সরকারগী ওফিসিএলশিং মতেং পাংনবা কোচশিং থম্লিবা মফমশিংদা লাইজসন ওফিসার ২ থমগনি । কোচ মনুংদা অইং-অশাগী চাং চানা থম্নবা পায়খৎপা থবকশিং পায়খৎলে । কোবিদ অনাবশিং লায়েংবদা মতেং পাংনবা রেলৱেজনা রাজ্য সরকারশিংদা পীবা য়াবা মতেংশিং পীগনি ।

হায়রিবা কোচশিং অসি ফিবম ফরিবা অনাবশিং থম্বদা শীজিন্নগনি অমসুং চিংনবা অমসুং চপ চানা খঙলবা কোবিদ কেসশিং থমফম লৈত্রবা রাজ্যশিংদা হায়রিবা কোচশিং অসি শীজিন্নগনি। হেল্থ অমসুং ফেমিলি ৱেলফিয়ার মিনিস্ত্রি অমসুং নিতি অয়োগনা পায়খৎপা কোবিদ-১৯গী অপুনবা থৌরাং অমগী মখাদা মসিগী খুদোংচাবশিং অসি ফংহনবনি ।

*****