ইন্দিয়ন রেলৱেজনা মহাক্কী থবক পাংথোকপশিং পুম্নমক্তা শেংনা মনুং-মপান ফাওনা উনবা, মপুং ফানা থবক পাংথোকপগী মঙম অমসুং কারবার তৌবদা কোম্বা তৌবা অদু হেনগৎহন্নবা লেপ্তনা হোৎনরকপগী পরিংদা নেৎৱর্কতা লৈনবগী সিস্তেম অদু লায়থোকহন্নবগীদমক্তা মরুওইবা থৌরাং অমা পায়খৎখ্রে। ইন্দিয়ন রেলৱেজগী অথোইবা লৈনবগী চৎন-কাংলোনশিংগী মতুং ইন্না, অফ-ফত্তগী ওইবা খ্বাইদগী মরু ওইবা মশক খংদোক্লবা ঙাক-শেন্নবগী অমদি মরুওইবা আইতেমশিং অসি আইতেম অদু ভেন্দরগী অয়াবা পীনবা এজেন্সিনা অয়াবা পীরবা অদুগুম্বা ভেন্দরশিংদগী লৈ।

হন্দক্তা ইন্দিয়ন রেলৱেগী ভেন্দর অয়াবা পীনবা এজেন্সি অমা হেক্তনা অয়াবা পীরক্লবা আইতেম অমগীদমক অয়াবা পীরক্লবা ভেন্দর অসি হায়রিবা আইতেমদুগীদমক্তা লৈবাক অসিগী রেলৱে য়ুনিৎশিং পুম্নমক্না অয়াবা পীরবনি হায়না লৌনগনি হায়বা ৱারেপ অসি লেপ্নখ্রে।

মসিগী ৱারেপ অসিনা মতম চংবা হন্থহনগনি অমসুং রেলৱে ইয়ুনীৎশিংগী তোঙানবা-তোঙানবা তেন্দরশিং অয়াবা পীনবা এজেন্সিশিংগা পাও ফাওনবা অসি শিংথানিংঙাই ওইবা মওংদা লোইশিনবদা নত্তনা নত্তনা হেন্না ইকোনোমিকেল ওইনবা অমসুং মপুং ফাবা ওইহন্দুনা মীয়ামগী ওইবা লৈনবগী চাংদম্নবসু হেনগৎহনগনি।

মসি ভারতকী ইন্দস্ত্রীশিং হেন্না ফজনা শেমগৎপদা ইনোৎ হাপকনি অমদি “মেক ইন ইন্দিয়া” অসি ওইহল্লকপদা মতেং ওইগনি।

মমাংদা ইস্তাব্লিসমেন্ত অমদা অয়াবা পীখ্রবা ভেন্দর অসি অতোপ্পা ইস্তাব্লিসমেন্তা লৈনবগীদমক্তা মহৌশাগী ওইবা মওংদা য়ারবনি হায়না লৌনরমদে অমসুং মদুগী মতাংদা খন্ননবা তোঙান-তোঙানবা ইস্তাব্লিসমেন্তকী অয়াবা পীবা ঙম্বদা এপ্লাই তৌগদবা ওইরম্মি। হৌজিক্তি রেলৱেজদা শেংনা মনুং-মপান উগদবা মওংদা মীখল তৌনবগীদমক্তা ওপ্সনশিং লৈহনগনি।

*****