থবক শুবা, মীয়ামগী ৱাকৎ অমসুং পেন্সন মন্ত্রালয়
কেন্দ্রগী মন্ত্রী অমসুং মমিং লৈরবা দাইবেতোলোজিস্ত দোক্তর জিতেন্দ্র সিংহনা হায়খ্রে, কোবিদনা দাইবেতিক্সকী অৱাবা মতম ওইহল্লে
“ৱার্ল্দ কংগ্রেশ ওফ ইন্দিয়ন একাদেমী ওফ দাইবেতিস”তা অথোইবা মীথুংলেন অমা ওইনা হৌদোকপগী ৱারোল থমখ্রে
Posted On:
20 JUN 2020 7:10PM by PIB Imphal
কেন্দ্রগী মন্ত্রী অদুগা মমিং লৈরবা দাইবেতোলোজিস্ত অমসু ওইরিবা দোক্তর জিতেন্দ্র সিংহনা ঙসি কোবিদনা দাইবেতিকশিংগী অৱাবা মতম ওইহল্লে হায়না ফোঙদোকখ্রে। দাই-ভি কোন ২০২০গী মমিং মখাদা ভর্চ্যুয়ল প্লেৎফোর্মদা অহানবা ওইনা পাঙথোকখিবা “ৱার্ল্দ কংগ্রেশ ওফ ইন্দিয়ন একাদেমি ওফ দাইবেতিস”তা অথোইবা মীথুংলেন অমা ওইনা হৌদোকপগী ৱারোল থম্লদুনা দোক্তর জিতেন্দর সিংহনা হায় অতোপ্পা হীরমশিংগুম্না, একেদেমিক্স ফাওবদা অৱাবা ফীভমদা অনৌবা নোর্মশিং পুথোক্নবা কোবিদনা ঐখোয়দা পুক্নিং থৌগৎলিবা অসি অসিগুম্বা অচৌবা ইন্তর্নেস্নল কনফরেন্স অমা মায় পাক্না শিন্দুনা মীৎনা উবা ফঙলে।
মমিং লৈরবা এন্দোক্রাইনোলোজিস্ত মুম্বাইদগী দোক্তর শশঙ্ক জোশি, অহমেদবাদতগী দোক্তর বন্সি সাবু অমসুং ওর্গানাইজরশিংগী অপুনবা তীম্বু দোক্তর এনদ্যু বোল্তন, প্রসিদেন্ত ইন্তর্নেস্নল দাইএবেতিস ফেদরেসন, দোক্তর ফ্রান্সিস জেবিয়র, দোক্তর ইতার্নর রাজ, দোক্তর ফ্লোরিএন তোতাইগা লোয়ননা দোক্তর ভি. মোহন, দোক্তর অর্বিন্দ গুপ্তা অমসুং অতোপ্পা ভারতকী মমিং লৈরবা দাইবেতোলোজিস্তগুম্বা দাইবেতিসকী মালেমগী মমিং লৈরবা স্কোলরশিং য়াওনা কন্তিনেন্ত মরিদগী খ্বাইদগী ফবা ফেকল্তি পুন্না য়াওহনবগী মহাক্না থাগৎপা ফোঙদোকখ্রে।
দোক্তর জিতেন্দ্রা সিংহনা হায়, দাইবেতিস নারিবশিংনা মখোয়না ঙাকথোকপা ঙম্বা হন্থবা অমসুং কোরোনানা মখোয়বু লায়না নাহনবগা লোয়ননা অরুবা ফীভমদা লৈহনবা য়াবা ইম্ম্যুনো-কম্প্রাইস স্তেতস অমদা লৈরি। মসিদা করিগুম্বা দাইবেতিস নারিবা মীওই অমনা ফিরাক্কী অনা য়াওরবা নত্রগা দাইবেতিক-নেফ্রোপেথী, ক্রোনিক কেদনী লাইনচিংবা নারবদি হেন্না খুদোংথীনিঙাই ওইহল্লি হায়না মহাক্না ফোঙদোকখি।
অসিগুম্বা ফীভম অসিদা দাইবেতোলোজিস্তশিংনা মখোয়গী অনাবা মীওইশিংগী ব্লদ সুগর লেবেল চেকশিন্না কন্ত্রোল তৌরগা থমদুনা লায়না লৌন্দনবা হোৎনগদবনি লোয়ননা মখোয়দা তৌগদৌবা চেকশিন থৌরাংশিংগী মরমদসু খঙহন্নবা থৌদাং লৌগদবনি হায়না দোক্তর জিতেন্দ্রা সিংহনা থমখি। কোবিদকা মরি লৈননা শীবগী চাং অসি ভারতকী ওইনা অতোপ্পা লৈবাকশিংগা য়েংনবদা নেমজরবসু, শীরিবা কোরোনা পোজিতিব ওইবা মীওইশিংগী মরক্তা কো-মোর্বিলিতীশিং নত্রগা দাইবেতিসগুম্বা ক্রোনিক দিসওর্দর নাবা মীওইনা অয়াম্বনা ওইরি হায়না মহাক্না ফোঙদোকখি।
দোক্তর জিতেন্দ্রা সিংহনা হায়রি, অমরোমদা কোরোনানা ঐখোয়দা অনৌবা কাংলোনশিংগা লোয়ননা হিংবা তম্বীরি মসিনা হৌখিবা চহিশিং অসিদা হাইজিন য়াওনা লাইথোকলুরবা নন-ফার্মাকোলোজিকেল পাম্বৈশিংদা ফিজিসিয়নশিংনা মীৎয়েং চংহন্ননবা তঞ্জা অমা পীরি। করিগুম্বা কোবিদকী লাইচৎনা লোয়খ্রবসু সোসিএল দিস্তেন্সিং ঙাকপা অমসুং দ্রোপলেৎনা লায়না শন্দোকপা অসিদগী ঙাকথোক্নবা তৌবা অসিনা অতোপ্পা লায়না কয়াদগীসু ঙাকথোকপা ঙমহল্লগনি হায়না মহাক্না থমখি।
*****
(Release ID: 1633101)
Visitor Counter : 153