ঙসি প্রধান মন্ত্রী শ্রী নরেন্দ্রা মোদীনা কোবিদ-১৯না শোকহনবদগী মাইগ্রেন্ত শিন্মীশিং মশিং য়াম্না হল্লক্লিবা মফমশিং/খুঙ্গংশিংদা থৌগৎপিনবা অমসুং হীংনবা পাম্বৈগী খুদোংচাবশিং পীনবা ‘গরিব কাল্যন রোজগার অভিয়ন’ হায়না মিংথোনবা পাক্তকননা থবক পীবা-লোয়ননা-রুরেল পব্লিক ৱার্কস কেম্পেন অমা হৌদোকখ্রে। খুঙ্গংগী চাওখৎ থৌরাং অমসুং পঞ্চায়তি রাজকী কেন্দ্রগী মন্ত্রী শ্রী নরেন্দ্রা সিংহ তোমার, সি.এম.শিং অমসুং শরুক য়ারিবা স্তেৎ ৬কী মীহুৎশিং অমসুং অতৈ অতোপ্পাশিংনা শরুক য়াবগা লোয়ননা অভীয়ান অসি জুন ২০(থাংজ)দা ভিদিও-কনফরেন্সকী খুত্থাংদা, বিহারগী খগারিবা জিলাগী, ব্লোক বেলদোর, তেলিহার খুঙ্গংদগী হৌদোকখি।

থৌরম অসিদা খুঙ্গংগী চাওখৎ থৌরাং অমসুং পঞ্চায়তি রাজকী কেন্দ্রগী মন্ত্রী শ্রী নরেন্দ্রা সিংহ তোমারনা ভারত অমসুং মলেম পুম্বা কোবিদ লায়না লাইচৎ মনুং অসিদা অচৌবা অৱাবশিং মায়োক্নরি হায়না ফোঙদোকখি। লোকদাউন অসি লাউথোকখিনা মতমদগী হৌনা খুঞ্জাশিং, লায়রবা মীওই, লৌমীশিং অমসুং মাইগ্রেন্ত শিন্মীশিংনা মায়োক্নরিবা অৱাবশিং অসি প্রধান মন্ত্রী শ্রী নরেন্দ্রা মোদীনা মরু ওইনা মীৎয়েং চংলিবা হীরমশিংগী মরক্তগী অমনি। মীয়ামগী তঙাইফদনা মথৌ তাবশিং য়েংশিন্ননবা লুপা কোতি ১,৭০,০০০গী পেকেজ অমা লাউথোকখি, মীয়ামগী অৱাবশিং কোকহন্ননবা হোৎনবদা ৱানা থোকখি। মখা তারকপদা, মে ১২, ২০২০দা প্রধান মন্ত্রীনা লুপা কোতি লাখ ২০গী পেকেজ অমা লাউথোকখি মসিগী মরু ওইবা পান্দমদি শেনমিৎলোনদা তংদু লৈদবা ফীভম পুরক্নবনি, মসিগী মথক্তা লৌউ-শীংউ, খুঙ্গংগী চাওখৎ থৌরাং, থবক পীবা অমসুং অনৌবা থবক্কী খুদোংচাবশিং ফংহনবা অসি মসিগী মনুংদা য়াওরি। মসিগী ইমপ্লিমেন্তেসন অসি স্তেৎ সরকারগা লোয়ননা পুন্না হোৎন্দুনা হৌদোকখ্রে অমসুং ফমশিং অদু তুংদা শোইদনা উবা ফংলগনি।

প্রধান মন্ত্রী শ্রী নরেন্দ্রা মোদীগী লুচিং মখাদা অমসুং মহাক্কী পোরম হৈনা য়াৎপা অসিগী মখাদা কোরোনাভাইরসকী লায়না লাইচৎ অসিগী অৱাবা তারবা মতম অসিদা ভারতনা খুদোংচাদবশিং খুদোংচাবা ওইনা ওন্থোকপা ঙম্বগীদমক ঐখোয় পুম্নমক্না হারাওবা ফাওই হায়না শ্রী তোমারনা ফোঙদোকখি। সরকারনা মখোয়গী থৌদাং মশক খঙবা ওইনা মশাগী খুঙ্গংদা হল্লকপা মাইগ্রেন্ত শিন্মীশিং মফম অদুদা থবক পীরি। প্রধান মন্ত্রীগী লুচিংগী মখাদা তৌরিবা অদু উবা ঙম্বা অমসুং অকুপ্পা ৱারোল অদু থম্লদুনা খুঙ্গংগী চাওখৎ থৌরাং অমসুং পঞ্চায়তি রাজকী কেন্দ্রগী মন্ত্রীনা হায় গরিব কাল্যন রোজগার অভিয়ান অসি স্তেৎ ৬কী জিলা ১১৬দা পাইখৎপা হৌখ্রে। মসি কেন্দ্র সরকারগী মন্ত্রী ১১গা পুন্না থৱায় য়াওনা মখোংদগী হৌরগা ইমপ্লিমেন্ত তৌরগনি। অভিয়ান অসি নুমিৎ ১২৫ তৌগনি অমসুং লোইশিন্নবা থবক ২৫ খন্দোকখ্রে। মরম অসিনা, থবক কয়া পীবা ঙমহল্লগনি। মসি মীয়ামদা মিসন ওইআন থবক পীনবা মরু ওইবা খোংথাং অমা ওইরগনি।

অভিয়ান অসি তোঙান তোঙানবা মন্ত্রালয়শিং/বিভাগশিং মমিং ওইনা পল্লবদা; খুঙ্গংগী চাওখৎ থৌরাং অমসুং পঞ্চায়তি রাজ, রোদ ত্রানস্পোর্ত অমসুং হাইৱেজ, মাইনস, থক্নবা ঈশিং অমসুং সেনিতেসন, এনভাইরনমেন্ত, রেলৱেজ, পেত্রোলিয়ম অমসুং নেচরেল গ্যাস, ন্যু অমসুং রিন্যুএবল ইনর্জী, বোর্দর রোদস, তেলিকোম অমসুং লৌউ-শীংউনা পব্লিক ইনফ্রাস্ত্রকচর ২৫গী থবকশিং অমসুং হীংনবগী পাম্বৈ পীনবা খুদোংচাবশিং হেনগৎহনবগা মরি লৈনবা থবকশিং ইমপ্লিমেন্ত তৌবা হেনগৎহন্ননবা মাইকৈ অমত্তদা চৎমিন্ননবা হোৎনবা ওইগনি । খোংথাং অসিগী মরু ওইবা পান্দমশিং অদুদি:

• হল্লক্লিবা মাইগ্রেন্তশিং অমসুং মসিগা মান্ননা শোকহল্লবা খুঙ্গংগী প্রজাশিংদা হিংনবগী পাম্বৈগী খুদোংচাবশিং পীবা
• পব্লিক ইনফ্রাস্ত্রকচরশিংগা লোয়ননা শোথরবা খুঙ্গংশিংদা লম্বীশিং, হাউজিং, অঙ্গনৱাদিশিং, পঞ্চায়ৎ ভৱনশিং, তোঙান তোঙানবা হীংনবগী এসেৎশিং অমসুং অতোপ্পশিংগী মরক্তা কম্ম্যুনিতি কমপ্লেক্সশিংগী খুথাংদা হিংনবগী পাম্বৈশিংগী খুদোংচাবশিং
• মখল কয়াগী থবকশিং য়াওরিবা অসিনা মাইগ্রেন্ত শিন্মী খুদিংমক মহাক্কী হৈজরিবগী মতুং ইন্না লাক্লিবা নুমিৎ ১২৫ অসিদা থবক ফংবগী খুদোংচাবা অমা ফংহল্লগনি। প্রোগ্রাম অসিনা হীংনবগী পাম্বৈশিং মতম শাংনা চাওথোকহন্ননবা অমসুং ফগৎহন্ননবা শেম শারগনি।

খুঙ্গং চাওখৎ থৌরাংগী মন্ত্রালয় অসি কেম্পেন অসিগী নোদেল মন্ত্রালয়নি অমসুং স্তেৎ সরকারশিংগা লোয়ননা পুন্না হোৎনমিন্নদুনা কেম্পেন অসি ইমপ্লিমেন্ত তৌগনি।

*****