মালেমগী যোগ নুমিৎ ২০২০ পাংথোক্কদবা নোংমা খক ৱাৎলি । লৈবাক অসিনা কোবিদ-১৯ থেংনরিঙৈদা, অশীন-অরাংগী থবকশিং তপথরে। হৌজিক ওইরিবা ফিবম অসিদা মী য়াম্না পুনদনবা খঙহনবদগী ৬সুবা মালেমগী যোগ নুমিৎ ২০২০ য়ুমদা ইমুং-মনুংগা লোয়ননা পাংথোক্নবা অয়ুস মিনিস্ত্রিনা ‘য়ুমদা যোগ, ইমুং-মনুংগা যোগ’ পুক্নিং থৌগৎলি।

মালেমগী যোগ নুমিৎ ২০২০ শরুক য়ানবা মীওই লাখ কয়ানা থাজবা পীখ্রে অমসুং অয়ুস মিনিস্ত্রিগী পান্দমদি যোগ শানরগা নুংঙাইবা পুরকপনি । মসি ২০২০গী জুন ২১গী অয়ুক পুং ৭দগী য়ুমশিংদা কম্মন যোগ প্রোতোকোলদা য়ুম্ফম ওইবা যোগ শানবনা ফংবা ঙমগনি। নুংঙাইনা যোগ শানবদা মতেং পাংনবা অয়ুস মিনিস্ত্রিনা প্রাসার ভারতিগা লোয়ননা ত্রেন্নরশিংনা লমজিংবা যোগ সেসনশিং দি দি নেসনেলদা উৎনবা থৌরাং তৌরি। মসিগী তেলিবিজনদা শন্দোক্কদবা থৌরম অসিদা প্রধান মন্ত্রীনা যোগ নুমিৎ মতাংদা পীবা ৱারোলশিং অয়ুক পুং ৬.৩০ শন্দোক্কনি।

৬সুবা মালেমগী যোগ নুমিৎ শরুক য়ানবা মীয়ামগী পুক্নিং থৌগৎনবা পাউজেল কয়া শক্নাইরবশিংনা পীখি। শক্নাইরবশিংগী মনুংদা এক্তর অকসে কুমার, অনুকসা শর্মা, মিলিন্দ সোমান অমসুং সিলপা সেত্তি কুন্দ্র য়াওরি। অয়ুস মিনিস্ত্রিনা থাদোকপা মখোয়গী পাউজেলশিং অদুদা যোগ অসি ঐখোয়গী পুন্সি লমজিংন্নবা থকসি-খাসি লৈবা অমসুং খাংবা কনবা লম্বী অমনি হায়খি। হায়রিবা যোগ নুমিৎকী পাউজেলশিং অসি ফেসবুক (https://www.facebook.com/moayush) অমসুং মিনিস্ত্রিগী অতোপ্পা সোসিয়েল মেদিয়া হেন্দলশিংদা উবা ফংগনি।

মালেমগী যোগ নুমিৎকী মীয়াম্না মাংজৌননা থৌরাং তৌবা ঙম্নবা মিনিস্ত্রিনা মসিগী ওনলাইন প্লেতফোর্মশিং হায়বদি য়ুতুব, ফেসবুক, ত্বিতর অমসুং ইন্সতাগ্রামদা মচাক কয়া ফংহল্লে। লৈবাক্কী তোঙান-তোঙানবা মফমশিংদা মীওই কয়ানা য়েংনবা যোগ সেসন কয়া তেলিবিজন্দা শন্দোক্লে। হায়রিবা ইলেকত্রোনিক অমসুং দিজিতেল রিছোর্সশিং অসিনা মীয়াম্না মালেমগী যোগ নুমিৎ মমাংদা মখোয়গী ময়ুমদা যোগ তম্নবগী খুদোংচাবা কয়া পীরে।

*****