প্ৰধানমন্ত্ৰী শ্ৰী নৰেন্দ্ৰ মোদীয়ে আজি ভিডিঅ’ কনফাৰেন্সিঙৰ জৰিয়তে বাণিজ্যিক খননৰ বাবে ৪১টা কয়লা ব্ল’ক নিলামৰ প্ৰক্ৰিয়া মুকলি কৰে৷ চৰকাৰে কিছুদিন পূৰ্বে ঘোষণা কৰা আত্মনিৰ্ভৰ ভাৰতৰ অধীনত এইলানি পদক্ষেপ গ্ৰহণ কৰা হৈছে৷ কয়লা মন্ত্ৰালয়ে ফিকিৰ সহযোগত এই কয়লা খনিসমূহৰ নিলামী প্ৰক্ৰিয়া আৰম্ভ কৰিছে৷ কয়লা খনিসমূহৰ আৱণ্টনৰ বাবে দুটা পৰ্যায়ৰ বৈদ্যুতিন নিলামী প্ৰক্ৰিয়া আৰম্ভ কৰা হৈছে৷

এই সন্দৰ্ভত শ্ৰী নৰেন্দ্ৰ মোদীয়ে কয় যে ভাৰতে ক’ভিড-১৯ৰ বিভীষিকাৰ পৰা অতি সোনকালেই মুক্ত হ’ব আৰু ৰাষ্ট্ৰই সংকটৰ এই মুহূৰ্তক সুযোগলৈ ৰূপান্তৰিত কৰিব৷ তেওঁ কয় যে এই সংকটে ভাৰতক আত্মনিৰ্ভৰ হ’বলৈ শিকালে৷ তেওঁ কয় যে আত্মনিৰ্ভৰ ভাৰতৰ অৰ্থ হ’ল আমদানিৰ পৰিমাণ হ্ৰাস কৰা আৰু আমদানিৰ পৰা বৈদেশিক মুদ্ৰা ৰাহি কৰা৷ ইয়াৰ দ্বাৰা ভাৰতে থলুৱাভাৱে সংসাধন উৎপাদন কৰাটোও সম্ভৱ হ’ব যাৰ বাবে ভাৰতে অন্যৰ ওপৰত আৰু যাতে নিৰ্ভৰ কৰিবলগীয়া নহয়৷

এইসমূহ লাভ কৰিবলৈ প্ৰধানমন্ত্ৰীয়ে কয় যে প্ৰতিটো খণ্ড, প্ৰতিটো সামগ্ৰী, প্ৰতিটো সেৱা যাতে ঐক্যৱদ্ধভাৱে পৰিচালিত হয় য’ৰ পৰা আত্মনিৰ্ভৰ ভাৰত ভেটি স্থাপন হ’ব পাৰে৷ তেওঁ কয় যে আজি গ্ৰহণ কৰা বৃহৎ পদক্ষেপসমূহে ভাৰতক শক্তি খণ্ডত আত্মনিৰ্ভৰশীল কৰি তুলিব৷ তেওঁ কয় যে আজিৰ এই অনুষ্ঠানটোৱে কেৱল কয়লা খণ্ডৰ সংস্কাৰ সাধনেই নহয় বৰঞ্চ যুৱসমাজৰ মাজত লক্ষাধিক নিয়োজনৰো সৃষ্টি কৰিব৷ তেওঁ কয় যে আজি আমি কেৱল কয়লাৰ বাণিজ্যিক খননেই নহয় বৰঞ্চ দশকজুৰি ‘লকডাউন’ হৈ থকা কয়লা খণ্ডক মুক্ত কৰাও হ’ব৷

প্ৰধানমন্ত্ৰীয়ে কয় যে কয়লা খনিৰ সংস্কাৰ সাধনৰ দ্বাৰা ইয়াৰ সৈতে জড়িত অন্যান্য খণ্ডসমূহ যেনে আইৰণ, বক্সাইট আৰু অন্যান্য খনিজাত আকৰৰ খণ্ডৰো সংস্কাৰ সাধন হ’ব৷

প্ৰধানমন্ত্ৰীয়ে কয় যে কয়লা খণ্ডৰ সংস্কাৰে পূব আৰু মধ্য ভাৰত, আমাৰ জনজাতি এলেকাক বিকাশৰ গতিলৈ অগ্ৰসৰিত কৰিব৷

প্ৰধানমন্ত্ৰীয়ে কয় যে চৰকাৰে কয়লা খনন আৰু পৰিবহণৰ আন্তঃগাঁথনি সৃষ্টিৰ বাবে ৫০ হাজাৰ কোটি টকা ব্যয় কৰাৰ সিদ্ধান্ত গ্ৰহণ কৰিছে৷ ইয়াৰ দ্বাৰা বৃহৎ সংখ্যক নিয়োজনৰ সৃষ্টি হ’ব৷

কয়লা মন্ত্ৰী শ্ৰী প্ৰহ্লাদ যোশীয়ে আজিৰ এই মুহূৰ্তটোক ঐতিহাসিক বুলি অভিহিত কৰি কয় যে প্ৰতিবছৰে ভাৰতৰ শক্তিখণ্ডৰ চাহিদা ৫ শতাংশকৈ বৃদ্ধি পাবলৈ ধৰিছে৷ ভাৰতক শক্তিৰ সকলো ধৰণৰ উৎসৰ প্ৰয়োজন৷ তেওঁ কয় যে কয়লাই ভাৰতৰ মুঠ শক্তি চাহিদাৰ অকলেই ৫০% পূৰণ কৰিব পাৰে৷ ব্যক্তিগত খণ্ডক উদ্যোগসমূহে খনি খণ্ডত প্ৰৱেশৰ এয়াই উপযুক্ত সময় বুলি তেওঁ মন্তব্য কৰে৷

এই নিলাম প্ৰক্ৰিয়াত ৪১টা কয়লা খনি মুকলি কৰি দিয়া হৈছে৷ এই কয়লা খনিসমূহ চট্টিশগড়, ঝাৰখণ্ড, মধ্য প্ৰদেশ, মহাৰাষ্ট্ৰ আৰু ওড়িশাত আছে৷

উল্লেখ্য, কয়লা মন্ত্ৰালয়ৰ যুটীয়া সচিব শ্ৰী এম নাগাৰাজুৰ নেতৃত্বত নিলামী প্ৰক্ৰিয়াৰ নীতি আৰু আইনী প্ৰক্ৰিয়া তথা চুক্তিসমূহৰ এক কাৰিকৰী অধিৱেশনো অনুষ্ঠিত কৰা হয়৷

****

RJ/NG/MANN