কোইলা মন্ত্রালয়

চাংদম্নবা ঙম্নবা, শেন থাদবা হেনগৎনা, শরুক য়ানবা অমসুং তেক্নোলোজিগীদমক কোয়লা অমসুং মাইনিংগী থবক হাংদোক্নবা ভারতনা ৱারেপ লৌরে : প্রধান মন্ত্রী

কোয়লাগী থবকশিংদা অওনবা পুরকপনা ভারতকী নোংপোক থংবা অমসুং ময়াই থংবা শরুক , ত্রাইবেলশিংগী মফমশিং চাউখৎপগী য়ুম্বীশিং ওইরগনি : প্রধান মন্ত্রী

কোয়লা ফংবা মফমশিংদা শেন য়াম্না থাদনবা অমসুং থবক ফংহন্নবা কোয়লাগী থবকশিংনা থাজবা পীরি : প্রালহাদ জোসি

কমর্সিএল মাইনিংগীদমক কোয়লাগী খনি নিলাম লাউবা হৌরে ; কোয়লাগী খনি ৪১ লাউরগনি

Posted On: 18 JUN 2020 5:23PM by PIB Imphal

ঙসি ভিদিও কনফরেন্সকী খুৎথাংদা প্রধান মন্ত্রী নরেন্দ্র মোদীনা কোয়লাগী ব্লোক ৪১ কমর্সিএল মাইনিংগীদমক নিলাম লাউবগী থবক হৌদোকখ্রে। মসি অত্মানির্ভর ভারত অভিয়ানগী মখাদা ভারত সরকারনা লাউথোকখিবা শরুক অমনি। কোয়লা মন্ত্রলয়না এফ.আই.আই.সিগা লোয়ননা কোয়লা খনিশিং নিলাম লাউবগী থবক হৌদোকপনি।

থৌরম অদুদা প্রধান মন্ত্রী মোদীনা হায়খি ভারতনা কোবিদ-১৯ লাইচৎ মাইথিবা পীবা ঙমগনি অমসুং মসিগী অৱাবা অসিদগী লৈবাক অসিনা খুদোংচাবা অমা লৌহৌগনি। মসিগী অৱাবা অসিনা অত্মানির্ভর ভারত হায়বদি মশা-মরোমদোম হিংজবা ঙম্নবগী পারা অমা ভারতনা তমহৌরে। মসিনা ভারতনা লৈবাক অসিগী লন-থুমশিং শেমগৎচবদগী লৈবাক অসিনা মপান লৈবাকশিংদগী পুশিল্লকপগী মখা পোন্দ্রে। মসিনা তাক্লিবদি হৌজিক ঐখোয়না মপান লৈবাকশিংদগী পুশিল্লক্লিবা অসি খ্বাইদগী চাউনা মপান্দা য়োনবা ঙম্বা লৈবাক অমা ওইরক্লগনি।

প্রধান মন্ত্রীনা হায়খি মসি ফংবা ঙম্নবা, অকক্নবা হিরম খরদা ভারত মশা-মরোমদোম লেপচবা ঙম্নবা হিরম অমা, পোৎথোক অমা, থবক অমা ৱাখলদা লৈগদবনি অমসুং অচুম্বা মওংদা থবক তৌগদবনি। ইনর্জিগী লমদা ভারত মশা-মরোমদোম লেপচবা ঙম্নবা ঙসি মরুওইবা থবক অমা পায়খৎলে। মসিগী থৌরম অসিনা কোয়লা পেকপগী থবকশিংদা অওনবা পুরকপা খক নত্তনা নহারোল কয়া থবক লাখ কয়া ফংহন্নবগী অহৌবা অমনি। ঙসি ঐখোয়না কমর্সিএল কোয়লা মাইনিংগী নিলাম লাউবা হৌদোকপা খক নত্তনা চহি কয়া থিংজিন্দুনা লাক্লবা কোয়লাগী সেক্তর মনিংতমহল্লে।

প্রধান মন্ত্রীনা হায়খি য়োৎ, বাউসাইদ অমসুং অতোপ্পা মিনরেলশিং কোয়লাগী রিজার্বশিংগী ময়া নক্না লৈবা মরম্না কোয়লা পেকপগী থবকশিংদা অওনবশিং পুরকপা অসিনা মিনিরেল সেক্তরদা অওনবশিং পুরকপগী থবক কনখৎহল্লে। কোয়লা কমর্সিএল মাইনিংগীদমক ঙসিগী নিলাম লাউবগী থবক হৌদোকপা অসি ইন্দস্ত্রিশিংগী মরী লৈনবা খুদিংমক্কী তোংজবনি । রাজ্য সরকারশিং শেল হেন্না ফংলগনি অমসুং লৈবাক অসি য়াম্লবা মীওই থবক ফংলগনি। সেক্তর খুদিংমক্তা কান্নবা ফংলগনি।

প্রধান মন্ত্রীনা হায়খি কোয়লাগী থবকশিংদা অওনবশিং পুরকপা অসিনা ভারতকী নোংপোক থংবা অমসুং ময়াই থংবা শরুক, ঐখোয়গী ত্রাইবেলশিংগী মফমশিং চাউখৎপগী য়ুম্বীশিং ওইরগনি। হায়রিবা মফমশিং অসিদা ওইহন্নিংবা চাউখৎপা অমসুং নুংঙাইবগী থাক অদু য়ৌদ্রিবা মশিং য়াম্লবা জিলাশিং লৈরি। লৈবাক অসিগী এস্পিরেসনেল দিস্ত্রিক ১৬দা য়াম্লবা কোয়লা লৈরি অদুবু মসিগী কান্নবা মফম অদুগী মীওইশিংনা ফংবা ঙমদ্রি । হায়রিবা মফমশিং অসিগী মীওইশিং থবক শুনবা থাপ্লবা সহরশিংদা চৎলি।

প্রধান মন্ত্রীনা হায়খি কমর্সিএল মাইনিংগী পায়খৎলিবা থবকশিং অসিনা মখোয়গী য়ুম ময়াদা মফম অদুগী মীওইশিং থবক ফংহন্দুনা ভারতকী নোংপোক অমসুং ময়াই থংবা শরুকশিং কান্নবা ফংলগনি। থবক য়াম্না ফংহন্নবা খুদোংচাবশিং লৈরিবা কোয়লা পেকপা অমসুং পুথোক-পুশিন তৌবগী থবকশিং অসিগীদমক মচাক-মথুমশিং শেমগৎনবা লুপা ক্রোর লিশিং ৫০ চাদিং তৌনবা সরকারনা ৱারেপ লৌরে।

কোএল অমসুং মাইন্সকী য়ুনিয়ন মিনিস্তর প্রালহাদ জোসিনা হায়খি থৌরম অসি পুৱারি ওইহৌরগনি অমসুং চহি অমদা ভারতকী দরকার ওইবা ইনর্জি চাদা ৫ হেনগৎলক্লি। লৈবাক অসিগী অপুনবা ইনর্জি ফংহনবদা কোয়লানা চাদা ৫০ ওইরি অমসুং মসি ফংহন্নবা কোয়লা মন্ত্রলয়না অচৌবা থৌদাং লৌরি। ইনর্জিগী লমদা কোএল ইন্দিয়া লিমিতেৎনা মরুওইবা থৌদাং অমা লৌরি।

কোএল অমসুং মাইন্সকী য়ুনিয়ন মিনিস্তরনা হায়খি কোয়লা ফংবা মফমশিংদা শেন য়াম্না থাদনবা অমসুং থবক ফংহন্নবা কোয়লাগী থবকশিং পায়খৎলে। হৌখিবা চহি ৬দা খনিশিংদগী পোৎথোক পুথোকপা য়াম্না হেনগৎলে। মরী লৈনবশিং শরুক য়াহন্দুনা কমর্সিএল মাইনিংগী থবক পায়খৎপনি। মাইনিংগী থবকশিংদা লনাই কম্পেনিশিং শরুক য়াহনবা মতম চপ চারবনি।

নিলাম লাউবা অসিদা কোয়লাগী খনি ৪১ শরুক য়ারি অমসুং মসিদা কুকিং কোএল মাইন ৪ য়াওরি। হায়রিবা কোয়লাগী খনিশিং অসি ছতিসগর, ঝারখান্দ, মৈধ্য প্রদেস, মহারাস্ত্রা অমসুং ওরিসাদা লৈরি। তেক্নিকেল অমসুং ফাইনান্সিএল বিদ্দিংগী লোয়ননা নিলাম লাউবা অসি তাঙ্কক অনি থোক্না পাংথোক্কনি।

কোএল মিনিস্ত্রিগী সেক্রেতরি, অনিল কুমারনা হায়খি কোয়লাগী থবক অসি হৌজিক সরকার নৎত্রগা খনগৎলবা কোরপোরেত খরগী মখাদা লৈররোই। কোয়লাগী খনিশিং কমর্সিএল মাইনিং য়াহনবা অসিনা কোয়লাগী খনিশিং অমসুং কোয়লা ললোন-ইতিক্কী থবকশিংদা থৱায় য়াওবা ওন্ত্রেপ্রেনিয়রশিং শরুক য়াবা ঙমহল্লগনি।

কোএল মিনিস্ত্রিনা হাপ্পা ওথোরিতি জে.এসকী এম নাগারাজুনা বিদ্দিংগী থবকশিং, আইনগী ওইবা ৱাফমশিং অমসুং য়ানচেশিংগী মতাংদা তার্ম অমসুং কন্দিসনশিংগী তেক্নিকেল সেসন অমা পাংথোকখি।

*****



(Release ID: 1632506) Visitor Counter : 33