জল শক্তিগী কেন্দ্র মন্ত্রী শ্রী গজেন্দ্র সিংহ সেখৱতনা ৱেস্ত বেঙ্গলগী চীফ মিনিস্তরদা ইবা চিথী অমদা স্তেত অদুদা জল জীবন মিসন (জে.জে.এম.)গী থবক পায়খৎপদা তপথবগী মতাংদা নুংনাংবা ফোঙদোকখ্রে‍। প্রধান মন্ত্রীনা হৌখিবা ইন্দিপেন্দেন্স দেগী পীখিবা ৱারোলদা হায়খিবগী মতুং ইন্না স্তেতশিংনা ইং ২০২৪ ফাওবদা খুঙ্গঙগী য়ুমথোঙ খুদিংদা তেপ কন্নেক্সন (এফ.ঐচ.তি.সি)গী খুত্থাঙদা থক্ননবা অফবা ঈশিং পীননবা পান্দম থম্লিবা জে.জে.এম. পায়খৎলি‍। মিসন অসিগী পান্দমদি খুঙ্গংগী নুপীশিং মরুওইনা নুপীমচাশিংনা নুতিগী থেংনরিবা অৱাবা থৌদাং হন্থহনবনি‍।

মহাক্কী চিথী অদুদা শ্রী সেখৱতনা জল জীবন মিসনগী ফন্দ অসি তেপ কন্নেক্সন পীখ্রবা মশিং অমসুং লৈরিবা ফন্দ শীজিন্নবগী মতুং ইন্না ভারত লৈঙাক্না পীথবনি‍। স্তেত অদুদা ইং ২০১৯-২০ মনুংদা য়ুমথোঙ লাখ ৩২দা তেপ কন্নেক্সন পীননবা পান্দম থমখিবদা শুপ্নতগী তেপ কন্নেক্সন ৪,৭৫০ খক্তমক পীবা ঙমখি‍। মখা তানা ৱেস্ত বেঙ্গলদা ইং ২০১৯-২০দা লুপা করোর ৯৯৪ পীখি, মদুগী মনুংদা স্তেত অসিনা লুপা করোর ৪২৮ খক্তমক শীজিন্নবা ঙমখি‍। মার্চ ২০১৭তগী হৌরগা অর্সেনিক/ফ্লুওরাইদনা শোকহল্লবা মফমশিংদা থক্ননবা অফবা ঈশিং পীননবা লুপা করোর ১,৩০৫.৭০ কায়থখি, মদুগী মনুংদা লুপা করোর ৫৭৩.৩৬ হৌজিকফাওবা শীজিন্নদনা লৈরি‍।

চিথী অদুদা স্তেত অদুগী এল্লোকেসন ইং ২০১৯-২০গী লুপা করোর ৯৯৪দগী ইং ২০২০-২১দা লুপা করোর ১,৬১০.৭৬দা হেনগৎহল্লে অমদি মমাঙ চহীগী শীজিন্নহৌদবা শেনফমদুগা ৱেস্ত বেঙ্গলগী ওইনা ইং ২০২০-২১দা জে. জে. এম.গী থবক পায়খৎননবা লুপা করোর ২,৭৬০গী লেঙদ্রবা শেনফম লৈরে হায়না পল্লি‍। স্তেত মেতচিং শেয়রগা লোয়ননা ৱেস্ত বেঙ্গলনা ২০২০-২১গী ওইনা জে.জে.এম.গী থবক পায়খৎনবা লুপা করোর ৫,৬৪৫ লৈরে‍। জল শক্তি মন্ত্রীনা খুঙ্গঙগী য়ুমথোঙ খুদিংদা থক্নবা অফবা ঈশিং পীবা হায়বসি লৈবাক্কী ওইবা প্রাইওরিতীনি অমদি স্তেতশিংনা পান্দম অসি অকক্নবা মতমদা ফংননবা হোৎনফম থোকই হায়বা অকনবা ৱাফম থমখি‍।

হান্না লৈরিবা ৱাতর সপ্লাই সিস্তেম অসিদা রেত্রোফিত্তিং/ওগমেন্তেসনদা হেন্না মায় ওনশিন্দুনা অকক্নবা মতমগী মনুংদা ৱাৎহৌরিবা য়ুমথোঙসিদা তেপ কন্নেক্সন পীবগী জে.জে.এম.গী পান্দম অসি ফংননবা নীংথিনা থৌরাং তৌবগী মথৌ তাবদা অকনবা ৱাফম থম্লদুনা জল শক্তি মন্ত্রীনা হান্না লৈরিবা ৱাতর সপ্লাই স্কিম লৈরবা মফমশিংদা খুঙ্গং ২১,৬০০দা লৈবা য়ুমথোঙ করোর ১দা তেপ কন্নেক্সন পীবা ঙমগনি হায়না ফোঙদোকখি‍।

শ্রী সেখৱতনা হায়খিবদা ঈশিং ফত্তবা মফমদা থক্নবা ঈশিংগী সপ্লাই তৌবা অসি জে. জে. এম.গী মখাদা তোপ প্রাইওরিতীনি অমদি দিসেম্বর ২০২০ ফাওবগী মমাঙদা অর্সেনিক/ফ্লুওরাইদনা শোকহল্লবা মফমশিংদা অফব ঈশিং পীগদবনি‍। এস্পিরেসনেল দিস্ত্রিক্তা লৈবা খুঙ্গংশিং, এস.সি./ এস.তি.না নম্না খুন্দাবা খুঙ্গং/মফমশিং, জে.ই.-এ.ই.এস.না শোকহল্লবা প্রাইওরিতী দিস্ত্রিক্তশিং অমদি সংসদ আদর্শ গ্রাম য়োজনাগী মখাদা লৈবা খুঙ্গংশিংদা খাইদোকপদা প্রাইওরিতী পীগদবনি‍।

লোকেল কম্ম্যুনিতীগী শক্লোন অমদি থৌদাংগী মতাংদা পল্লদুনা, জল শক্তিনা থক্নবা ঈশিং মতম শাংনা ফংদুনা লৈনবগীদমক থৌরাং তৌবদা, থবক পায়খৎপদা, মেনেজ তৌবদা, মথৌ তৌহনবা অমদি মেন্তেনেন্স তৌবদা খুঙ্গংগী লোকেল কম্ম্যুনিতী/ গ্রাম পঞ্চায়ত অমদু শীজিন্নরিবা কাঙবুশিং শরুক য়াহন্নবা ৱাফম থমখি‍। জল জীবন মিসন অসি থাঙ্গৈ শেংবা মীয়ামগী ইহৌ অমা ওইননবা খুঙ্গং খুদিংমক্তা আই.ই.সি. কেম্পেন অসি কম্ম্যুনিতী মোবিলাইজেসনগা লোয়ননা পায়খৎপা মথৌ তারি‍।

মতম শাংনা চৎনবা য়াবা ৱাতর সপ্লাই সিস্তেমগীদমক ঈশিং ফংফমগী মরুওইবা পল্লদুনা কেন্দ্র মন্ত্রীনা মতম শাংনা চৎনবা য়াবা ৱাতর সপ্লাই সিস্তেম লৈহন্নবগীদমক হৌজিক লৈরিবা থক্নবা ঈশিং ফংফমশিং হেন্না ফগৎহন্নবা ৱাফম থমখি‍। থৌরাং অসি খুঙ্গংগী থাক্তা তৌগদবনি অমদি এম.জি.এন.আর.জি.এস., এস.বি.এম., পি.আর.আই.শিংদা পীবা ১৫শুবা ফাইনান্স কম্মিসনগী গ্রান্ত, সি.এ.এম.পি.এ. ফন্দ, দিস্ত্রিক্ত মিনরেল দেভেলপমেন্ত ফন্দ, লোকেল এরিয়া দেভেলপমেন্ত ফন্দনচিংবা তোঙান তোঙানবা থৌরাং কয়া পুনশিল্লগা অরৈবা রিসোর্সশিং তাশিন্দুনা খুঙ্গং খুদিংমক্কী ভিলেজ এক্সন প্লান (ভি. এ. পি.) শেমগদবনি‍।

ইং ২০২০-২১দা ৱেস্ত বেঙ্গলনা পি. আর. আই.শিংদা ১৫শুবা ফাইনান্স কম্মিসননা পীবা গ্রান্ত ওইনা লুপা করোর ৪,৪১২ ফংগনি অমদি শেনফম অসিগী চাদা ৫০দি ৱাতর সপ্লাই অমদি সেনিতেসসনগীদমক শুকশোয় শোয়দনা শীজিন্নগদবনি‍। অমোৎপা ঈশিং ত্রিতমেন্ত তৌদুনা অমুক হন্না শীজিন্ননবগী থবক পায়খৎনবগীদমক স্বচ্ছ ভারত মিসন (জি)গী মখাদসু ফন্দ পীরি‍।

কোবিদ-১৯ লাইচৎকী ফীভমসিদা মীয়ামগী ওইবা স্তেন্দ পোস্ত/মীয়ামগী ঈশিং ফংফমশিংদা মী য়াম্না তিলহন্দবা হায়বসি মরুওইবা অমনি‍। লোকেলশিং/মাইগ্রেন্তশিং থবক ফংহনবা অমদি খুঙ্গংগী শেন্মিৎলোন ফগৎহনবতা মতেং ওইবতা নত্তনা সোসিএল দিস্তেন্সিং ঙাকপদা মতেং ওইগদবা য়ুমথোঙ খুদিংদা তেপ কন্নেক্সন পীননবা ৱাতর সপ্লাইগী থবক খুঙ্গং খুদিংমক্তা পায়খৎনবা ৱেস্ত বেঙ্গলগী চীফ মিনিস্তরদা ৱাফম থমখি‍।

জল শক্তি মন্ত্রীনা ৱেস্ত বেঙ্গলগী সি. এম.দা ৱেস্ত বেঙ্গলবু ইং ২০২৪ ফাওবদা চাদা ১০০ এফ. ঐচ. তি. সি. স্তেত হায়বদি ‘হর ঘর জল রাজ্য’ ওইহন্নবগীদমক কেন্দ্র লৈঙাক্না মপুং ফানা ঙাক্লৌ পীগনি অমদি সি. এম.গা ভিদিও কনফরেন্সিংগী খুত্থাঙদা অথুবা মতমদা জে.জে.এম. পায়খৎনবা থৌরাংগী মতাংদা খন্নগনি হায়না থাজবা পীখি‍।

*****